ESAIA 43:16 - Jinghpaw Common Language Bible 2009

¹⁶ Dai Madu gaw moi de, panglai hku nmaw lam waw nna, hka duwai hku lam hpaw ya nu ai.

Jinghpaw Hanson Version Bible

¹⁶ Nammukdara hta lam waw nna, hka kaba ni hta lam hpaw ai wa,

ESAIA 43:16 ပူးပေါင်းရင်းမြစ်များ

NEHEMIA 9:11

nang gaw na a amyu masha ni a matu panglai hku lai di lam langai hpaw ya ndai, dai hkun hkraw ai ga ntsa hku shanhte hpe lai shangun nga ndai. Shanhte a hpang hkan shachyut ai ni hpe panglai hka laru kata hta nlung langai lup mat ai zawn, shanhte hpe sung ai hka hta lup si shangun ndai.

SHAKAWN KUNGDAWN 106:9

Shi Nawng Hkyeng hpe hkang dat ai hte dai gaw hkyet mat nga ai; shing rai, shi a amyu masha ni hpe hkun hkraw nga ai ga ntsa hku woi rap mat wa nu ai.

SHAKAWN KUNGDAWN 77:19

Nang gaw hka leng ni a ntsa hku hkawm lai mat wa nna; sung ai panglai hka hpe lai di mat wa nga ndai, rai ti mung, na a lagaw hkang hpe kadai mung n mu lu nga ma ai.

SHAKAWN KUNGDAWN 77:20

Nang gaw Mawshe hte Arun yan hpe ningbaw shatai nhtawm, na a amyu masha ni hpe sagu rem wa zawn woi wa nit dai.

SHAKAWN KUNGDAWN 78:13

Shi gaw panglai hka hpe lahkawng brang garan kau nna, hka hpe lahkawng maga de shakum zawn shatsap da ai hte shanhte hpe dai lam hku, woi lai mat wa nu ai.

PRU MAT 14:16

Na a dawhkrawng sharawt nna panglai ntsa e ladawn dat u; shaloi dai hka gaw garan mat nna Israela amyu masha ni dai panglai hta hkun hkraw ai ga ntsa hku hkawm sa wa lu na mara ai.

PRU MAT 14:29

Rai ti mung Israela amyu masha ni chyawm gaw panglai hta lahkawng maga a hka shakum lapran na hkun hkraw ai hkarang ga hku hkawm lai mat wa ma ai.

ESAIA 43:2

Sung ai hka hku nang rap wa ai shaloi, ngai nang hte rau rai nga na nngai; na a ru yak tsin-yam tsindam ni nang hpe ka-up kau na ra ai n rai. Nang gaw wan hku kabye lai wa ai shaloi, hkru na ndai n rai; dai laja lana re ai chyam dinglik ai gaw nang hpe machyi hkra na ra ai n rai.

ESAIA 44:27

Hkang da ai ga hte maren, ngai gaw nammukdara hpe jahkyet nngai.

ESAIA 50:2

“Shanhte hpe hkye hkrang la na matu ngai shanhte hpang de sa ai shaloi, nye a amyu masha ni atsin sha nga ma ni? Ngai shaga yang hpa majaw shanhte n htan ma ni? Ngai gaw shanhte hpe hkye la na matu n-gun nau kya la nga a ni? Ngai gaw nye a ga hte panglai hpe hkun hkraw shangun lu ai hte hka nu ni hpe zaibru jang shatai lu nngai, shaloi dai hta rawng ai nga ni gaw hka n lu ai majaw si mat nga ai.

ESAIA 51:10

Dai daru magam n-gun hte panglai hka hpe nang shahkyet kau nna dai hka hku lam langai waw nga ndai, shaloi nang hkye da sai ni rap di lu ma ai.

ESAIA 51:15

“Ngai gaw dai Madu na a Karai Kasang rai nga nngai; ngai gaw panglai hka hpe kabrawng dat ai hte de a hka leng ni hpe hta shangun nngai. Nye a mying gaw Chyahtum Chyalai N-gun rawng ai dai Madu rai nga nngai!

YEREMIA 31:35

Dai Madu gaw shani nhtoi a matu ajan, shana e htoi ya na matu shata hte shagan ni hpe tawn da nga ai. Shi gaw panglai ni hpe kabrawng dat nna dai hpe wu kadu shangun nga ai; shi a amying gaw Chyahtum Chyalai N-gun Rawng ai dai Madu rai nga ai.

SHINGRAN 16:12

Dai hpang kru ngu na lamu kasa gaw, shi a pawt sindawng kahtet ai gawm hpe Uhprat hka nu kaba hta ru bun dat wu ai. Shaloi sinpraw mung na sa wa ai hkawhkam ni a matu lam hku u ga, dai hka nu gaw hkyet mat wa ai.