ESAIA 45:15 - Jinghpaw Common Language Bible 2009

¹⁵ Shi a amyu masha ni hpe hkye la ai Israela a Karai Kasang gaw shi hkum shi makoi nga ai Karai Kasang rai nga ai.

Jinghpaw Hanson Version Bible

¹⁵ Israela Karai Kasang, Hkye hkrang la ai Wa e, makoi magap nga ai Karai Kasang nang teng teng rai nga ndai, nga nna hpyi nem na mara ai.

ESAIA 45:15 ပူးပေါင်းရင်းမြစ်များ

YOBA 10:13

Rai ti mung, ya chyawm gaw aten shagu ngai hpe machyi hkra shangun na matu mayun mayaw maw mawn nga ndai hpe ngai chye ni ai.

YOBA 23:3

Shi hpe tam la na shara ngai chye ai rai yang mung, shi nga ai shara de gara hku sa na lam hpe chye ai rai yang mung, ngai kade sha ra sharawng na rai nga n hka!

YOBA 23:9

Karai Kasang gaw dingdung maga hte dingda maga de amu galaw nga ai; rai ti mung, ngai shi hpe garai n mu lu nngai.

SHAKAWN KUNGDAWN 44:24

Nang gaw hpa rai anhte kaw na makoi nga n ta? Anhte a nni nkri hte ru tsang lam hpe hkum malap kau ya mi.

SHAKAWN KUNGDAWN 68:26

“Shi a amyu masha ni a hpawng hta Karai Kasang hpe shakawn mu; Yaku a aru arat ni yawng hte e, dai Madu hpe shakawn mu!”

SHAKAWN KUNGDAWN 77:19

Nang gaw hka leng ni a ntsa hku hkawm lai mat wa nna; sung ai panglai hka hpe lai di mat wa nga ndai, rai ti mung, na a lagaw hkang hpe kadai mung n mu lu nga ma ai.

ESAIA 1:15

Nanhte gaw lata sharawt nna akyu hpyi myit yang, ngai nanhte hpe yu na nngai n rai. Nanhte kade wa mi akyu hpyi myit dai rai tim, ngai madat ya na made ai n rai, hpa majaw nga yang, nanhte a lata sai kap nga myit dai.

ESAIA 12:2

Karai Kasang gaw ngai hpe hkye hkrang la ai wa rai nga ai; Ngai shi hpe kam hpa nga na nngai, hkrit kajawng na n rai. Dai Madu gaw ngai hpe daru magam n-gun hte n-gun lagaw jaw ya nga ai; shi gaw nye a hkye la Madu rai nga ai.

ESAIA 19:20

Dai ni gaw Egutu mung hta e, Chyahtum Chyalai N-gun rawng ai dai Madu a hpung shingkang masat kumla tai na mara ai. Dai shara hta roi rip dip gamyet da hkrum nga ai amyu masha ni gaw karum la na matu dai Madu hpe hpyi jahtau dat ai shaloi, shi gaw shanhte hpe hkye mawai la na matu marai langai mi hpe dat dat ya na ra ai.

ESAIA 43:11

“Ngai chyu sha dai Madu rai nga nngai, ngai chyu sha nang hpe hkye la lu ai wa rai nga nngai.

ESAIA 43:3

Ngai gaw dai Madu na a Karai Kasang, Israela a chyoi pra ai Karai Kasang, nang hpe hkye la ai wa rai nga nngai. Dai majaw nang hpe shalawt dat na matu, Egutu mung hpe mung, Ehtiopi mung hpe mung, Seba mung hpe mung ngai jaw na nngai.

ESAIA 45:17

Rai ti mung Israela gaw dai Madu a majaw hkye hkrang la hkrum nga sai, Israela a awng padang gaw htani htana agrin nga ai; Israela a amyu masha ni gaw galoi mung kaya kahpa hkrum na ma ai n rai.’”

ESAIA 46:13

Ngai gaw ni sa wa nga ai awng padang nhtoi hpe la sa wa nga nngai, dai gaw tsan nga ai n rai. Nye a padang ninglaw gaw htingnai nga na n rai. Ngai gaw Yerusalem hpe hkye la ai hte dai yang e Israela a matu arawng sadang tawn da ya na nngai.”

ESAIA 57:17

Shanhte a yubak hte lawhpa myit a majaw ngai shanhte hpe masin pawt nngai, dai rai nna, ngai shanhte hpe ari jaw ai hte kau da nngai. Rai ti mung, shanhte gaw du ja nna shanhte a lam hku matut hkawm ma ai.

ESAIA 60:16

Masha amyu baw ni hte hkawhkam ni gaw Nang hpe kanu gaw shi a kasha hpe bau maka ai zawn lanu lahku na mara ai. Dai Madu ngai nan nang hpe hkye la ni ai lam hpe mung, Israela a chyahtum chyalai n-gun rawng ai Karai Kasang nang hpe shalawt dat ai lam hpe mung, nang chye wa na ndai.

ESAIA 8:17

Dai Madu gaw shi hkum nan shi a amyu masha ni kaw nna myi man makoi mat nu ai, rai ti mung ngai shi hpe kam hpa ai hte shi hpe myit mada nga nngai.

YAWHAN 13:7

Yesu gaw, “Ngai galaw ai lam nang ya n chye na ti mung, hpang de she chye na na rin dai,” ngu nna shi hpe htan wu ai.

YAWHAN 4:22

Nanhte Samari masha ni gaw, tinang kadai hpe nawku nga ai hpe hkrak n chye myit dai; anhte Yuda masha ni chyawm gaw, tinang chye ai wa hpe nawku ga ai, hpa majaw nga yang, hkye hkrang la ai gaw Yuda masha ni kaw nna she du sa ai rai nga ai.

YAWHAN 4:42

Dai masha ni gaw, dai num sha hpe, “Ya gaw na a ga majaw sha kam sham ai n rai saga ai, shi a mungga hpe anhte nan na la lu nna, ndai wa gaw mungkan ga a hkye hkrang la ai Madu majing rai nga ai hpe anhte chye saga ai,” ngu mu ai.

KASA 13:23

Karai Kasang gaw, shi a ga sadi nga ai hte maren, Israela amyu masha ni a matu hkye hkrang la ai Yesu hpe Dawi wa a amyu matu kaw na paw pru shangun wu ai.

KASA 5:31

Israela amyu masha ni hpe myit malai lu shangun nna shanhte a mara raw dat kau ya ai ahkaw ahkang jaw ya na matu Karai Kasang gaw dai Madu hpe shi a hkra maga dung nga shangun nna ningbaw ningla hte Hkye hkrang la ai wa tai na matu shagrau shatsaw da nu ai.

2 PETRU 3:18

Nanhte gaw anhte a hkye hkrang la ai Madu Yesu Hkristu a chyeju hte shi hpe chye chyang ai lam hta matut nna galu kaba kunghpan sa wa myit ga; ya e mung, htani htana prat ding sa e mung, Yesu Hkristu kaw hpung shingkang anga nga u ga law.