ESAIA 45:3 - Jinghpaw Common Language Bible 2009

³ Ngai nang hpe sin ai hte shim ai shara e makoi da ai sut gan arung arai ni jaw na de ai; dai hpang ngai gaw dai Madu rai nga nngai hte Israela a Karai Kasang gaw nang hpe amying hku shaga nu ai hpe nang chye na rin dai.

Jinghpaw Hanson Version Bible

³ magri chyinghka ni hpe ngai agrawp kau nna, hpri htinggrang ni hpe kahtum kadaw di kau na we ai: nsin kata na sutgan, shim ai shara e makoi da ai arung arai, ngai nang hpe jaw na de ai.

ESAIA 45:3 ပူးပေါင်းရင်းမြစ်များ

2 HKAWHKAM LABAU 6:17

Dai rai nna ya chyawm gaw, Madu Israela a Karai Kasang e, na a shangun ma nye wa Dawi hpe nang jaw tawn da nit dai ga sadi shagu hpe teng tup byin shangun nga u ga law.

EZRA 1:2

“Ndai gaw Persi Hkawseng Kuru a hkang da ai ga rai nga ai. Dai Madu sumsing lamu a Karai Kasang gaw mungkan ga ting ngai hpe up hkang shangun ni ai hte Yuda mung Yerusalem hta shi a matu Nawku Htingnu langai gap na lit ngai hpe jaw da ni ai.

PRU MAT 33:12

Mawshe gaw dai Madu hpe, “Ndai amyu masha ni hpe dai mung de woi wa na, nang ngai hpe tsun ai gaw teng nga ai; rai ti mung ngai hte rau kadai hpe nang shangun ya na gaw ngai hpe n tsun yu ndai. Nang ngai hpe kaja wa chye nna yu sharawng nga ndai hpe gaw nang tsun nit dai.

PRU MAT 33:17

Dai Madu gaw Mawshe hpe, “Ngai nang hpe kaja wa grai chye ai hte nang hpe awng sharawng nga nngai majaw nang hpyi lajin ai hte maren ngai hkan galaw na nngai,” ngu nna tsun wu ai.

ESAIA 41:23

Du na ra ai aten hta byin magang wa na lam ni anhte hpe tsun dan mi- dai hpang nanhte karai ni rai nga myit dai hpe anhte chye lu na ga ai! Kaja ai amu lama mi galaw mu, shing n rai tsin-yam tsindam shabyin dat mu; anhte hpe hkrit ai myit hte hkrit kamyin ai myit jahpring ya mi!

ESAIA 43:1

Israela e, nang hpe hpan da sai dai Madu gaw, “Hkum hkrit et-ngai nang hpe hkye la na nngai. Na a mying hte ngai nang hpe shaga ni ai-nang gaw nye a rai nga ndai.

ESAIA 48:15

Ngai gaw shi hpe tsun ai wa hte shaga ai wa rai nga nngai; ngai gaw shi hpe lakawn ai hte awng dang lam jaw nngai.

ESAIA 49:1

Tsan gang ai shara hkan nga ai sumtsan masha amyu baw ni e, nye a ga madat mu! Ngai garai n shangai ai aten kaw na, dai Madu gaw ngai hpe lata la ai hte shi a shangun ma tai na matu ngai hpe san da nu ai.

YEREMIA 41:8

Rai ti mung, dai hpung hta lawm ai marai shi chyawm gaw Ishmaela hpe, “Chyeju hte anhte hpe hkum sat kau mi! Anhte lu ai hkaulan mam, muk-yaw mam, tsanlun sau hte lagat jahku ni hpe pa ga e makoi da ga ai,” ngu nna tsun ma ai. Shaloi shi gaw shanhte hpe shalawt tawn da wu ai.

YEREMIA 50:26

Dai mung hpe lamu ga man shara shagu de na gasat mu; dai mung na mam dum ni hpe adawt hpaw mu! Mam sumpum zawn lanep ni hpe magawn sumpum da mu! Mungdan hpe jahten sharun kau mu! Arung arai hpa mung hkum ngam da myit!

YEREMIA 50:37

Dai mung na gumra ni hte hpyen leng ni hpe jahten mu! Dai mung na saw shaga da hkrum ai hpyenla ni si hkrung si htan- shanhte gaw kade sha n-gun kya nga ma hka! Dai mung na sut gan ni hpe jahten mu; hpya lu hpya sha nna lanep hta la mu.

YEREMIA 51:13

Dai mung gaw hka nu law law nga nga ai hte sut pungding e ningngai nga ti mung, de a aten htum mat sai, de a asak sumri dan kau hkrum nga sai.

YEREMIA 51:53

Babelon gaw sumsing lamu de lu lung nna dai yang e n-gun ja ai hpyen dap lu gap tim pyi, dai hpe jahten kau na matu masha ni hpe ngai naw shangun na nngai. Dai Madu ngai nan tsun ni ai.”