ESAIA 45:24 - Jinghpaw Common Language Bible 2009

²⁴ “Shanhte gaw ngai hku nna sha awng padang hte n-gun atsam mu la nga ai; rai ti mung ngai hpe n dawng ai ni yawng gaw kaya kahpa hkrum na mara ai, nga nna tsun na mara ai.

Jinghpaw Hanson Version Bible

²⁴ “Yehowa hta chyu sha dinghpring ai hte n-gun atsam rai nga ai da,” nga nna nye a lam tsun da sai; masha ni gaw shi hpang de du na mara ai; shi hpe pawt sindawng ai ni yawng, kaya kahpa hkrum na mara ai.

ESAIA 45:24 ပူးပေါင်းရင်းမြစ်များ

NINGPAWT NINGHPANG 49:10

Yuda gaw hkawhkam sumdoi lang lu na ra ai, Shi a amyu matu ni tut nawng a up nga na mara ai. Amyu baw ni shi hpe shagrau kumhpa jaw ai hte Shi a man e madat mara let gum dagup na mara ai.

SHAKAWN KUNGDAWN 110:2

Madu gaw na a hkawhkam daru magam arawng sadang hpe Ziun kaw nna shara shagu de, maden dat na ra ai. Shi gaw nang hpe, “Na a gumlau hpyen ni a ntsa e, up hkang nga u,” nga nna tsun nga ai.

SHAKAWN KUNGDAWN 71:16

Ngai gaw Madu Karai Kasang a n-gun hte pru sa wa na nngai; na a mai kaja ai lam hpe chyu sha, ngai htawn tsun na nngai.

SHAKAWN KUNGDAWN 72:9

Nam mali hkan na amyu baw ni gaw na a man e, dingnyawm wa na mara ai; shi a gumlau hpyen ni gaw shi a man e dingnyawm wa na mara ai.

SHAKAWN KUNGDAWN 89:17

Nang anhte hpe awng padang kaba jaw ya nga ndai; na a tsaw ra myit hta, anhte hpe nang awng dang shangun nga ndai.

ESAIA 26:4

Dai Madu hpe htani htana kam hpa nga mu; shi gaw anhte hpe tut nawng makawp maga na ra ai.

ESAIA 41:11

“Nang hpe pawt sindawng ai ni gaw hkrat sum ai a kaya kahpa lam hpe chye wa na mara ai. Nang hpe gasat ai ni si mat na mara ai

ESAIA 44:8

Nye a amyu masha ni e, hkum hkrit myit! Moi prat kaw nna ya du hkra na lam hpe nang chye ndai. Ngai gaw hpa byin wa sai lam hpe tau tsun da ni ai, nanhte gaw nye a sakse ni rai nga myit dai. Kaga karai shaje nga nga a ni? Ngai galoi mung n na yu ai daru magam n-gun rawng ai karai nga nga a ni?

ESAIA 45:25

Dai Madu ngai nan Yaku a aru arat ni yawng hpe hkye mawai la na nngai, shanhte gaw ngai hpe shakawn kungdawn wa na mara ai.

ESAIA 54:17

Rai ti mung hpyen laknak hpa mung nang hpe machyi shangun lu na n rai; nang gaw nang hpe mara shagun ai ni yawng a matu mahtai lu na ra ai. Ngai gaw nye a shangun ma ni hpe makawp maga nna shanhte hpe awng padang jaw na nngai.” Dai Madu tsun nu ai.

ESAIA 55:5

Ya chyawm gaw, nang gaw nang hpe lang mi mung n chye ai maigan masha amyu baw ni hpe nang shaga ai hte shanhte nang hte matut na matu kagat shang wa na mara ai! Ngai gaw dai Madu na a Karai Kasang, Israela a chyoi pra ai Karai Kasang rai nga nngai, ndai yawng mayawng hpe ngai shabyin dat na nngai; ngai gaw nang hpe arawng sadang hte hpung shingkang ap ya na nngai,” ngu nna tsun ai.

