ESAIA 42:20 - Jinghpaw Common Language Bible 2009

²⁰ Israela e, nang gaw lam law law mu yu nit dai, rai ti mung dai lam nang hpe hpa hku lachyum shapraw nga a ni? Nang gaw na la na, na tu nga ndai, rai ti mung nang teng teng na la nga n ni?

Jinghpaw Hanson Version Bible

²⁰ Nang gaw lam law law hpe mu timung, matsing nga ai n rai; shi a na hpaw nga timung, shi n chye madat ai.

ESAIA 42:20 ပူးပေါင်းရင်းမြစ်များ

SHAKAWN KUNGDAWN 107:43

Hpaji rawng ai ni ndai amu ni a lam hpe myit sawn yu nga mu ga; shanhte gaw dai Madu a dinggrin tsaw ra myit hpe myit yu nga mu ga law.

ESAIA 1:3

Dumsu gaw shanhte a madu hpe chye ma ai. Lawze ni mung shanhte a madu lusha jaw ai wakang hpe chye ma ai. Rai ti mung nye a amyu masha Israela ni chyawm gaw dai daram pyi n chye ma ai. Shanhte gaw loi mi pyi n chye na nga ma ai.

ESAIA 58:2

Shanhte gaw ngai hpe shani shagu nawku ma ai, shanhte gaw nye a lam ni hpe chye na matu hte nye a tara ni madat mara na matu grai sharawng ma ai lam tsun ma ai. Shanhte gaw shanhte hpe teng man ai tara ni jaw ya na matu hte ngai hpe nawku ai hta shanhte awng sharawng nga ai lam tsun ma ai,” ngu nna tsun ai.

ESAIA 6:9

Dai rai nna shi gaw ngai hpe amyu masha ni hpang de sa nna ndai mungga jaw na matu tsun wu ai: “Nanhte gaw kade mi madat ti mung, nanhte chye na na myit dai n rai. Nanhte kade mi yu ti mung, hpa byin nga ai lam hpe nanhte chye na myit dai n rai.”

YEREMIA 6:10

Ngai gaw, “Ngai shanhte hpe ga shaga nna sadi jaw ai rai yang, nye a ga hpe kadai madat ya na rai ta? Shanhte gaw du ja ai hte na a mungga hpe n kam madat ma ai; nang ngai hpe tsun shangun ai lam hpe shanhte mani asawng kau ya nga ai.

EZEKELA 33:31

Dai rai nna, nye a amyu masha ni gaw nang tsun na lam hpe madat la na matu sa hpawng nga ma ti mung, nang tsun ai ga hte maren shanhte n hkan galaw nga ma ai. Shanhte nten ni hta ga ngwi ga pyaw ni hte hpring nga ti mung, lawhpa myit marin ai lam ni hta hkan dingyang rai ma ai.

EZEKELA 33:32

Nang gaw mahkawn shangwi shapyaw nna madum sumpyi hte shapyaw chye ai hta jan nna shanhte a matu hpa mung akyu n rawng nga ndai. Shanhte gaw na a ga mahkra madat nga ma ti mung, dai ga ni hta na langai mi hpe pyi hkan galaw nga ma ai n rai.

BU HKAWM 14:22

ndai amyu masha ni kadai mung dai mung de shang lu na ma ai n rai, ngu nna ngai ga sadi tawn da nngai. Shanhte mahtang Egutu mung hte nam mali hkan ngai galaw dan sai mauhpa lamik kumla ni hte htoi tu ai nye a hpung shingkang hpe mu lu ma ti mung, nye a galu kaba ai myit hpe shanhte lang hte lang chyam dinglik yu nna nye a ga hpe n madat ya ma ai.

MAHTE 13:13

Shanhte hpe ga shadawn hku ngai hpa majaw tsun ra a ta? nga yang, shanhte yu ti mung n mu ma ai; madat ti mung n na ma ai; shing n rai n chye na ma ai.

ROMA 2:21

nang gaw masha kaga ni hpe sharin achyin ai wa rai nga da nhtawm me, na hkum hpe gaw n sharin achyin nga nna “Hkum lagu,” ngu nna hkaw tsun nhtawm nang nan lagu nga n ni?

TARA JAHPRANG 4:9

Nanhte hkum nan sadi maja nga mu! Nanhte a myi hte chyaw mu lu sai lam hpe n malap kau ai sha ahkrung nga dingsa shangang shakang da myit; nanhte a myit masin hta a matsing nga mu. Shi gaw ngai hpe, ‘Amyu masha ni hpe jahpawng tawn u; shanhte hkrung nga dingsa nye a ga hpe madat mara hkan sa nhtawm dai hte maren shanhte a kashu kasha ni hpe sharin achyin ya lu hkra ngai tsun ai ga shanhte hpe na la shangun mayu nga nngai,’ ngu nna Sina Bum hta dai Madu nanhte a Karai Kasang a man e tsap nga ai shani na matsun maroi ga, nanhte a kashu kasha ni hpe tsun dan mu.