ESAIA 45:14 - Jinghpaw Common Language Bible 2009

¹⁴ Dai Madu gaw Israela hpe, “Egutu hte Ehtiopi mung na sut gan ni gaw na a rai na ra ai, hkum shingyan galu ai Seba masha ni gaw na a mayam ni tai na mara ai; shanhte gaw nang kaw hpri sumroi gyit ai hte hkan nang na mara ai. Shanhte gaw na a man e gum dagup nna mara hpyi nem let, ‘Karai Kasang gaw nang hte rau rai nga ai, shi chyu sha Karai Kasang rai nga ai.

Jinghpaw Hanson Version Bible

¹⁴ Bai Yehowa gaw ning nga ai: Egutu mung na arung arai, hkum shing-yan galu ai Hkusha masha ni hte Sabea masha ni a hpaga kun rai, nang hpang de du nna, na a kun rai tai na ra ai. Shanhte gaw nang hpang de hkan nang na mara ai: hpri sumri gyit hkang ai hte shanhte sa du nna, na a man e gum dagup let, Gaja wa, Karai Wa nang hte rau rai nga ai; dai Karai Kasang hta kaga kadai n nga ai:

ESAIA 45:14 ပူးပေါင်းရင်းမြစ်များ

NINGPAWT NINGHPANG 27:29

Masha amyu baw ni na a shangun ma ni tai mat mu ga; amyu masha ni mung nang hpe dingnyawm gum dagup nga mu ga. Na amyu matu mara ni yawng hpe nang up hkang nna na ningnu a amyu matu ni na a man e dingnyawm nga mu ga; nang hpe matsa ai ni matsa ai bai hkrum mu ga; nang hpe shaman ai ni shaman ai bai hkrum mu ga,” ngu nna tsun wu ai.

2 SAMUELA 21:20

Dai hpang Gat mare e gasat gala ai hpe yu ra sharawng ai masha kaba langai hte majan bai byin sai. Dai wa gaw lata maga mi de layung kru kru, lagaw maga mi de layung kru kru tu ai wa rai nga ai.

ESHTA 8:17

Hkawhkam wa a ndau shabra laika hti shana dan ai mungdaw shagu hte mare shagu hta bansa ai shani lusha poi galaw let kabu gara awng sharawng nga ma ai. Kaga mung masha law law hte mung shanhte hpe hkrit nga ma ai majaw Yuda masha tai wa nga masai.

YOBA 1:15

Sheba masha ni akajawng sha htim shang nhtawm dai ni yawng hpe la mat wa masai. Dai ni gaw ngai hta lai nna na a shangun ma ni hpe shanhte sat kau ma ai. Nang hpe shiga wa tsun dan lu na matu lawt wa hkrum ai gaw ngai chyu sha rai nga ai,” ngu nna tsun dan wu ai.

YOBA 11:19

Na a gumlau hpyen ni hpe nang hkrit ra na ndai n rai; masha law law ni mung nang kaw karum sa hpyi na mara ai.

SHAKAWN KUNGDAWN 149:6

Masha amyu baw ni hpe awng dang kau na matu hte amyu masha ni hpe ari jaw na matu mung,

SHAKAWN KUNGDAWN 149:8

shanhte a hkawhkam ni hte mung du, salang ni hpe hpri sumri ni hte gyit nna, Karai Kasang a mungga hte maren, amyu baw ni hpe ari jaw na matu mung, Karai Kasang a amyu masha ni gaw shanhte a lata hta dai ai nhtu ni hpe lang da nna, nsen kaba hte jahtau let, Karai Kasang hpe shanhte shakawn mu ga. Ndai gaw Karai Kasang a amyu masha ni a awng padang lam rai nga ai. Dai Madu hpe shakawn mu!

PRU MAT 11:8

Mawshe gaw, “Na a du salang ni yawng ngai kaw du sa nna, nye a man e dingnyawm let, nye a amyu masha ni hpe woi wa nna pru wa manu, ngu nna ngai hpe shanhte lajin wa na mara ai. Dai hpang ngai pru mat wa na nngai,” ngu nna tsun ningdim da wu ai. Mawshe mung masin grai pawt ai hte hkawhkam wa a man kaw na pru mat wa wu ai.

