ESAIA 42:25 - Jinghpaw Common Language Bible 2009

²⁵ Dai rai nna, shi gaw shi a masin kahtet ai n-gun anhte hpe hkam sha shangun nna, kashun kashe du daw sai hkaw majan a nni nkri hpe hkrum sha shangun nga ai. Shi a masin kahtet ai gaw wan zawn Israela mung ting hta dinghkren hkru nga ai, rai ti mung hpa byin nga ai lam hpe anhte galoi mung n chye ga ai; anhte gaw shing re byin hkrum ai kata kaw na hpa mung n sharin la nga ga ai.

Jinghpaw Hanson Version Bible

²⁵ Dai re ai majaw, shi a pawt sindawng ai hte shi hpyen gasat ai hpe shanhte a ntsa e shi ru bun nna, shanhte a grup yin e wan hkru timung n dum ma ai, wan hkru hkrum timung, hpa n nawn ma ai.

ESAIA 42:25 ပူးပေါင်းရင်းမြစ်များ

2 HKAWHKAM 25:9

Shi gaw Yerusalem mare na Nawku Htingnu, hkawhkam htingnu ni hte Yerusalem mare hta nga ai ahkyak ai masha ni a dum nta ni yawng hpe nat kau wu ai.

YOBA 40:11

Gumrawng gumtawng ai ni hpe mada yu u; na a pawt sindawng ai hpe ru shapraw nna, dai ni hpe shagrit kau u.

ESAIA 29:13

Dai Madu gaw, “Ndai amyu masha ni gaw ngai hpe nawku daw jau na matu tsun ma ai, rai ti mung shanhte a n-gup aga ni gaw lachyum n pru nga ma ai, shanhte a myit masin mung shara langai ngai hta myit jung ma ai. Shanhte nawku htung gaw shanhte majoi mi matsing chyai ai masha a tara ni hte htung lai masa ni hta jan nna kaman lila sha rai nga mu ai.

ESAIA 47:7

Nang gaw prat ting na hkawhkam jan zawn myit nawn kau nga ndai, na a myit masin hta ndai amu ni hpe n myit ndai, dai amu gara hku htum mat na hpe nang n myit ndai.

ESAIA 48:8

Nang gaw gumlau wa langai zawn mying gumhkawng nga ndai rai nna, nang hpe n kam lu ai gaw ngai chye sani ai. Dai re ai majaw ndai amu hpe nang galoi mung n na yu nga ndai, de a ga hkaw mi pyi na a na de galoi mung n shang ai majaw rai nga ai.

ESAIA 5:25

Dai Madu gaw shi a amyu masha ni hpe masin pawt nga ai, shanhte hpe ari jaw na matu shi a lata ladawn da nu ai. Bum ni gari ashun wa nna si mang ni mare lam nmaw hkan e shanut shanaw zawn jawng nga na mara ai. Dai rai tim pyi, dai Madu a masin kahtet ai gaw kawp mat na n rai, rai ti mung shi a lata gaw ari jaw na matu naw ladawn da na ra ai.

ESAIA 57:1

Mai kaja ai amyu masha ni si nga ai, kadai mung n chye na ma ai, lanu lahku ai pyi n nga nga ai. Rai ti mung shanhte si ai shaloi, tsin-yam tsindam hpa mung shanhte hpe machyi shangun lu ai n rai.

ESAIA 57:11

Dai Madu gaw, “Nanhte ngai hpe masu magaw ga tsun nna ngai hpe tsep kawp malap kau na matu nanhte hpe hkrit shangun ai ndai karai ni gaw kadai ni rai nga ma ta? Ngai na na wa atsin sha nga nga nngai majaw nanhte ngai hpe shagrau sha-a nga ai amu hpe jahkring kau myit dai n rai ni?

ESAIA 9:13

Chyahtum Chyalai N-gun rawng ai dai Madu gaw shanhte hpe ari jaw tim pyi, Israela amyu masha ni myit malai ma ai n rai, shanhte shi kaw nhtang wa ma ai n rai.

