ESAIA 43:5 - Jinghpaw Common Language Bible 2009

⁵ Hkum hkrit nga et-ngai nang hte rau nga nga nngai! “Tsan ai sinpraw maga hte tsan gang nga ai sinna maga de na, na a amyu masha ni hpe dum nta de ngai woi wa na nngai.

Jinghpaw Hanson Version Bible

⁵ Hkum hkrit et; ngai nang hte rau rai nga nngai: sinpraw maga de na, na a aru arat ni hpe ngai woi wa nna, sinna maga de na nang hpe shinggyin la na nngai;

ESAIA 43:5 ပူးပေါင်းရင်းမြစ်များ

SHAKAWN KUNGDAWN 106:47

Anhte a Madu, Karai Kasang e, anhte hpe hkye hkrang la mi; Masha amyu ni a kata kaw nna anhte hpe woi nhtang wa mi. Shing rai, na a chyoi pra ai mying nsang hpe shakawn nna, anhte nang hpe chyeju dum shakawn nga na ga ai.

SHAKAWN KUNGDAWN 107:3

Shi gaw nanhte a gumlau hpyen ni a lata kaw nna mawai la nu ai; sinpraw sinna, dingdung dingda mungdan shagu de nga hkawm nga ai nanhte hpe bai woi wa manit dai.

ESAIA 41:10

Hkum hkrit et-Ngai nang hte rau rai nga nngai! Ngai gaw na a Karai Kasang rai nga nngai-nang hpe hpa mung n jahkrit shama u ga! Ngai gaw nang hpe n-gun shaja ya ai hte karum la na nngai; Ngai gaw nang hpe makawp maga ai hte hkye la na nngai.

ESAIA 41:14

Dai Madu gaw, “Israela e, nang gaw kaji ai hte n-gun kya nga ndai, hkum hkrit et, ngai nang hpe karum na nngai. Israela a chyoi pra ai Karai Kasang Ngai gaw nang hpe hkye la ai wa rai nga nngai.

ESAIA 41:8

Rai ti mung, nang nye a shangun ma Israela e, nanhte gaw ngai lata la sai amyu masha ni rai nga myit dai; nanhte gaw nye a jinghku Abraham a aru arat ni rai nga myit dai.

ESAIA 41:9

Ngai gaw nang hpe ginding aga a jahtum kaw na woi la nngai; Ngai gaw nang hpe tsan htum ai jut shara ni kaw na shaga la nna nang hpe, ‘Nang gaw nye a shangun ma rai ndai,’ ngu nna tsun sai. Ngai nang hpe ningdang kau ai n rai, nang hpe lata la ni ai.

ESAIA 43:1

Israela e, nang hpe hpan da sai dai Madu gaw, “Hkum hkrit et-ngai nang hpe hkye la na nngai. Na a mying hte ngai nang hpe shaga ni ai-nang gaw nye a rai nga ndai.

ESAIA 43:2

Sung ai hka hku nang rap wa ai shaloi, ngai nang hte rau rai nga na nngai; na a ru yak tsin-yam tsindam ni nang hpe ka-up kau na ra ai n rai. Nang gaw wan hku kabye lai wa ai shaloi, hkru na ndai n rai; dai laja lana re ai chyam dinglik ai gaw nang hpe machyi hkra na ra ai n rai.

ESAIA 44:2

Ngai gaw nang hpe hpan da ai dai Madu rai nga nngai; nang shangai wa ai aten kaw nna, ngai nang hpe karum ni ai. Hkum hkrit et; nang gaw nye a shangun ma rai nga ndai, ngai tsaw ra ai hte lata la hkrum ai nye a amyu masha ni rai nga myit dai.

ESAIA 49:12

Nye a amyu masha ni gaw tsan gang ai shara ngu ai dingdung hte sinna maga de nna mung, dingda maga Aswan kaw na mung sa wa na mara ai.

ESAIA 49:18

Grup yin de mada yu nna hpa byin nga ai hpe yu u! Na a amyu masha ni gaw zup hpawng nga ma ai, shanhte gaw dum nta de wa nga ma ai! Ngai gaw ahkrung nga ai Karai Kasang rai nga ai hte maren, num nnan gaw shi mawn sumli da ai ja lung seng ni a majaw gumrawng lu ai zawn nang mung na a amyu masha ni a majaw gumrawng lu na rai ndai.

ESAIA 54:3

Nang gaw na a lamu ga jarit ni hpe man maga shagu de maden jat lu na rai ndai; na a amyu masha ni gaw kaga masha amyu baw ni ya madu nga ai mungdan de nhtang wa na mara ai. Ya chyawm gaw katsi katsang re ai mare ni hta amyu masha ni hpring wa na mara ai.

