ESAIA 42:24 - Jinghpaw Common Language Bible 2009

²⁴ Kadai wa Israela hpe hpya lu hpya sha ai ni a lata de ap ya nga a ni? Dai gaw anhte yubak galaw shut kau ai dai Madu shi nan rai nga a hka! Shi anhte hpe asak hkrung shangun na ra sharawng ai zawn anhte hkrung ga ai n rai, shi anhte hpe jaw sai sharin shaga ga ni hpe madat ga ai n rai.

Jinghpaw Hanson Version Bible

²⁴ Yaku hpe hpya lu hpya sha na matu, Israela hpe damya ni a lata de kadai ap kau a ta? Anhte shut kau ai Yehowa n rai ni? shanhte gaw shi a lam ni n hkan hkraw ai hte, shi a tara hpe n madat ma ai.

ESAIA 42:24 ပူးပေါင်းရင်းမြစ်များ

2 HKAWHKAM LABAU 15:6

Karai Kasang gaw ru yak tsin-yam tsindam hte myit ru myit yak lam shanhte hpe shapraw dan wu ai majaw amyu baw ni gaw kaga amyu baw wa hpe, mare mi gaw kaga mare mi hpe dip gamyet hkat ma ai.

2 HKAWHKAM LABAU 36:17

Dai rai nna dai Madu gaw shanhte hpe sa htim gasat na matu Babelon hkawhkam hpe shangun dat wu ai. Hkawhkam wa gaw Nawku Htingnu kata e nga ai Yuda la shabrang ni hpe du hkra, sat kau wu ai. Shi gaw kaji kaba hpe mung, lasha numsha ni hpe mung, machyi masha hte hkam kaja ai masha kadai hpe n nga, matsan dum ai myit rawng nga ai n rai. Karai Kasang gaw shanhte yawng hpe shi a lata de ap kau ya nga ai.

SHAKAWN KUNGDAWN 81:12

Shing rai, shanhte a baw ja ai lam hku sa wa lu mu ga; shanhte ra mara hpe galaw lu mu ga, ngai shanhte hpe ahkang jaw dat nngai.

SHAKAWN KUNGDAWN 81:13

Nye a amyu masha ni ngai tsun ai ga hpe na ya na, ngai kade myit ra nga a hka; nye a a ga hpe shanhte madat mara ya na, ngai kade wa marit nga a hka!

ESAIA 30:15

Tsaw Htum ai dai Madu Israela a Chyoi Pra ai Wa gaw shi a amyu masha ni hpe, “Nhtang wa nna ngai hpe atsin sha kam hpa mu. Dai hpang nanhte gaw n-gun ja wa nna shim lum lam lu na rai myit dai,” ngu nna tsun ai. Rai ti mung nanhte gaw dai hku hkan galaw na ningdang nga myit dai.

ESAIA 42:23

Nanhte hta na kadai wa ndai ga hpe madat na myit ni? Ya aten kaw nna nang sadi let madat na n ni?

ESAIA 45:7

Ngai gaw nhtoi hte nsin hpe hpan nngai; Ngai gaw shaman chyeju hte tsin-yam tsindam hpe shabyin nngai. Dai Madu ngai gaw ndai amu ni yawng mayawng hpe galaw nngai.

ESAIA 47:6

Ngai gaw nye a amyu masha ni hpe masin pawt ni ai; ngai gaw shanhte hpe nye a matu zawn kachyi mi mung n sawn ai sha di kau ni ai: Ngai gaw shanhte hpe na a daru magam n-gun npu hta tawn da ni ai, nang shanhte hpe matsan dum myit n madun ndai, asak kaba sai ni hpe pyi laja lana di nga ndai.

ESAIA 48:18

“Nye a hkang da ai ga hpe nang madat mara nga ai rai yang chyu sha, galoi mung n hkyet mat chye ai hka shi hka zawn, shaman chyeju gaw na a matu lwi hkrat wa na ra ai. Awng padang gaw panglai hkin-gau de hkaleng ni katsu taleng lung wa ai zawn nang hta dan pru wa na ra ai.

ESAIA 57:17

Shanhte a yubak hte lawhpa myit a majaw ngai shanhte hpe masin pawt nngai, dai rai nna, ngai shanhte hpe ari jaw ai hte kau da nngai. Rai ti mung, shanhte gaw du ja nna shanhte a lam hku matut hkawm ma ai.

