ESAIA 43:3 - Jinghpaw Common Language Bible 2009

³ Ngai gaw dai Madu na a Karai Kasang, Israela a chyoi pra ai Karai Kasang, nang hpe hkye la ai wa rai nga nngai. Dai majaw nang hpe shalawt dat na matu, Egutu mung hpe mung, Ehtiopi mung hpe mung, Seba mung hpe mung ngai jaw na nngai.

Jinghpaw Hanson Version Bible

³ Kaning rai nme law, ngai gaw, nang hpe Hkye hkrang la ai Madu, Israela a Chyoi pra ai Wa, na a Karai Kasang Yehowa rai nga nngai: na a gawng malai hkungga tai na matu Egutu mung hpe mung, na a malai Hkusha hte Seba mung hpe mung, ngai jaw ni ai.

ESAIA 43:3 ပူးပေါင်းရင်းမြစ်များ

NINGPAWT NINGHPANG 10:7

Hkusha a matu mara ni gaw Seba, Hawila, Saphta, Rama hte Sabhtahka amyu masha ni rai nga ai. Rama a matu mara ni gaw Sheba, hte Dedan amyu masha ni rai ma ai.

SHAKAWN KUNGDAWN 72:10

Spain mung hte zunlawng ni a hkawhkam ni gaw, shi hpe kumhpaw kumhpa ni, sa sak jaw na mara ai; Arabi hte Ehtiopi mung na hkawhkam ni mung, shi hpe hkungga kumhpa la sa ya na mara ai.

PRU MAT 10:7

Dai hkawhkam wa a du salang ni gaw shi hpe, “Ndai wa galoi du hkra anhte hpe ru yak jam jau jaw na rai wu ta? Israela lasha ni hpe dat dat ya ga, shaloi shanhte a Madu Karai Kasang hpe nawku lu na mara ai. Ya Egutu mung hten za mat sai gaw nang n chye n ni?,” ngu nna tsun ma ai.

PRU MAT 20:2

“Ngai gaw nang mayam sa tai nga ai Egutu mung kaw na woi shapraw wa ai dai Madu na a Karai Kasang rai nga nngai.

GA SHAGAWP 11:8

Ding hpring ai ni gaw ru yak tsin-yam kaw na makawp maga la ai hkrum nga ma ai; dai ru yak tsin-yam gaw shi kaw du na malai tara n lang ai wa kaw du na rai nga ai.

GA SHAGAWP 21:18

Tara n lang ai ni e, mai kaja ai masha ni hpe shabyin ai nni nkri ni hta shanhte hkum nan bai hkrum sha nga ma ai.

ESAIA 19:20

Dai ni gaw Egutu mung hta e, Chyahtum Chyalai N-gun rawng ai dai Madu a hpung shingkang masat kumla tai na mara ai. Dai shara hta roi rip dip gamyet da hkrum nga ai amyu masha ni gaw karum la na matu dai Madu hpe hpyi jahtau dat ai shaloi, shi gaw shanhte hpe hkye mawai la na matu marai langai mi hpe dat dat ya na ra ai.

ESAIA 20:3

Ashdod mare zing la hkrum ai shaloi, dai Madu gaw, “Nye a shangun ma Esaia gaw masum ning ting singgu krin, kyepdin n din ai sha kayin hkawm nu ai. Dai gaw Egutu mung hte Ehtiopi mung hta byin wa na a kumla langai rai nga ai.

ESAIA 30:11

Anhte a lam kaw na yen mu, anhte a lai lam hkum pat myit. Anhte gaw nanhte a Israela a chyoi pra ai Karai Kasang hte seng ai lam n na mayu ga ai.

ESAIA 41:14

Dai Madu gaw, “Israela e, nang gaw kaji ai hte n-gun kya nga ndai, hkum hkrit et, ngai nang hpe karum na nngai. Israela a chyoi pra ai Karai Kasang Ngai gaw nang hpe hkye la ai wa rai nga nngai.

ESAIA 42:8

“Ngai chyu sha dai Madu na a Karai Kasang rai nga nngai. Kaga karai gaw nye a hpung shingkang hpe garan la mai nga ai n rai; Ngai gaw kaga hpara sumla ni hpe nye a shakawn kungdawn ga garan hkam la shangun na n rai.

ESAIA 43:11

“Ngai chyu sha dai Madu rai nga nngai, ngai chyu sha nang hpe hkye la lu ai wa rai nga nngai.

ESAIA 45:14

Dai Madu gaw Israela hpe, “Egutu hte Ehtiopi mung na sut gan ni gaw na a rai na ra ai, hkum shingyan galu ai Seba masha ni gaw na a mayam ni tai na mara ai; shanhte gaw nang kaw hpri sumroi gyit ai hte hkan nang na mara ai. Shanhte gaw na a man e gum dagup nna mara hpyi nem let, ‘Karai Kasang gaw nang hte rau rai nga ai, shi chyu sha Karai Kasang rai nga ai.

