ESAIA 44:9 - Jinghpaw Common Language Bible 2009

⁹ Hpara sumla tawk ai ni gaw kaman lila rai nga ma ai, shanhte manu shadan ai hte tawk da ai karai ni gaw asung n shang nga ai. Ndai karai ni hpe nawku ai ni gaw myi kyaw ai hte hpa mung n chye ma ai-shanhte gaw kaya kahpa hkrum na mara ai.

Jinghpaw Hanson Version Bible

⁹ Hpara sumla tawk ai ni yawng, kaman lila rai nga ma ai; shanhte sharawng awng ai rai ni gaw, akyu shapraw lu ai n rai; shanhte kaya kahpa hkrum sha mu ga, tinang a lam sakse hkam ai ni gaw mu mung n mu, chye mung n chye ma ai.

ESAIA 44:9 ပူးပေါင်းရင်းမြစ်များ

2 HKAWHKAM 19:18

shanhte a karai ni hpe nat kau ya mu ai. Dai ni gaw shinggyim masha a lata hte tawk sama da ai hpun hte nlung hte galaw da ai hpara sumla ni chyu sha rai nga ai; dai ni gaw karai ni n rai ma ai.

SHAKAWN KUNGDAWN 115:4

Shanhte a hpara ni hpe aja gumhpraw hte galaw da nna; dai ni hpe masha a lata hte tawk galaw da nga ai.

SHAKAWN KUNGDAWN 115:8

Dai hpara sumla ni hpe tawk galaw ai ni hte, shanhte hpe kam sham nga ai ni gaw shanhte galaw ai hpara sumla ni zawn sha, rai nga mu ga.

SHAKAWN KUNGDAWN 135:18

Dai ni hpe tawk ai ni hte, shanhte hpe kam hpa nga ai ni yawng hte mung shanhte galaw ai sumla ni zawn rai mat na mara ai.

SHAKAWN KUNGDAWN 97:7

Hpara sumla hpe nawku ai wa kadai rai ti mung, kaya kahpa hkrum nga nna; karai ni yawng gaw Madu a man e, dingnyawm nga ma ai.

ESAIA 26:11

Nang gaw na a gumlau hpyen ni hpe ari jaw na ra ai lam hpe shanhte n chye ma ai. Madu e, shanhte hpe kaya kahpa jahkrum nna nni nkri hkam sha shangun u; nang hkyen da ya sai ari ahpri shanhte hpe hkam sha shangun u. Na a amyu masha ni hpe nang kade daram tsaw ra nga ndai gaw, shanhte hpe madun dan u law.

ESAIA 41:24

Nang hte nanhte yawng galaw ai amu gaw kaman lila rai nga ai; nang hpe nawku ai ni mung matsat shabat rai nga a hka!

ESAIA 41:29

Ndai karai ni yawng kaman lila ni rai nga ma ai; shanhte gaw kaja wa hpa n lu galaw ma ai- ndai hpara sumla ni gaw n-gun kya ai hte daru magam n-gun n rawng nga ma ai.”

ESAIA 42:17

Hpara sumla ni hpe kam hpa ai ni yawng hte shanhte jaw tawn ai karai ni hpe shaga ai ni gaw shagrit kau ai hkrum nna kaya kahpa hkrum na mara ai,” ngu nna tsun wu ai.

ESAIA 42:18

“Dai Madu gaw, “Na lahpang ai amyu masha ni e, madat mu! Myi kyaw ai ni e, htep htep yu mu!

ESAIA 43:8

Karai Kasang gaw, “Nye a amyu masha ni hpe tara rung de shaga dat mu. Shanhte gaw myi tu ti mung myi n mu ma ai; shanhte gaw na tu ti mung na lahpang ma ai.

