ESAIA 45:21 - Jinghpaw Common Language Bible 200921 Tara rung hta na a amu sa shawn u; mara shut ai ni gaw shanhte shada da jahkrup hkat mu ga. Moi chyaloi nhkoi kaw nna byin mat wa sai lam ni hpe kadai tau tsun lu a ni? Shi a amyu masha ni hpe hkye la ai Karai Kasang ngu ai dai Madu ngai wa rai nga ai, n rai ni? Karai shaje n nga nga ai. အခန်းကိုကြည့်ပါ။Jinghpaw Hanson Version Bible21 Ga sumtu tsun shana mu; dai hpe shapraw mu ga; gaja wa, shanhte rau bawng mu ga; moi kaw nna ndai lam hpe madun ai wa, kadai? Chyaloi nhkoi kaw nna dai hpe shana ya ai wa, kadai? Ngai Yehowa nan n rai ni? Ngai hta shaje Karai Kasang n nga ai: ngai gaw dinghpring ai Karai Kasang hte Hkye hkrang la ai Wa rai nga nngai. အခန်းကိုကြည့်ပါ။ |
ESAIA 45:21
33 ပူးပေါင်းရင်းမြစ်များ
Dai ni gaw Egutu mung hta e, Chyahtum Chyalai N-gun rawng ai dai Madu a hpung shingkang masat kumla tai na mara ai. Dai shara hta roi rip dip gamyet da hkrum nga ai amyu masha ni gaw karum la na matu dai Madu hpe hpyi jahtau dat ai shaloi, shi gaw shanhte hpe hkye mawai la na matu marai langai mi hpe dat dat ya na ra ai.
Tara jeyang hkam na matu masha amyu baw ni hpe shaga dat mu. Shanhte a karai ni hta na gara mahtang du na ra ai aten a lam hpe tau tsun lu a ta? Shanhte hta na kadai mahtang ya hpa byin nga ai lam hpe tau tsun da nga sani? Ndai karai ni gaw shanhte teng man nga ai lam sakse madun na matu mung, shanhte tsun ai ga a teng man ai lam hpe sakse hkam na matu shanhte a sakse ga ni hpe shapraw mu ga.
Dai Madu gaw Israela hpe, “Egutu hte Ehtiopi mung na sut gan ni gaw na a rai na ra ai, hkum shingyan galu ai Seba masha ni gaw na a mayam ni tai na mara ai; shanhte gaw nang kaw hpri sumroi gyit ai hte hkan nang na mara ai. Shanhte gaw na a man e gum dagup nna mara hpyi nem let, ‘Karai Kasang gaw nang hte rau rai nga ai, shi chyu sha Karai Kasang rai nga ai.
Dai Madu gaw sumsing lamu ni hpe hpan da nga ai, shi gaw Karai Kasang rai nga ai! Shi gaw ginding aga hpe hkrang galaw shapraw nga ai, shi gaw dai hpe shangang ai hte shagrin da nu ai. Shi gaw dai hpe akrin akraw shara shatai ai n rai, amyu masha ni nga na shara shatai nga ai. Dai majaw shi gaw, “Ngai gaw dai Madu rai nga nngai, karai shaje kaga mi n nga nga ai.
Edom mung Bozra mare kaw na du sa wa ai ndai wa gaw kadai rai nga a ni? Hkyeng ai hpun palawng hte grai hkik hkam hkra hpun nna daru magam n-gun hte n-gun atsam hte hkawm sa wa ai ndai wa gaw kadai rai nga a ni? Dai gaw hkye hkrang la na daru magam n-gun hte shi a awng padang hpe tsun shabra na matu du sa nga ai dai Madu rai nga ai.
“Masha amyu baw ni hpang de shiga tsun shana mu! Dai hpe htawn tsun mu! Masat kumla sharawt mu, shiga ndau shana mu! Dai lam hpe hkum ip da myit! Babelon gaw hkrat sum mat sahka! Shi a Marduk karai daw gamang mat sai! Babelon a hpara sumla ni kaya kahpa hkrum masai; shi a matsat shabat re ai gawkngu sumla ni agrawp ayai mat sai!
Dai Madu nanhte a Karai Kasang gaw nanhte hte rau anga nga ai; shi a daru magam n-gun gaw nanhte hpe awng padang jaw ya nga ai. Dai Madu gaw nanhte hpe awng sharawng wa nna shi a tsaw ra myit hta, shi nanhte hpe asak nnan jaw ya na ra ai. Shi gaw lusha poi hta shang lawm nga ai masha ni kabu gara nga ma ai zawn,
Rai ti mung, dai Madu gaw dai mare hta ya du hkra nga nga nna, shi gaw teng man ai amu galaw let n shawp n kap ai amu hpe galoi mung n galaw nga ai. Jahpawt shagu n hprai ai sha, shi gaw shi a amyu masha ni hpang de tara malang ai hku shapraw dan nga ai. Rai tim, n teng n man ai masha ni gaw shut hpyit ai amu ni hpe matut galaw nga ma ai hte kaya n chye nga ma ai.
Ziun amyu masha ni e, kabu gara nga mu, kabu gara nga mu! Yerusalem amyu masha ni e, kabu gara jahtau garu nga mu! Yu mu, nanhte a hkawhkam wa gaw nanhte hpang de sa wa nga ai! Shi gaw padang ninglaw hte awng dang ai lam lu la nga ai, rai ti mung shagrit shanem ai myit hte lawze ntsa e jawn nga ai- lawze kasha langai a ntsa e, lawze kanu a kasha a ntsa e jawn nga ai.
ကြော်ငြာတွေ