ESAIA 45:15

Shi a amyu masha ni hpe hkye la ai Israela a Karai Kasang gaw shi hkum shi makoi nga ai Karai Kasang rai nga ai.

ESAIA 45:21

Tara rung hta na a amu sa shawn u; mara shut ai ni gaw shanhte shada da jahkrup hkat mu ga. Moi chyaloi nhkoi kaw nna byin mat wa sai lam ni hpe kadai tau tsun lu a ni? Shi a amyu masha ni hpe hkye la ai Karai Kasang ngu ai dai Madu ngai wa rai nga ai, n rai ni? Karai shaje n nga nga ai.

ESAIA 49:26

Ngai gaw nang hpe dip gamyet sha ai ni hpe shada da sat hkat shangun na nngai; shanhte gaw lu nang nna masha sat ai hte n-yun bu na mara ai. Dai hpang amyu masha ni yawng gaw ngai nan dai Madu rai nga nngai hpe mung, nang hpe hkye la ai hte nang hpe shalawt dat ai wa rai nga nngai hpe chye wa na mara ai. Shanhte gaw ngai nan Israela a daru magam n-gun hte hpring ai Karai Kasang rai nga nngai hpe chye wa na mara ai.”

ESAIA 60:16

Masha amyu baw ni hte hkawhkam ni gaw Nang hpe kanu gaw shi a kasha hpe bau maka ai zawn lanu lahku na mara ai. Dai Madu ngai nan nang hpe hkye la ni ai lam hpe mung, Israela a chyahtum chyalai n-gun rawng ai Karai Kasang nang hpe shalawt dat ai lam hpe mung, nang chye wa na ndai.

ESAIA 63:8

Dai Madu gaw, “Shanhte gaw nye a amyu masha ni rai nga ma ai; shanhte ngai hpe masu hkalem na mara ai n rai,” ngu nna tsun ai. Dai rai nna shi gaw shanhte hpe

YEREMIA 14:8

Nang chyu sha Israela a myit mada shara rai nga ndai; nang gaw anhte hpe ru yak tsin-yam tsindam kaw na hkye hkrang la ai wa rai nga ndai. Nang gaw anhte a mungdan kata hta manam zawn mung, lana mi chyu sha shingbyi shalai ai bu hkawm wa zawn hpa majaw tai nga n ta?

YEREMIA 16:21

Dai rai nna, dai Madu gaw, “Ngai gaw amyu masha ni hpe nye a daru magam n-gun hte marai n-gun hpe kalang dat chye shangun na mawe ai; ngai gaw dai Madu rai nga nngai hpe shanhte chye wa na mara ai,” nga nna tsun ai.

EZEKELA 39:7

Ngai gaw nye a chyoi pra ai mying ningsang hpe nye a amyu masha ni hpe kaja wa teng teng chye shangun nna nye a mying ningsang hpe htawm hpang de galoi mung myi man sum shangun na n rai. Dai hpang, dai Madu ngai nan Israela a chyoi pra ai Karai Kasang rai nga ai hpe masha amyu baw ni chye lu na mara ai,” ngu nna tsun wu ai.

HOSEA 13:4

Dai Madu gaw, “Ngai gaw nanhte hpe Egutu mung kaw nna woi shapraw wa ai dai Madu nanhte a Karai Kasang rai nga nngai. Ngai hta lai, nanhte Karai Kasang n lu myit dai. Ngai chyu sha nanhte a hkye la Madu rai nga nngai.

JAW JAU 11:44

Ngai gaw dai Madu nanhte a Karai Kasang rai nga nngai hte chyoi pra nga nngai majaw nanhte mung tinang hkum hpe shachyoi shapra lu na rai myit dai.

AMO LAIKA (AMOS) 9:7

Dai Madu gaw, “Israela amyu masha ni e, ngai gaw nanhte hpe Ehtiopi masha ni zawn myit nawn da we ai. Ngai gaw nanhte hpe Egutu mung kaw nna woi shapraw wa ai zawn Hpilisti masha ni hpe Kreti mung na, Suri masha ni hpe Kira mung kaw na woi shapraw da ni ai.

ZEHKARIA 9:9

Ziun amyu masha ni e, kabu gara nga mu, kabu gara nga mu! Yerusalem amyu masha ni e, kabu gara jahtau garu nga mu! Yu mu, nanhte a hkawhkam wa gaw nanhte hpang de sa wa nga ai! Shi gaw padang ninglaw hte awng dang ai lam lu la nga ai, rai ti mung shagrit shanem ai myit hte lawze ntsa e jawn nga ai- lawze kasha langai a ntsa e, lawze kanu a kasha a ntsa e jawn nga ai.

YUDA 1:25

anhte a langai sha rai nga ai Karai Kasang hkye hkrang la ai Madu kaw anhte a Madu Yesu Hkristu a marang e, hpung shingkang daru magam hpung dagu hte ahkang aya, chyi nma pri npra aten kaw nna, ya e rai ti mung, htani htana prat dingsa e rai ti mung anga nga u ga law. Amen.