ESAIA 54:7

“Aten kadun mi hta, ngai nang hpe kau da nngai; tsaw ra myit sung sung hte ngai nang hpe bai woi la nngai.

ESAIA 61:9

Shanhte gaw masha amyu baw ni a lapran e gumhkawng na mara ai; Shanhte hpe mu ai masha shagu hte gaw shaman chyeju hkam la nga sai amyu masha ni rai nga masai hpe chye wa na mara ai,” ngu nna tsun ai.

ESAIA 8:10

Nanhte a hpyen zai ladat shaw mu! Rai ti mung dai ni gaw galoi mung awng dang na mara ai n rai. Nanhte ra ai lam mahkra tsun mu! rai ti mung dai lam yawng kaman lila rai nga ai, hpa majaw nga yang Karai Kasang gaw anhte hte rau rai nga ai.

YEREMIA 23:7

Dai Madu gaw, “Israela amyu masha ni hpe Egutu mung kaw nna woi shapraw wa ai ahkrung nga ai Karai Kasang rai nga ai ngu nna amyu masha ni ngai hpe galoi mung n dagam ai aten du wa nga ai.

YEREMIA 23:8

Shing ngu dagam na malai, Israela amyu masha ni hpe dingdung mung kaw nna mung, ngai shanhte hpe shabra kau dat ai kaga mungdan ni yawng kaw na mung woi shapraw wa ai ahkrung nga ai Karai Kasang hta shanhte ngai hpe dagam na mara ai. Dai hpang shanhte gaw shanhte a mungdan majing hta nga lu na mara ai,” ngu nna tsun ai.

YEREMIA 29:14

Rai sa, nanhte ngai hpe mu tam na marin dai; ngai gaw nanhte hpe nanhte a mungdan hta bai wa shanu shangun na nngai. Ngai gaw nanhte hpe mungdan shara shagu hkan na hte nanhte hpe ngai shaden shabra kau dat ai shara shagu hkan na shinggyin la ai hte nanhte hpe shaden shabra kau ai mungdan kaw na ngai bai woi wa na nngai, nga nna tsun ai. Dai Madu ngai nan tsun ni ai,’ nga ai.

YEREMIA 3:18

Israela gaw Yuda hte matut nna shanhte gaw dingdung maga na mungdan hta bawng dung hkrum nga ai kaw na wa nhtawm prat dingsa madu nga na matu na a nji nwa ni hpe ngai jaw da sai lamu ga de nhtang wa na mara ai.

YEREMIA 42:11

Babelon hkawhkam wa hpe hkum hkrit nga myit. Ngai gaw nanhte hte rau rai nga nngai. Ngai gaw nanhte hpe shi a lata kaw na mawai la na nngai.

YEREMIA 51:46

Nanhte na ai shi wawn ga ni a majaw, nanhte a myit marai hkum shayaw kau myit, hkrit mung hkum hkrit myit. Mungdan kata na kashun kashe du daw sai hkaw shiga, hkawhkam langai gaw kaga langai wa mi hpe gasat ai zawn nga ai shiga gaw shaning shagu pru shajang nga ai.

YOELA 3:7

Ya chyawm gaw nanhte gaw shanhte hpe dut kau dat ai shara ni kaw nna ngai bai woi la na nngai. Nanhte shanhte hpe galaw manit dai hte maren ngai mung nanhte hpe galaw na made ai.

MIHKA 2:12

“Rai ti mung, nanhte Israela amyu masha ni hta na naw ngam nga ai ni yawng hte hpe ngai shinggyin da na we ai. Sagu ni gaw shanhte a ulawng de nhtang wa ma ai zawn, ngai nang hpe bai jahpawng la na nngai. Sagu ni hte hpring nga ai udat shara zawn na a lamu ga gaw masha law law hte kalang mi bai hpring chyat wa na mara ai.”

ZEHKARIA 8:7

Nye a amyu masha ni hpe shanhte woi la hkrum ai mungdan ni kaw na hkye mawai la na nngai;

LUKA 13:29

Sinpraw, sinna, dingdung, dingda de na masha ni sa nna, Karai Kasang a Mungdan lusha poi hta dung nga lu na mara ai.

YAWHAN 10:16

Ndai wulawng hte n seng ai kaga sagu ni mung ngai naw lu nngai, dai sagu ni hpe mung ngai naw woi jashawn la lu na rai nna dai ni mung nye a nsen madat na mara ai. Shaloi sagu hpung langai sha, sagu rem wa langai sha, rai na ra ai.

TARA JAHPRANG 30:3

dai Madu nanhte a Karai Kasang gaw nanhte hpe matsan yu dum nhtawm nanhte hpe shaden shabra kau dat ai masha amyu baw ni a lata kaw na nanhte hpe bai woi la ai hte kalang mi bai ngamu ngamai shangun na marin dai.