ESAIA 10:33

Chyahtum Chyalai N-gun rawng ai dai Madu gaw hpun lakung lakying ni hpe krum kau ai zawn shanhte hpe gang agrawp daw kau na ra ai. Shanhte kaw na gumrawng gumtawng dik ai ni hte tsaw dik htum ai ni gaw kran kau ai hte shagrit kau ai hkrum na mara ai.

ESAIA 18:1

Ehtiopi mung na hka nu ni a wora hkran maga mi de, singkaw ni kahprup ai nsen na lu ai mungdan langai nga nga ai.

ESAIA 18:7

Chyahtum Chyalai N-gun rawng ai dai Madu gaw mungkan ting jawm hkrit ai hte hkum shingyan galu nna hkum shan pri tsawm ai amyu masha ni, n-gun ja nhtawm daru magam n-gun hte hpring nga ai amyu hte hka nu hku hkan nna garan da ya sai dai mungdan kaw nna sak jaw ai shagu hkungga hpe hkap la na aten gaw du wa nga sai. Shanhte gaw Chyahtum Chyalai N-gun rawng ai dai Madu hpe nawku ai shara ngu ai Ziun Bum de sa wa na mara ai.

ESAIA 19:21

Dai Madu gaw shi nan Egutu mung masha ni hpe shadan dan na ra ai, shanhte gaw shi hpe yin la nna nawku daw jau wa na mara ai. Shanhte gaw shi hpe shagu hkungga hte mahku hkungga ni nawng jau wa na mara ai. Shanhte gaw shi hta dagam ga sadi tawn da na mara ai, dai ga sadi hte maren shanhte galaw na mara ai.

ESAIA 19:22

Dai Madu gaw Egutu masha ni hpe ari jaw na ra ai, rai ti mung shi gaw shanhte hpe shamai shatsai ya na ra ai. Shanhte gaw shi kaw kayin wa na mara ai, shi gaw shanhte a akyu hpyi ga ni hpe na ya ai hte shanhte hpe shamai shatsai ya na ra ai.

ESAIA 23:18

Shi hpaga ga nna lu tam ai gumhpraw hpe dai Madu hpang de ap nawng ya na ra ai. Shi gaw dai gumhpraw ni hpe n kyem da na nu ai, rai ti mung dai Madu hpe nawku daw jau ai ni gaw shanhte hta ra kadawn nga ai malu masha hte bu hpun palawng ni mari la na matu, shi a gumhpraw jai lang wa na ra ai.

ESAIA 43:3

Ngai gaw dai Madu na a Karai Kasang, Israela a chyoi pra ai Karai Kasang, nang hpe hkye la ai wa rai nga nngai. Dai majaw nang hpe shalawt dat na matu, Egutu mung hpe mung, Ehtiopi mung hpe mung, Seba mung hpe mung ngai jaw na nngai.

ESAIA 44:8

Nye a amyu masha ni e, hkum hkrit myit! Moi prat kaw nna ya du hkra na lam hpe nang chye ndai. Ngai gaw hpa byin wa sai lam hpe tau tsun da ni ai, nanhte gaw nye a sakse ni rai nga myit dai. Kaga karai shaje nga nga a ni? Ngai galoi mung n na yu ai daru magam n-gun rawng ai karai nga nga a ni?

ESAIA 45:24

“Shanhte gaw ngai hku nna sha awng padang hte n-gun atsam mu la nga ai; rai ti mung ngai hpe n dawng ai ni yawng gaw kaya kahpa hkrum na mara ai, nga nna tsun na mara ai.

ESAIA 49:23

Hkawhkam ni gaw na a matu kawa ni zawn tai na mara ai; hkawhkam jan ni gaw kanu ni zawn tai na mara ai. Shanhte gaw na a man e gum dagup ai hte nang hpe shagrau sha-a na mara ai; shanhte gaw shagrit shanem ai hte nang hpe hkrit hkungga lam madun na mara ai. Dai hpang nanhte gaw ngai nan dai Madu rai nga nngai hpe chye na marin dai; nye a karum la lam ala nga ai ni kadai mung myit daw hten ai hkrum na ra ai n rai.”

ESAIA 54:3

Nang gaw na a lamu ga jarit ni hpe man maga shagu de maden jat lu na rai ndai; na a amyu masha ni gaw kaga masha amyu baw ni ya madu nga ai mungdan de nhtang wa na mara ai. Ya chyawm gaw katsi katsang re ai mare ni hta amyu masha ni hpring wa na mara ai.