ESAIA 43:9

Tara jeyang hkam na matu masha amyu baw ni hpe shaga dat mu. Shanhte a karai ni hta na gara mahtang du na ra ai aten a lam hpe tau tsun lu a ta? Shanhte hta na kadai mahtang ya hpa byin nga ai lam hpe tau tsun da nga sani? Ndai karai ni gaw shanhte teng man nga ai lam sakse madun na matu mung, shanhte tsun ai ga a teng man ai lam hpe sakse hkam na matu shanhte a sakse ga ni hpe shapraw mu ga.

ESAIA 44:11

Dai hpe nawku ai masha shagu mung shagrit kau ai hkrum na mara ai. Hpara sumla tawk ai amyu masha ni gaw shinggyim masha ni rai nga ma ai, dai hta na hpa mung n jan lu nga ai. Shanhte dinglik yu ai hkrum mu ga-shanhte gaw hkrit gari ai hkrum nna kaya kahpa hkrum sha na mara ai.

ESAIA 44:18

Dai zawn re ai masha ni gaw shanhte hpa galaw nga ai amu hpe chye na na matu nau wa myit n su nga ma ai. Shanhte gaw shanhte a myi ni hpe mung, teng man ai lam hpe chye na shangun ai myit hpe mung pat da nga ma ai.

ESAIA 44:20

Dai gaw wan dap amawp sha nga ai zawn grau kaja ai lam shadan dan na ra ai. Shi a angawk ai myit mang lam gaw karum la n lu mat hkra shi hpe lam woi shadam kau nu ai. Shi a lata hta shi lang da ai hpara sumla gaw dik dik karai n rai nga ai lam hpe shi hkum nan yin la na ra ai n rai.

ESAIA 45:16

Hpara sumla tawk ai ni yawng hte gaw kaya kahpa hkrum na mara ai; shanhte yawng hte gaw jahpoi jahpyak ai hkrum na mara ai.

ESAIA 45:20

Dai Madu gaw, “Hkrat mat ai hkawseng mungdan hta naw ngam nga ai masha amyu baw ni e, sa hpawng marit; jep sagawn na matu nanhte nan du marit! Shanhte a hpun hpara sumla ni hte hpai madun ai ni hte shanhte hpe n hkye lu ai karai ni kaw akyu hpyi ai ndai amyu masha ni gaw hpa nan n chye nga ma hka!

ESAIA 57:12

Nanhte galaw ai amu gaw ding man nga ai ngu, myit nawn nga myit dai, rai ti mung na a sat lawat hpe ngai madun na nngai, nanhte a hpara sumla ni gaw nanhte hpe karum ya lu na ra ai n rai.

ESAIA 65:13

Dai re ai majaw, ngai hpe nawku ai ni hte nye a ga madat mara ai ni gaw nhpaw n-ya lu lu lu sha na mara ai, rai ti mung nang gaw kawsi kyet ai hte hpang gara ai hkrum na ndai. Shanhte gaw kabu gara lu na mara ai, rai ti mung nang chyawm gaw sari jahpoi hkrum na rai ndai, ngu ngai nang hpe tsun nngai.

YEREMIA 14:22

Masha amyu baw ni a hpara sumla ni kadai mung marang n lu jahtu ya nga ai; lamu gaw shi hkrai marang jahtu lu nga ai n rai; O Madu anhte a Karai Kasang e, anhte gaw nang hpe myit mada nga ga ai. hpa majaw nga yang, nang gaw ndai amu ni hpe galaw ai wa nan rai nga ndai.

YEREMIA 2:11

Kaga amyu baw gaw shanhte a karai ni ajet n rai nga tim pyi galoi mung n galai kau yu ma ai. Rai ti mung nye a amyu masha ni chyawm gaw shanhte hpe arawng sadang jaw ya ai Karai Kasang hpe shanhte a matu hpa mung n galaw ya lu ai karai ni hte ngai hpe galai kau manu ai.

YEREMIA 2:26

Dai Madu gaw, “Lagut gaw shi rim hkrum ai shaloi jahpoi hkrum nga ai zawn Israela a amyu masha ni yawng ngu na, na a hkawhkam ni, du salang ni, na a hkinjawng ni hte myihtoi ni gaw kaya kahpa hkrum na mara ai.

