ESAIA 43:13 - Jinghpaw Common Language Bible 2009

¹³ Ngai gaw Karai Kasang rai nga nngai, tut nawng arai nga na nngai. Kadai mung nye a daru magam n-gun kata kaw na lawt lu ai n rai; kadai mung ngai galaw ai amu hpe galai lu nga ai n rai,” ngu nna tsun ai.

Jinghpaw Hanson Version Bible

¹³ Gaja wa, aten ladaw garai n pra kaw nna, ngai dai wa nan rai nga nngai; nye a lata na mawai la lu ai wa n nga ai; ngai galaw ai amu hpe kadai hkum da lu a ta?” nga nna Yehowa tsun ai.

ESAIA 43:13 ပူးပေါင်းရင်းမြစ်များ

YOBA 10:7

Ngai mara n lu nga nngai mung, na a lata kaw na ngai hpe kadai n hkye la lu ai hpe mung nang chye nga ndai.

YOBA 34:29

Karai Kasang gaw hpa mung n galaw na hku daw dan ai rai yang, kadai mung shi hpe sharu lu ai n rai. Shi a myi man makoi kau ai rai yang, masha gaw karum la lam kata rai na wu ai.

YOBA 9:12

Shi ra ai arai hpe shi la nga ai, kadai mung shi hpe jahkring lu ai n rai; Kadai mung shi hpe, “Nang hpa galaw nga n ta?,” ngu nna san gwi nga ai n rai.

SHAKAWN KUNGDAWN 102:28

Anhte a kashu kasha ni shim lum ai hte shanu nga lu na mara ai; shanhte a aru arat ni gaw na a makawp maga ai npu hta shim nga lu na mara ai.

SHAKAWN KUNGDAWN 50:22

“Ngai hpe malap mali rai nga ai wa nang e, ndai ga ni hpe madat yu u: shing n rai, ngai nanhte hpe jahten sharun kau na nngai, nang hpe hkye hkrang la na kadai mung nga na n rai.

SHAKAWN KUNGDAWN 90:2

Bum ni hpe garai n hpan da ai hte mungkan ga garai n lat ai aten kaw nna, nang gaw chyi nma pri npra Karai Kasang rai nga ndai; htum ngu n nga ai htani htana Karai Kasang mung nang rai nga ndai.

SHAKAWN KUNGDAWN 93:2

Madu e, na a tingnyang gaw shawng npawt kaw nna ngang grin nga sai, nang gaw aten ahkying ni a shawng kaw nna pyi, nga nga nit dai.

GA SHAGAWP 21:30

Dai Madu gaw nang hpe ninghkap ai rai yang, shinggyim masha a hpaji byeng-ya myit let nyan sam ai hte kraw dung nyan gade sung ti mung; dai gaw hpa mung akyu n rawng nga ai.

GA SHAGAWP 8:23

Lamu ga garai n nga ai, chyi n ma pri n pra ngu ai, shawng ningpawt kaw nna ngai gaw hpan da ai hkrum nga ni ai.

ESAIA 14:27

Chyahtum Chyalai N-gun rawng ai dai Madu gaw ndai amu galaw na matu daw dan da nga ai. Shi gaw ari jaw na matu shi a lahpum hpe ladawn da nu ai, kadai mung shi hpe jahkring da lu ai n rai.

ESAIA 41:4

Ndai zawn re ai hpe shabyin dat ai wa gaw kadai rai nga a ta? Masha ban hte ban a labau hpe kadai gawn dan a ta? Dai Madu ngai gaw shawng npawt e nga nga nngai, Dai Madu ngai gaw ahpang jahtum e mung nga nga na nngai.

ESAIA 46:10

Ngai gaw shawng npawt kaw nna byin pru sai amu hpe tau tsun ni ai; moi chyaloi nhkoi kaw nna byin wa na lam hpe ngai tau tsun ni ai. Nye a yaw shada lam ni galoi mung hkrat sum na n rai nga ai hpe mung, ngai galaw na ngu shatawng shada ai lam magup hte hpe ngai galaw ai hpe mung tsun ni ai.

ESAIA 46:4

Ngai gaw nanhte a Karai Kasang rai nga nngai, nanhte asak kaba nna dingla baw hpraw ai aten du hkra nanhte hpe lanu lahku na nngai. Ngai gaw nanhte hpe hpan da ni ai, nanhte hpe lanu lahku na nngai; Ngai gaw nanhte hpe karum ai hte hkye mawai la na nngai.

ESAIA 47:15

Na a prat tup hta nang bawng jahkrup ai gumhpan hpan ai sara ni gaw na a matu mai kaja ai lam yawng mayawng galaw ya na mara ai. Shanhte yawng gaw nang hpe kau da nna shanhte a lam de sa mat wa na mara ai, nang hpe hkye la na matu kadai mung nga na n rai,” nga nna tsun ai.

ESAIA 48:16

“Ya chyawm gaw ngai hpang de sit sa wa mi, ngai tsun ai ga na la mu. Shawng npawt kaw nna ngai gaw dan dan leng leng tsun ni ai hte nye a ga tut nawng teng man nga li ai,” ngu nna tsun ai. (Ya chyawm gaw Tsaw Htum ai dai Madu gaw ngai hpe shi a daru magam n-gun jaw ya ai hte ngai hpe shangun dat ni ai.)