ESAIA 55:5

Ya chyawm gaw, nang gaw nang hpe lang mi mung n chye ai maigan masha amyu baw ni hpe nang shaga ai hte shanhte nang hte matut na matu kagat shang wa na mara ai! Ngai gaw dai Madu na a Karai Kasang, Israela a chyoi pra ai Karai Kasang rai nga nngai, ndai yawng mayawng hpe ngai shabyin dat na nngai; ngai gaw nang hpe arawng sadang hte hpung shingkang ap ya na nngai,” ngu nna tsun ai.

ESAIA 60:3

Masha amyu baw ni gaw na a nhtoi de, Hkawhkam ni gaw na a nhtoi nnan a jahpawt manap de du sa wa na mara ai.

ESAIA 61:9

Shanhte gaw masha amyu baw ni a lapran e gumhkawng na mara ai; Shanhte hpe mu ai masha shagu hte gaw shaman chyeju hkam la nga sai amyu masha ni rai nga masai hpe chye wa na mara ai,” ngu nna tsun ai.

YEREMIA 16:19

Madu e, nang gaw ngai hpe makawp maga ai hte n-gun atsam jaw ya ai wa rai nga ndai; nang gaw ngai hpe ru tsang hkrum ai aten ni hta karum la nga ndai. Mungkan ga a jahtum de na amyu baw ni gaw nang kaw du sa wa nna, “Anhte a kaji kawa ni gaw hpara sumla ni hta kaga hpa mung n nga nga ai, dai ni gaw hpa akyu n rawng ai hte kaman lila hkrai rai nga ai.

EZEKELA 23:42

Pyaw daw kadaw hkawm ai masha hpung mi a nsen hpe na lu nga ai hte dai hpawng hta nam mali na la uhpung mi hpe mung shalawm la ma ai. Shanhte gaw numsha ni a lata hta lahkawn hkawn ya nna baw ni hta tsawm htap ai janmau ni hpe shagup ya ma ai.

EZEKELA 31:3

Nang gaw Lebanon e tu ai arit hpun hte bung nga ndai, Dai hpun gaw tsawm nna shingnip tai ya ai lakung lakying ni hte rai nga ai; hpun gaw grai tsaw nga ai hte de a ndung gaw sumwi ni hpe dep nga ai.

YOELA 3:8

Ngai gaw nanhte a shayi shadang sha ni hpe Yuda masha ni a lata de dut kau na nngai; shing rai shanhte gaw dai ma ni hpe tsan tsan e nga ai Sabean masha ni hpe dut ya na mara ai. Dai Madu ngai nan tsun ni ai.

BU HKAWM 13:32

Dai rai nna shanhte gaw shanhte hkan yu maram da sai mungdan hte seng nna Israela masha ni a lapran hta n teng ai shiga hpe shamawng dat ma ai. Shanhte gaw, “Dai mungdan hta nga nga ai masha ni sha na lusha pyi dai mung kaw nna alaw alam shapraw ya lu nga ai n rai. Anhte mu kau da sai masha shagu mung hkum hkrang grai galu kaba nga ma ai hte

1 KORINHTU 14:25

Shi na la ai mungga nlang hte a majaw shi a myit masin kraw lawang jeyang daw dan ai hkrum ai hte shi a makoi magap da ai maw mawn ai myit dan dawng wa na ra ai rai nna, shi gaw gum dagup nna Karai Kasang hpe nawku let, “Kaja wa Karai Kasang gaw nanhte hte rau nang e nga nga a hka!” nga nna yin la na ra ai.

1 HTESALONI 1:9

Nanhte kaw anhte sa du ai shaloi, nanhte gara hku anhte hpe hkap hkalum la myit dai hpe mung, nanhte gaw ahkrung nga ai hte teng man ai Karai Kasang hpe daw jau lu na matu gawkngu sumla ni hpe shinggan kau nhtawm, Karai Kasang hpang de kaning rai kayin wa myit dai mung,

SHINGRAN 3:9

Yu u! Tinang dai Yuda masha rai ga ai nga ti mung Yuda n teng ai sha, Satan a hpung hta lawm ai dai masu ai ni hpe na a lagaw nhpang e ngai shanhte hpe sa naw dingnyawm shangun na mawe ai rai nna, ngai nang hpe tsaw ra nga ai gaw, shanhte chye lu na mara ai.