ESAIA 45:9 - Jinghpaw Common Language Bible 2009

⁹ Ga di bu gaw di bu sama wa hte, ndai di bu gaw kaga yawng hte bung nga a ni, nga nna dangrang gwi nga a ni? Kagam ga gaw di bu sama wa hpe nang hpa galaw nga n ta, ngu nna san mai nga a ni? Di bu gaw galaw ai wa hpe kung kyang ai lam n nga ai, ngu nna tsun aput mai nga a ni?

Jinghpaw Hanson Version Bible

⁹ Tinang hpe Hpan da ai wa hte dangrang hkat ai wa gaw, dingnye lu u ga; ga na dibu chyen ni hta, dibu chyen mi sha, shi rai nga a hka! Ga kagam gaw dibu sama wa hpe, Nang hpa galaw n ta? Nang galaw ai rai gaw, Shi lata n tu ai, nga nna tsun mai a ni?

ESAIA 45:9 ပူးပေါင်းရင်းမြစ်များ

YOBA 10:9

Nang gaw ngai hpe kagam ga hte hpan da nga ndai hpe dum u; ngai hpe ga nhpu de bai nhtang wa shangun na a ni?

YOBA 33:13

Shinggyim masha a aput angun ai ga hpe galoi mung n htan ya nga ai Karai Kasang hpe nang hpa majaw mara shagun n ta?

YOBA 9:12

Shi ra ai arai hpe shi la nga ai, kadai mung shi hpe jahkring lu ai n rai; Kadai mung shi hpe, “Nang hpa galaw nga n ta?,” ngu nna san gwi nga ai n rai.

YOBA 9:4

Karai Kasang gaw hpaji grai rawng ai hte daru magam n-gun rawng nga ai; kadai mung shi hpe gumlang lu ai n rai.

GA SHAGAWP 21:30

Dai Madu gaw nang hpe ninghkap ai rai yang, shinggyim masha a hpaji byeng-ya myit let nyan sam ai hte kraw dung nyan gade sung ti mung; dai gaw hpa mung akyu n rawng nga ai.

HPAJI NINGLI 6:10

Byin mabyin mahkra gaw moi moi kaw nna daw dan jahkut da sai hkrai rai nna nang gaw nang hta grau n-gun ja ai marai langai ngai hte dangrang hkat lu ai n rai, nga ai hpe anhte yawng chye ga ai.

ESAIA 10:15

Rai ti mung dai Madu gaw, “Nwa gaw dai hpe lang ai masha wa hta grau nga ai ngu, hkrak lu tsun nga a ni? Zingret gaw dai hpe ret ai masha wa hta grau ahkyak mai nga a ni? Dawhkrawng gaw masha hpe n sharawt nga ai; masha mahtang dawhkrawng hpe sharawt nga ai,” ngu nna tsun nga ai.

ESAIA 29:16

Shanhte gaw lam shagu hpe nhti nhtang gale galau di ma ai. Di bu sama wa hte kagam ga gaw gara mahtang grau nna ahkyak ai kun? Arai lama mi gaw galaw da ai wa hpe, “Nang gaw ngai hpe n galaw ndai, shing n rai, Nang hpa galaw nga ai lam nang n chye ndai,” ngu nna tsun lu nga a ni?

ESAIA 45:10

Anhte gaw anhte a kanu kawa ni hpe, “Nanhte hpa majaw ngai hpe ndai zawn shaprat da myit ni?,” nga nna san gwi nga a ni?

ESAIA 64:7

Akyu hpyi let nang kaw kayin wa ai masha kadai n nga nga ai; karum la na matu nang kaw kadai n sa nga ai. Nang gaw na hkum hpe anhte kaw na makoi kau nhtawm anhte galaw ai yubak mara ni a majaw anhte hpe kau da nga nit dai.

ESAIA 64:8

Rai ti mung, nang gaw dai Madu anhte a kawa rai nga ndai. Anhte gaw kagam ga hte bung ga ai, nang gaw di bu sama wa hte bung nga ndai. Nang anhte hpe hpan da ndai,

YEREMIA 18:6

“Di bu sama wa gaw kagam ga hte di bu galaw nu ai zawn, ngai gaw nang Israela amyu masha ni hte galaw lu na ahkang n lu mai nga a ni? Kagam ga gaw di bu sama wa a lata hta rai nga ai zawn nang gaw nye a lata hta rai nga ndai.

YEREMIA 36:29

Dai Madu gaw hkawhkam wa hpe tsun na matu ngai hpe ning nga nna hkang da wu ai: “Nang gaw ndai laika katsu nat kau nit dai, Babelon hkawhkam wa gaw ndai mung de du shang wa nna, mungdan hpe mung shamyit kau nga sai; dai mung na amyu masha ni hte yam nga ni hpe sat kau na ru ai nga nna shi hpa majaw ka da wu ta?, ngu nna nang Yeremia hpe san nit dai.

YEREMIA 50:24

Babelon e, nang gaw ngai hpe gasat gumlang nit dai; na a matu ngai hkam da ai mahkam hta lu nit dai, rai ti mung, dai amu hpe nang chye ai n rai.

Daniela 4:35

Shi gaw mungkan masha ni hpe hpa mi n re ai zawn yu nga ai; sumsing lamu na lamu kasa ni hte mungkan ga na masha ni gaw shi up hkang ai n pu hta taw nga ai. Kadai mung shi a sharawng awng ai hpe ninghkap lu ai n rai; shi galaw ai amu hpe kadai mung ga san n shapraw lu nga ai.

1 KORINHTU 10:22

Shing n rai anhte gaw dai Madu hpe manawn masham rai shangun mayu nga ga ni? Anhte gaw dai Madu hta grau n-gun ja ai ni rai nga ga ai ngu nna myit nga ga ni?