ESAIA 60:21

Na a amyu masha ni gaw ding man ai amu mahkra galaw na mara ai, Mungdan hpe htani htana madu la na mara ai. Nye galu kaba ai lam yawng mayawng hpe madun dan na matu, Ngai shanhte hpe hkai da nna, shanhte hpe lajang da ni ai.

ESAIA 60:9

Dai ni gaw sumtsan mung na du wa ai sanghpaw li ni rai nna, Karai Kasang a amyu masha ni hpe nta de woi wa nga ma ai. Shanhte gaw masha amyu baw ni yawng hpe Shi a amyu masha ni a matu shagrau sha-a hkrum shangun nga sai. Dai Madu Israela a chyoi pra ai Karai Kasang hpe Shagrau sha-a na matu shanhte hte rau aja gumhpraw la wa ma ai.

ESAIA 61:10

Dai Madu galaw sai amu a majaw Yerusalem gaw kabu gara nga ai. Yerusalem gaw hkungran poi a matu mawn sumli da ai num nnan hte bung nga ai. Karai Kasang gaw hkye hkrang la ai hte awng dang ai lam hte hpun da nga nu ai.

ESAIA 61:11

Nli tum ni kaw na maku rawt wa ai hte tu kaba wa ai hte maren, dai Tsaw Htum ai dai Madu gaw shi a amyu masha ni hpe hkye hkrang la na ra ai, Masha amyu baw ni yawng shi hpe shakawn kungdawn na mara ai.

YEREMIA 33:16

Yuda hte Yerusalem na amyu masha ni gaw hkye mawai la ai hkrum nna shim lum ai hte shanu nga na mara ai. Dai mare hpe mung ‘Anhte a hkye hkrang la Madu’ ngu nna shamying na mara ai.

HABAKU 3:19

Tsaw Htum ai dai Madu gaw ngai hpe n-gun jaw nga ai. Shi gaw ngai hpe shannga lagaw zawn shangang ya nna, ngai hpe bum ntsa hkan e shim nga shangun nga ai.

ZEHKARIA 10:12

Ngai gaw nye a amyu masha ni hpe n-gun ja shangun na nngai; shanhte gaw ngai hpe nawku ai hte nye a ga madat mara na mara ai,” ngu nna tsun wu ai. Dai Madu tsun nu ai.

ZEHKARIA 10:6

“Ngai gaw Yuda amyu masha ni hpe n-gun ja shangun na nngai; Ngai gaw Israela amyu masha ni hpe hkye mawai la na nngai. Ngai gaw shanhte hpe yu matsan dum ai hte shanhte yawng hpe dum nta de woi wa na nngai. Shanhte gaw ngai shanhte hpe galoi mung n ningdang kau yu ai ni zawn tai na mara ai. Ngai gaw dai Madu shanhte a Karai Kasang rai nga nngai; shanhte a akyu hpyi ga ni hpe ngai htan ya na nngai.

ZEHKARIA 12:5

Dai hpang, Yuda amyu lakung ni gaw shanhte a myit kraw kata hta, ‘Chyahtum Chyalai N-gun rawng ai Madu Karai Kasang gaw Yerusalem hta nga ai shi a amyu masha ni hpe n-gun jaw ya nga ai,’ ngu nna tsun na mara ai.

ZEHKARIA 8:23

Dai nhtoi hte yang, maigan masha marai shi gaw Yuda masha langai hpang de sa nna, ‘Karai Kasang gaw nanhte hte rau rai nga ai hpe anhte na saga ai majaw nanhte hte rau anhte rau hkawm sa mayu ga ai,” ngu nna tsun na mara ai.

LUKA 13:17

Shi htan ai ga a majaw, shi hpe hpyen tai ai ni kaya mat shajang ma ai. Shawa masha ni yawng chyawm gaw, shi galaw ai mauhpa amu mahkra a majaw kabu gara shajang nga ma ai.

