ESAIA 42:15 - Jinghpaw Common Language Bible 2009

¹⁵ Ngai gaw kawng ni hte bum ni hpe jahten kau na nngai tsingdu tsingman hte hpun ni hpe jahkraw kau na nngai. Ngai gaw hka nu lwi hkrat ai kadit ni hpe zaibru jang shatai kau nna, hka la-ing ni hpe jahkraw kau na we ai.

Jinghpaw Hanson Version Bible

¹⁵ Ngai gaw bum ni hte kawng ni hpe shakrin kau nna, tu matu yawng hpe jahkraw kau na nngai: hka nu ni hpe zunlawng ngai shatai nna, hka lawng ni hpe shahkyet kau na we ai.

ESAIA 42:15 ပူးပေါင်းရင်းမြစ်များ

SHAKAWN KUNGDAWN 18:7

Shing rai, Karai Kasang gaw pawt sindawng ai a majaw, ginding aga gaw gari awam wa nna, bum ni a npawt nhpang ni mung shamu shamawt nga ai.

ESAIA 41:15

Ngai gaw nang hpe awa rawng ai mam dup gawng nnan zawn shatai na we ai. Nang gaw bum ni hpe adup nna dai ni hpe jahten kau na ndai; kawng ni ga nhpu de ayai taw mat na ra ai.

ESAIA 44:27

Hkang da ai ga hte maren, ngai gaw nammukdara hpe jahkyet nngai.

ESAIA 49:11

“Ngai gaw bum ni hpe lai di ai nmaw lam kaba galaw nna nye a amyu masha ni a matu hkawm sa na lam langai hkyen ya na nngai.

ESAIA 50:2

“Shanhte hpe hkye hkrang la na matu ngai shanhte hpang de sa ai shaloi, nye a amyu masha ni atsin sha nga ma ni? Ngai shaga yang hpa majaw shanhte n htan ma ni? Ngai gaw shanhte hpe hkye la na matu n-gun nau kya la nga a ni? Ngai gaw nye a ga hte panglai hpe hkun hkraw shangun lu ai hte hka nu ni hpe zaibru jang shatai lu nngai, shaloi dai hta rawng ai nga ni gaw hka n lu ai majaw si mat nga ai.

YEREMIA 4:24

Bum ni hpe ngai mada yu ai shaloi, dai ni ashun nga ma ai, kawng ni kade nde ashun nga ma ai.

EZEKELA 38:19

Nye a sindawng kahtet ai shani e, Israela mungdan hta laja lana re ai nnang nawn kaba nawn wa na ra ai, ngu nna ngai tsun nga nngai.

EZEKELA 38:20

Hka na nga hte ntsa malen u shagu mung, dusat yam nga kaji kaba shagu hte ginding aga ntsa e nga ai shinggyim masha shagu hte gaw ngai hpe hkrit gari na mara ai. Bum ni mung daw mat nna, ninggam ni ru hkrat wa ai hte mare bunghku shagu mung kadawng daw mat na ra ai.

HAGI 2:6

“Kade n na yang, ngai gaw sumsing lamu hte ginding aga, hkarang hte panglai hpe ashun na nngai.

ZEHKARIA 10:11

Shanhte panglai tsin-yam hku lai di ai shaloi, dai Madu ngai nan panglai hka leng ni hpe kayat na nngai; Nila hka a sung ai ai shara ni hkun hkraw mat na ra ai. Gumrawng gumtawng ai Asuri gaw shagrit kau ai hkrum nna, chyalai n-gun hte hpring ai Egutu mung n-gun daw mat na ra ai,

SHINGRAN 11:13

Dai ahkying hta e nnang nawn kaba nawn wa nna, dai mare htam shi hta na htam mi hten mat nna, masha hkying sanit si lawm mat ai. Naw ngam nga ai masha ni chyawm gaw hkrit kajawng ai hte sumsing lamu na Karai Kasang a galu kaba ai arawng sadang hpe shakawn shagrau nga ma ai.

SHINGRAN 16:12

Dai hpang kru ngu na lamu kasa gaw, shi a pawt sindawng kahtet ai gawm hpe Uhprat hka nu kaba hta ru bun dat wu ai. Shaloi sinpraw mung na sa wa ai hkawhkam ni a matu lam hku u ga, dai hka nu gaw hkyet mat wa ai.

SHINGRAN 16:18

Dai aten hta, myihprap gala ai, nsen kadu ai, mu ngoi ai, hkrithpa nnang nawn byin pru wa ai. Ga ntsa e masha nnan lat kaw nna dai zawn kaba ai hte ja la ai nnang nawn gaw, galoi mung n byin yu ai.

SHINGRAN 20:11

Dai hpang, galu kaba ai tingnyang ahpraw mung, dai hta e dung nga ai wa hpe mung ngai mu nngai. Dai Madu a man na aga hte lamu gaw hkoi mat wa nna, dai yan hpe n mu yu mat sai.