ESAIA 57:15

“Ngai gaw htani htana agrin nga ai matsaw ntsa na chyoi pra ai Karai Kasang rai nga nngai. Ngai gaw tsaw nna chyoi pra ai shara hta nga nngai, rai ti mung ngai gaw shagrit shanem ai hte myit malai lu ai ni hte rau mung nga nngai, shaloi ngai gaw shanhte a kam hpa shara hte myit mada shara hpe bai jaw ya lu nngai.

Daniela 4:35

Shi gaw mungkan masha ni hpe hpa mi n re ai zawn yu nga ai; sumsing lamu na lamu kasa ni hte mungkan ga na masha ni gaw shi up hkang ai n pu hta taw nga ai. Kadai mung shi a sharawng awng ai hpe ninghkap lu ai n rai; shi galaw ai amu hpe kadai mung ga san n shapraw lu nga ai.

HOSEA 2:10

Ngai gaw shi a sumtsaw ni a man e shi hpe singgu krin raw sharun da na nngai, kadai mung shi hpe nye a lata kaw nna hkye mawai la lu na n rai.

HOSEA 5:14

Ngai gaw Israela hte Yuda amyu masha ni hpe hkanghkyi langai zawn htim gasat na nngai. Ngai hkum nan shanhte hpe adaw atang di gang je kau na nngai, dai hpang shanhte hpe tawn kau da na nngai. Ngai shanhte hpe gang garawt mat wa ai shaloi, kadai mung shanhte hpe hkye hkrang la lu na ra ai n rai.

MIHKA 5:2

Dai Madu gaw, “Nang Betlehem Ehprat e, nang gaw Yuda mung na mare ni hta kaji htum rai nga ti mung, Israela a matu up hkang du langai nang kaw na pru wa na ra ai; shi a dinghku ru sai mung moi chyaloi nhkoi kaw nna nga nga ai wa rai nga ai,” ngu nna tsun ai.

HABAKU 1:12

Madu e, nang gaw moi chyaloi nhkoi prat kaw nna Karai Kasang rai nga ndai. Nang gaw nye a Karai Kasang rai nna, chyoi pra ai hte htani htana agrin nga ndai. Dai Madu nye a Karai Kasang hte ngai hpe makawp maga ai wa e, nang gaw Babelon masha ni hpe lata la nna shanhte hpe n-gun shaja ya nga ndai, shing rai shanhte gaw anhte hpe ari jaw lu nga ma ai.

BU HKAWM 23:20

Ngai gaw shaman ya na matu shatsam hkrum ni ai; Karai Kasang shaman ya ai hpe ngai shabai lu na n rai.

YAWHAN 8:58

Yesu gaw, “Ngai nanhte hpe kaja wa teng teng tsun made ga, Abraham garai n shangai ai kaw nna ngai nga nga ni ai,” ngu nna shanhte hpe tsun mu ai.

EHPESU 1:11

Yawng mayawng hte chyawm gaw, Karai Kasang a yaw shada da ai lam hte myit daw dan da sai hku hte maren byin wa sai; bai nna shi a shawng npawt kaw nna daw dan sai lam hta npawt shatai nhtawm Hkristu hta langai sha rai nga ga ai a marang e shi a shatawng shada ai hku nna anhte hpe shi a amyu masha ni tai na matu lata san da mani ai.

TARA JAHPRANG 28:31

Na a dumsu hpe na a man e nan sat ti mung, dai ashan loi mi mung sha lu na n rai. Na a lawze dun mat wa ai hpe nang mu dat ti mung, na a lata de nhtang ap ya na n rai. Na a sagu ni gumlau hpyen ni a lata de shang mat wa ti mung, nang hpe karum la na kadai mung nga na ra ai n rai.

TARA JAHPRANG 32:39

“‘Ngai hte ngai chyu sha Karai Kasang rai nga nngai; karai shaje kadai mung karai jet n rai nga ai. Ngai sat nna ngai jahkrung nngai, ngai jahpye nna ngai shamai nngai; ngai galaw ai lam hpe kadai e mung ninghkap lu ai n rai.

1 TIMOHTI 1:17

Ya htani htana Hkawhkam rai nna, n hten n mat chye ai hpe myi hte n mu lu ai, langai sha rai nga ai Karai Kasang kaw arawng sadang hte hpung shingkang gaw htani htana prat dingsa e anga nga u ga law! Amen.

HEBRE 13:8

Yesu Hkristu gaw mani, dai ni, htawm prat dingsa maren anga nga ai.

YAWSHU 2:2

Israela masha nkau mi ndai mung hpe kin-yu yu na nga, shana e du shang wa manu ai lam hpe Yerihko hkawhkam wa na wu ai shaloi,

SHINGRAN 1:8

Ngai gaw ningshawng wa mung rai nga nngai, jahtum wa mung rai nga nngai, nga nna ndai prat e mung, moi prat e mung, du na ra ai htawm hpang prat e mung anga nga ai Chyahtum Chyalai n-gun atsam rawng ai Madu Karai Kasang gaw tsun nga ai.