ESAIA 45:6 - Jinghpaw Common Language Bible 2009

⁶ Ngai ndai amu galaw ai majaw mungkan ga a jahtum maga shara mi kaw nna maga mi htum ai du hkra, nga pra nga ai masha hkum shagu hte gaw ngai nan dai Madu rai nga nngai hte karai shaje n nga ai lam hpe chye lu na mara ai.

Jinghpaw Hanson Version Bible

⁶ dai rai nna, ngai hta kaga kadai n nga ai, sinpraw maga na ni mung, sinna maga na ni mung, chye na lu na mara ai: ngai Yehowa nan rai nga nngai, ngai hta kaga kadai n nga ai.

ESAIA 45:6 ပူးပေါင်းရင်းမြစ်များ

SHAKAWN KUNGDAWN 46:10

Shi gaw, “Gasat gala ai lam hpe jahkring kau mu, ngai gaw masha amyu baw ni a ka-ang e mung, mungkan ting a Karai Kasang rai nga nngai hpe mung chye mu,” ngu nna tsun wu ai.

SHAKAWN KUNGDAWN 83:18

Nang chyu sha Madu rai nga ai lam hte ga ntsa ting hta e, Tsaw Htum ai Wa rai nga ai lam hpe shanhte chye na la mu ga law.

ESAIA 11:9

Karai Kasang a chyoi pra ai kawng ngu ai Ziun ntsa e machyi tsin-yam hte n hkru ai amu hpa mung nga na ra ai n rai. Panglai ni gaw hka hte hpring nga ai zawn dai Madu a machye machyang hpaji gaw mungkan ting hta pri rai na ra ai.

ESAIA 37:20

Ya chyawm gaw, Madu anhte a Karai Kasang e, Asuri masha ni a lata kaw na anhte hpe hkye mawai la mi, shaloi mungkan ga na masha amyu baw ni yawng gaw nang chyu sha Karai Kasang rai nga ai hpe chye lu na mara ai.”

ESAIA 43:10

“Israela amyu masha ni e, nanhte gaw nye a sakse ni rai nga myit dai; Nye a shangun ma tai na matu nang hpe ngai lata la nngai, Shaloi ngai chyu sha Karai Kasang rai nga nngai hpe nang chye wa nna ngai hpe kam sham ai hte chye na wa na rai ndai. Ngai hta lai, kaga karai shaje n nga nga ai; dai gaw moi prat e mung, du na ra ai prat hta mung galoi mung nga na n rai.

ESAIA 44:6

Israela hpe up nna makawp maga nga ai dai Madu Chyahtum Chyalai N-gun rawng ai dai Madu gaw ning ngu tsun nga ai: “Ngai gaw shawng ningshawng wa hte ahpang jahtum ngu ai Karai Kasang rai nga nngai; ngai hta lai karai shaje n nga nga ai.

ESAIA 45:5

“Ngai gaw dai Madu rai nga nngai; karai shaje mi n nga nga ai. Nang ngai hpe n chye ti mung, nang hta ra ai n-gun lagaw ngai nang hpe jaw na de ai.

ESAIA 47:8

“Pyaw daw kadaw ai hpe tsaw ra ai wa e, ndai lam madat u, nang gaw shim nga nngai ngu nna myit nga ndai. Nang gaw Karai Kasang zawn galu kaba nna, nang zawn re ai wa mi kadai n nga nga ai, nga nna tsun ndai. Nang gaw gaida jan langai zawn galoi mung byin na n rai, na a kashu kasha ni mat mat ai nni nkri hpe galoi mung hkam sha na n rai, nga nna nang myit nawn la nga ndai.

ESAIA 49:26

Ngai gaw nang hpe dip gamyet sha ai ni hpe shada da sat hkat shangun na nngai; shanhte gaw lu nang nna masha sat ai hte n-yun bu na mara ai. Dai hpang amyu masha ni yawng gaw ngai nan dai Madu rai nga nngai hpe mung, nang hpe hkye la ai hte nang hpe shalawt dat ai wa rai nga nngai hpe chye wa na mara ai. Shanhte gaw ngai nan Israela a daru magam n-gun hte hpring ai Karai Kasang rai nga nngai hpe chye wa na mara ai.”

ESAIA 59:19

Sinpraw maga kaw nna sinna maga de du hkra nga ai masha shagu hte gaw shi hpe mung, shi a galu kaba ai daru magam n-gun hpe mung hkrit kamyin wa na mara ai. Shi gaw agre yu wa ai hka nu hpungtun hte nbung bung ja zawn du sa wa na ra ai.

EZEKELA 38:23

Ndai lam hku nna ngai gaw galu kaba ai hte chyoi pra nga nngai hpe masha amyu baw ni yawng hpe madun dan na nngai. Dai shaloi, ngai nan dai Madu rai nga nngai hpe shanhte chye lu na mara ai.

EZEKELA 39:21

Dai Madu gaw, “Nye a teng man ai daw dan lam ni hpe galaw shapraw na matu, nye a daru magam n-gun hpe kaning rai lang ai, nye a hpung shingkang masha amyu baw ni hpe ngai madun dan ai hpe shanhte mu lu na mara ai.

YOELA 2:27

Dai hpang, Israela e, ngai nanhte a lapran e nga nga nngai mung, Ngai gaw dai Madu nanhte a Karai Kasang rai nga nngai hte ngai hta lai karai shaje n nga sai hpe nanhte chye wa na rai myit dai. Nye a amyu masha ni gaw galoi mung n kaw n law bai di hkrum na masai n rai.

MALAHKI 1:11

Mungkan a jahtum shara mi kaw nna kaga shara mi de du hkra nga ai masha ni ngai hpe shagrau sha-a ma ai. Shanhte gaw ngai hpe manam pyaw ai baw hpe shara shagu hkan nat ai hte hkam la mai ai shagu hkungga ni nawng ya ma ai. Shanhte yawng gaw ngai hpe shagrau sha-a nga ma hka!