LUKA 19:27

Dai hta kaga, ya shanhte a ntsa e ngai hkawhkam tai nna up na n ra ai nye a hpyen ni hpe shaga dun wa nna, nye a man e sat kau maru,’ ngu nna hkang dat mu ai.

YAWHAN 12:32

Ngai chyawm gaw ga nna sharawt da ai hkrum jang, ngai masha yawng mayawng hpe ngai hpang de gang la na mawe ai,” ngu tsun wu ai.

YAWHAN 7:37

Shaloi dai poi a jahtum shani ngu ai ahkyak dik ai nhtoi kaba hta Yesu gaw tsap da nna, “Hpang gara ai wa kadai mung ngai hpang de sa lu rit.

1 KORINHTU 1:30

Karai Kasang nanhte hpe Hkristu hte langai sha byin tai shangun manit dai rai nna, Karai Kasang gaw Hkristu hpe anhte a hpaji byeng-ya tai wa shangun sai. Shi a marang e Karai Kasang a man e ding hpring wa lu ga ai, Karai Kasang a chyoi pra ai amyu masha ni tai wa lu ga ai hte yubak mara kaw na raw dat ai hkrum lu saga ai.

2 KORINHTU 5:21

Hkristu gaw yubak mara n kap ai wa rai nga ai, rai ti mung anhte gaw Hkristu hte langai sha tai wa nna Karai Kasang a ding hpring ai hpe hkam la na matu, Karai Kasang gaw Hkristu hpe anhte a matu mara anhte zawn yubak lu ai wa shatai wu ai.

EHPESU 3:16

Nanhte a kata na hkum ngu ai myit masin n- gun lapyin ja wa u ga, Karai Kasang gaw shi a hpung shingkang hte n taw n tsang re ai sut gan kaw na Wenyi a marang e nanhte hpe n- gun atsam jaw ya u ga, ngu nna mung,

EHPESU 6:10

Hpang jahtum dai Madu hte langai sha tai ai hku nna mung, shi a hpung shingkang hte mung, nanhte a n-gun lapyin shagreng da nga mu.

HPILIPI 4:13

Ngai hpe n-gun shaja ya ai Hkristu a majaw yawng mayawng hpe ngai galaw lu nngai.

KOLOSE 1:11

Dai rai nna nanhte hkrum hkra wa ai lam shagu hpe myit galu kaba ai hte hkam sharang lu na matu, shi a hpung shingkang rawng ai n-gun atsam a marang e nanhte hpe n-gun lagaw shaja myit ga.

2 PETRU 1:1

Yesu Hkristu a mayam hte, kasa tai nga ai, ngai Simun Petru gaw, anhte a Karai Kasang hte hkye hkrang la ai Madu Yesu Hkristu a ding hpring ai lam hta anhte zawn hpu la ai makam masham lu la nga ai ni hpang de ga shana dat nngai.

SHINGRAN 11:18

Na a pawt sindawng ai aten ladaw mung, si ai ni hpe tara dara na aten ladaw mung, ya aten hta du ra ai majaw, masha amyu ni n yun bu nga masai. Na a shangun ma myihtoi ni hpe mung, na a amyu masha ni hpe mung, nang hpe hkrit hkungga ai kaji kaba ni hpe mung, shabrai shagrau sha-a na aten hte lamu ga hpe jahten shabyak kau ai ni hpe jahten shabyak kau na nhtoi du ra ai law!,” nga nna tsun nga ma ai.

SHINGRAN 22:17

Dai Wenyi hte Num Ningnan gaw, “Sa rit!,” nga ma ai. Dai hpe na la ai wa kadai mung, “Sa rit!,” nga lu na rai nga ai. Hpang gara ai wa kadai mung sa ru ga; Asak ntsin hpe ra ai wa kadai mung, manu jahpu n hkrat ai kumhpa hku hkap la u ga.