ESAIA 42:14 - Jinghpaw Common Language Bible 2009

¹⁴ Karai Kasang gaw, “Ngai gaw aten na na wa, atsin sha nga nga nngai; nye a amyu masha ni a ga hpe n htan ya nngai. Rai ti mung, ya chyawm gaw amu galaw na aten du nga sai; Ngai gaw shinggyim machyi ai numsha zawn jahtau nngai.

Jinghpaw Hanson Version Bible

¹⁴ Ngai gaw na na wa atsin sha nga nga nngai; hpa n tsun ai litmu naw anga nga nngai: ya chyawm gaw shinggyim machyi ai num zawn ngai shaga na nngai; hki ba ai hte ba galawp hkra ari jaw na nngai.

ESAIA 42:14 ပူးပေါင်းရင်းမြစ်များ

YOBA 32:18

Ngai gaw ga tsun lu na matu ndawt nga nngai; ngai tsun na ga ni hpe n lu ma-um da lu ni ai.

YOBA 32:20

Ngai dai hpe sharang da lu nngai n rai; ngai ga shaga na nngai.

SHAKAWN KUNGDAWN 50:2

Karai Kasang gaw shi a hkum tsup tsawm htap nga ai Ziun mare kaw nna, nhtoi shatu dat wu ai.

SHAKAWN KUNGDAWN 50:21

Dai lam yawng hte hpe nang galaw nit dai, ngai hpa mung n shaga nngai majaw, nang zawn ngai rai nga nngai ngu nna nang myit la nga ndai; rai ti mung, ya chyawm gaw, ngai nang hpe daru sharin na nngai hte nang hpe dai lam asan sha tsun dan na nngai.

ESAIA 30:18

Ti mung, dai Madu gaw nanhte hpe matsan dum la na matu ala nga ai. Shi gaw teng man ai amu tut nawng galaw ai majaw, nanhte hpe matsan dum la na matu jin jin rai nga ai. Dai Madu hpe kam hpa ai ni gaw a nga ai.

ESAIA 57:11

Dai Madu gaw, “Nanhte ngai hpe masu magaw ga tsun nna ngai hpe tsep kawp malap kau na matu nanhte hpe hkrit shangun ai ndai karai ni gaw kadai ni rai nga ma ta? Ngai na na wa atsin sha nga nga nngai majaw nanhte ngai hpe shagrau sha-a nga ai amu hpe jahkring kau myit dai n rai ni?

ESAIA 64:12

Madu e, ndai lam ni yawng hpe nang gaw hpa n galaw ai sha nga na wu ni? Nang gaw dai lam ni hpe hpa mung n galaw ai sha anhte hkam sharang lu ai hta jan nna anhte hpe nni nkri jahkrum na ngu nu ni?

ESAIA 65:6

“Ngai gaw shanhte hpe ari jaw na matu daw dan da chyalu rai ni ai, shanhte a ari hpe mung ka matsing da sai. Shanhte galaw kau sai amu hpe yu numtawt kau ya na nngai n rai, rai ti mung shanhte galaw shut ai yubak mara ni hte

YEREMIA 15:6

Nanhte amyu masha ni gaw ngai hpe kau da manit dai; nanhte ngai hpe shingdu kayin kau manit dai. Dai rai nna nye a masin kahtet ai hpe shakawp na hki ba mat ni ai majaw, ngai gaw lata ladawn ai hte nanhte hpe agrawp mani kau nngai.

YEREMIA 4:31

Ngai gaw shinggyim machyi ai numsha hte kasha alat shangai ai numsha a jahtau kyik ai nsen zawn jahtau hkrap ai nsen hpe na ni ai. Dai gaw Yerusalem a jahtau ai nsen rai nna ba galawp ai hte shi a lata ladawn nna, “Ngai gaw hten run ai hkrum nga nngai! Shanhte gaw ngai hpe sat na matu sa wa nga ma hka!,” ngu nna tsun nga ai.

YEREMIA 44:22

Nanhte a n hkru n shawp ai hte matsat shabat re ai arawn alai ni hpe dai Madu gaw loi mi pyi n lu sharang nu ai majaw, nanhte a mungdan gaw dai ni rai nga ai hte maren shingran sharat katsi mat ai hte dai mung hta kadai mung shanu nga ai n rai. Dai gaw yu hkrit hpa shara tai mat nna dai mungdan a mying hpe mung masha amyu ni dagam dala ga tsun ai hta lang nga ma ai.

LUKA 18:7

Karai Kasang gaw, shi hpe shani shana karum la na matu hpyi jahtau nga ai, shi a lata la ai amyu masha ni a maga de, tara n dara ya ai nga na wu ni?

2 PETRU 3:15

Anhte tsaw ra ai hpu nau Pawlu mung, Karai Kasang jaw ai hpaji byeng-ya hte nanhte hpang de ka dat sai hte maren anhte a Karai Kasang hkam sharang let la ding da nga ai lam gaw nanhte Hkye Hkrang la hkrum na matu ahkaw ahkang jaw ai lam she rai nga ai hpe mu chye nga mu.