ESAIA 63:10

rai ti mung, shanhte gaw shi hpe gumlau nna shi a chyoi pra ai wenyi hpe yawn shangun ma ai. Dai rai nna dai Madu gaw shanhte a gumlau tai mat nhtawm shanhte hpe gasat wu ai.

YEREMIA 44:10

Rai ti mung, nanhte gaw dai ni du hkra nanhte a hkum hpe shagrit shanem nga myit dai n rai. Nanhte gaw ngai hpe hkrit hkungga nga myit dai n rai; nanhte hte nanhte a nji nwa ni hpe ngai jaw da sai tara ni yawng hte maren, hkan sa shadik shatup nga myit dai n rai.

YEREMIA 5:15

Israela amyu masha ni e, dai Madu gaw nang hpe gasat na matu sumtsan mung kaw na masha amyu baw langai mi hpe woi wa nga ai. Dai ni gaw n-gun atsam rawng ai hte moi chyaloi nhkoi na amyu rai nna dai ni a ga hpe nang n chye na nga ndai.

SHARUNG SHAYAWT 1:14

“Shi gaw nye a yubak ni yawng hpe matsing da nhtawm dai ni yawng hpe gumhpawn gyit majaw da nga ai; Shi gaw dai ni hpe nye a du grup grup gyit noi da ya mi ai majaw, ngai gaw dai yubak htumbyen kata e n-gun kya ai hte taw nga nngai. Madu gaw ngai hpe nye a gumlau hpyen ni a lata de ap kau nu ai majaw, ngai gaw shanhte hpe ninghkap lu na matu karum la lam n lu rai nga nngai.

SHARUNG SHAYAWT 1:18

“Rai ti mung, dai Madu gaw ding hpring nga ai, ngai mahtang shi a ga n madat kau nngai. Shara shagu hkan nga ai amyu masha ni e, nye a ga madat mu; nye a nchyi nmu hpe mada yu mu. Nye a shabrang ni hte mahkawn ni mung bawng rim hkrum mat wa manu ai.

Daniela 1:2

Madu gaw Hkawhkam Yehoiakim hpe rim la shangun nna, Nawku Htingnu na sut rai nkau mi hpe mazing la shangun wu ai. Shi hte rau bawng masha nkau mi hpe Babelon mung na shi a karai ni a htingnu de woi wa nhtawm lu mazing la ai sut rai ni hpe htingnu sut gawk ni hta tawn da wu ai.

AMO LAIKA (AMOS) 3:6

Mare kata hta majan pahtau dum ai nsen na yang, mare masha ni n hkrit na ma ni? Dai Madu gaw tsin-yam tsindam n dat dat yang, dai mare hta byin lu na rai nga a ni?

MAHTE 22:7

Hkawhkam wa chyawm gaw grai masin pawt bu nga ai rai nna, shi a hpyen la ni hpe shangun dat nhtawm, masha sat ai ni hpe sat kau mu ai hte shanhte a mare hpe nat shagrawm kau ya mu ai.

TARA JAHPRANG 28:49

Dai Madu gaw nanhte hpe htim gasat na matu nanhte n chye na ai ga shaga ai masha amyu baw ni hpe mungkan ga htum kaw na shangun dat na ra ai. Shanhte mung galang zawn nanhte hpe htim na mara ai.

TARA JAHPRANG 32:30

Marai langai sha masha hkying mi hpe, marai lahkawng e sha mun mi hpe hpa majaw dang kau lu a ta? Dai Madu shanhte a Karai Kasang shanhte hpe kau da nu ai; chyalai n-gun hte hpring ai shanhte a Karai Kasang shanhte hpe ap kau nu ai.

TARA AGYI 10:7

Dai rai nna Israela masha ni hpe dai Madu masin pawt wu ai rai nna Hpilisti hte Amon ni a lata de shanhte hpe ap kau wu ai.

TARA AGYI 2:14

Shing rai dai Madu gaw Israela hpe masin yu kahtet wu ai majaw shanhte hpe htim gasat nna kashun kashe di nhtawm hpya kau na ni a lata hta ap ya kau wu ai. Shi gaw shanhte hpe grup yin na masha hpyen ni a lata de ap kau ya wu ai majaw Israela masha ni shanhte hkum hpe loi mi pyi n makawp maga la lu na rai ma ai.

TARA AGYI 3:8

Dai Madu gaw Israela ni hpe pawt sindawng wu ai rai nna Mesopotamia Hkawhkam Hkushan Rishahtim a lata de shanhte hpe ap ya ma ai; Shi gaw shanhte hpe matsat ning tup up hkang lai wa nu ai.