ESAIA 44:4 - Jinghpaw Common Language Bible 2009

⁴ Shanhte gaw hka hkru ai tsingdu ni hte lwi hkrat wa ai hka shi makau hkan tu ai u byap hpun ni zawn bawngring wa na mara ai.

Jinghpaw Hanson Version Bible

⁴ shanhte gaw hka hkawng makau na mu mahka hpun zawn, tsingdu hte rau tu na mara ai.

ESAIA 44:4 ပူးပေါင်းရင်းမြစ်များ

YOBA 40:22

Ju singwum ni hte hka shi makau tu ai ubyap hpun ni a shingnip ka-up nga ai rai nna; shi hpe shingnip shara jaw ya nga ai.

YOBA 5:25

Nang gaw kashu kasha law law lu wa nna; dai gaw udat shara hta tu ai tsingdu tsingman ni zawn rai nga ai.

SHAKAWN KUNGDAWN 1:3

Shanhte gaw hka kau e tu nna, shi a aten hta asi si nhtawm alap mung n hkraw mat ai hpun ni hte bung nga ai. Shanhte galaw ai lam shagu awng dang nga ai.

ESAIA 48:19

Na a aru arat ni gaw zaibru tum ni zawn law htam wa nna, shanhte gaw galoi mung jahten kau n hkrum na rai nga ai hpe ngai shangang shakang da se ai.”

ESAIA 58:11

Ngai gaw nang hpe tut nawng woi lakawn nna mai kaja ai arai ni hte nang hpe myit shadik ya na nngai. Ngai gaw nang hpe n-gun shaja ya nna hkam kaja shangun na nngai. Nang gaw hka n taw n tsang rawng ai sun hte galoi mung n hkyet mat ai hka hpawk langai zawn tai na ndai.

ESAIA 61:11

Nli tum ni kaw na maku rawt wa ai hte tu kaba wa ai hte maren, dai Tsaw Htum ai dai Madu gaw shi a amyu masha ni hpe hkye hkrang la na ra ai, Masha amyu baw ni yawng shi hpe shakawn kungdawn na mara ai.

EZEKELA 17:5

Dai hpang, shi gaw Israela mungdan na hkai bawng baw la nna dai hpe ga sau rawng nhtawm tu kaba wa shangun na hka tut nawng jaw ya lu ai shara hta hkai da wu ai.

JAW JAU 23:40

Dai shani e, nanhte a hpun hta na kaja htum ai namsi nkau mi hpe mung, namhtan hpun lakung ni, alap kap ai hpun lakung ni hpe la nhtawm dai Madu nanhte a Karai Kasang hpe shagrau sha-a na nawku htung hte seng ai poi hpe galaw hpang na rai myit dai.

KASA 4:4

Rai ti mung, mungga na la ai ni law law wa kam sham ma ai rai nna, kam sham ai la sha yawng hkying manga daram jat wa ai.

KASA 5:14

Rai ti mung, Karai Kasang hpe hkap la kam sham ai numsha, lasha hpung kaba grau grau nna dai hpung hta jat bang wa ma ai.