Daniela 11:38

Shingdi na malai, shi gaw hpyen dap ni hpe makawp maga ya ai karai hpe shagrau sha-a na ra ai. Shi gaw shi a kaji kawa ni galoi mung n nawku yu ai karai hpe aja, gumhpraw, lung seng hte kaga kumhpa law law nawng ya na ra ai.

Daniela 5:23

Nang gaw sumsing lamu Madu hpe ninghkap nhtawm shi a Nawku Htingnu na la wa ai gawm ni hte wan ni hpe la jashawn nga ndai. Nang mung, na a du magam ni mung, na a madu jan ni hte na a lashi num ni mung dai ni hta sabyi ntsin lu nhtawm, ja, gumhpraw, magri mang, hpri, hpun hte nlung ni hte galaw nna, myi n mu, na n na, hpa hpe mung n chye ai karai ni hpe shakawn kungdawn myit dai. Nang mahtang na a asak sumri sumdam hte nang galaw ai lam magup hpe yu hkang nga ai Karai Kasang hpe shagrau sha-a nga ndai n rai.

ROMA 1:22

Shanhte gaw shanhte a hkum hpe hpaji chye ai ni rai ga ai ngu nna tsun ma ai rai ti mung shanhte gaw angawk angak re ai ni rai nga ma ai.

1 KORINHTU 8:4

Dai rai nna, sumla ni hpe nawng ai hkungga lusha a lam hte seng nna tsun ga nga yang, sumla ngu ai gaw kaja wa asak hkrung shamu shamawt ai lam n nga ai, hpa n re ai rai nga ai hpe mung, langai sha rai nga ai Karai Kasang hta kaga shaje n nga ai hpe mung, anhte dum chye ga ai.

2 KORINHTU 4:4

Ndai mungkan ga a n hkru n kaja ai karai wa ngu ai Nat Satan wa gaw shanhte a myit ni hpe ningsin hte ka-up shamak tawn kau ya manu ai majaw, shanhte n kam n sham ma ai. Shi gaw dai Karai Kasang a hkrang bung sumla nan rai nga ai. Hkristu a hpung shingkang a lam dai Kabu Gara Shiga kaw na pru ai nhtoi hpe n mu lu shangun mu ai.

EHPESU 4:18

Shanhte a chye chyang ai nyan sin mak nga nna tsep kawp angawk angak re ai hte du ja nga ma ai majaw, Karai Kasang jaw ai asak kamhtaw hta n lawm mat ai ni rai nga ma ai.

EHPESU 5:8

Moi shawng de nanhte mung ningsin hta nga lai wa yu manit dai; rai ti mung ya e Madu a masha ni tai wa manit dai rai nna nhtoi de du shang manit dai. Dai re ai majaw, nanhte gaw nhtoi a kashu kasha ni zawn hkan galaw nga mu.

TARA JAHPRANG 27:15

“ ‘Dai Madu gaw hpara sumla nawku ai htung hpe n dawng nga ai rai nna, nlung, hpun hte nhprang arai ni hte tawk nhtawm dai hpe makoi magap nawku ai wa kadai mung Karai Kasang kaw na dagam dala hkrum wu ga law.’ “Shaloi Amyu masha ni yawng gaw, ‘Amen!,’ ngu nna htan na rai ma ai.

TARA JAHPRANG 4:28

Dai shara hkan e, myi n mu, na n na, n lu n sha chye ai hte manam n chye ai hpara ni ngu ai shinggyim masha a lata hte tawk da ai hpun hpara, nlung hpara ni hpe nanhte daw jau na marin dai.

TARA AGYI 10:14

Nanhte lata la manit dai hpara ni hpe sa jahtau masu. Ya nanhte ru yak tsin-yam tsindam hkrum hkra nga ai aten hta nanhte hpe shanhte hkye mawai la myit ga.”