ESAIA 9:19

Chyahtum Chyalai N-gun rawng ai dai Madu gaw pawt sindawng nga ai majaw, shi jaw ai ari gaw mungdan ting hkru mat wa ai wan zawn hkru nga nna, amyu masha ni hpe jahten kau nga ai, masha ni gaw shanhte a kahpu kanau ni hpe ngam da na n rai.

YEREMIA 12:11

Shanhte gaw dai mungdan hpe katsi katsang shara shatai kau manu ai; dai gaw nye a man e shingran katsi nga ai. Mungdan ting gaw zaibru jang tai mat nna kadai mung n yu lajang nga ai.

YEREMIA 5:3

Dai Madu gaw kaja wa kangka ai hpe tam nga ai. Shi nang hpe kayat ti mung, nang hpa zawn n nawn nga ndai; shi nang hpe agrawp mani kau ti mung, sharin la na matu nang ningdang kau nga ndai. Nang gaw du ja nna na a yubak ni kaw na n kayin wa nga ndai.

YEREMIA 7:20

Shing rai Tsaw Htum ai dai Madu ngai nan ndai Nawku Htingnu ntsa e nye a masin kahtet kang ai hpe ru jaw dat na we ai. Masha hte yam nga ni a ntsa e mung, hpun ni hte nsi naisi ni a ntsa e du hkra pyi ru jaw na we ai. Nye a masin kahtet ai gaw agrung nga ai wan zawn rai nna kadai mung dai hpe krip kau lu na n rai.

SHARUNG SHAYAWT 2:3

Shi masin kahtet ai majaw, Israela a n-gun makru hpe agrawp daw kau nu ai; Shi gaw gumlau hpyen wa du sa wa ai shaloi anhte hpe karum la na matu ningdang kau nu ai. Shi gaw wan zawn anhte hpe n-yun bu ai hte arai yawng mayawng hpe shaza kau nu ai.

SHARUNG SHAYAWT 2:4

Shi gaw gumlau hpyen wa zawn anhte hpe shi a ndan pala ni hte shading da nga ai; Shi gaw anhte a kabu gara lam hte awng sharawng lam lu la ai masha ni yawng hpe sat kau nu ai. Wan zawn hkru nga ai shi a masin kahtet ai hpe ndai Yerusalem kata hta anhte hkam sha saga ai.

EZEKELA 20:34

Ngai gaw nanhte hpe bra ayai hkawm nga ai mungdan yawng kaw na bai shinggyin jahpawng nna woi wa ai shaloi, nye a daru magam n-gun hte masin kahtet ai lam, ngai nanhte hpe madun dan na nngai.

HOSEA 7:9

dai zawn maigan masha ni hpe shamyet shanat ai gaw shanhte a n-gun hpe hpya sha kau ya na rai nga ma ai hpe n dum n chye nga ma ai. Shanhte a nhtoi hti hkum ni htum mat wa nga ti mung de a lam hpe pyi shanhte n chye nga ma ai.

NAHUM 1:6

Shi pawt sindawng ai shaloi, kadai hkrung nga lu a ta? Shi a hkrithpa masin kahtet ai a majaw, kadai hkrung lu nga a ta? Shi gaw agrung nga ai shi masin kahtet ai hpe ru bun nga ai; shi a man e, lunghkrung ni ga nhpu zawn agrawp mani mat nga ai.

MALAHKI 2:2

Nanhte galaw ai amu hte ngai hpe shagrau sha-a lu na rai myit dai. Nanhte gaw ngai tsun ai ga hpe n madat myit dai rai yang, nanhte hpe dagam dala hkrum shangun na nngai. Nanhte a matu ngu nna hkam la lu ai karum arai ni hta dagam dala tawn da na nngai. Nanhte gaw nye a hkang da ai ga hpe ahkyak n la ya myit dai majaw shanhte hpe teng teng dagam tawn da ya mase ai.

TARA JAHPRANG 32:22

Nye a masin kahtet ai gaw wan zawn grung wa nna, ginding aga ntsa na arai shagu hpe hkru kau na ra ai. Dai gaw mungkan ga a lawu tsang de du hkra dep nna, bum ni a npawt nhpang ni hpe hkru kau na ra ai.