ESAIA 42:13 - Jinghpaw Common Language Bible 2009

¹³ Dai Madu gaw share ninghkrin wa zawn gasat na pru sa nga ai; shi gaw majan gasat na matu jin jin rai nna myit katu nga ai. Shi gaw majan hta jahtau nna garu nga ai; shi gaw shi a gumlau hpyen ni hpe ninghkap na matu shi a daru magam n-gun hpe madun nga ai.

Jinghpaw Hanson Version Bible

¹³ Yehowa gaw n-gun ja ai wa zawn pru nna, share ninghkrin zawn shi a myit dakat na ra ai: shi jahtau nna, gaja wa garu na ra ai; hpyen ni hpe nhtum nni shaza kau na ra ai.

ESAIA 42:13 ပူးပေါင်းရင်းမြစ်များ

SHAKAWN KUNGDAWN 118:16

Shi a daru magam atsam hte anhte hpe awng padang lam jaw ya sai; shi a chyahtum chyalai n-gun hte majan hpe dang kau nu ai,” nga nna Karai Kasang a amyu masha ni shanu nga ai sum ni kaw nna kabu gara jahtau ai awng padang nsen ni hpe madat mu.

SHAKAWN KUNGDAWN 78:65

Jahtum e, Madu gaw yup nga ai kaw na yup hprang wa ai wa zawn; sabyi ntsin a majaw myit katu kahtet wa nna n-gun ja ai share shagan wa zawn hprang wa nga sai.

ESAIA 26:11

Nang gaw na a gumlau hpyen ni hpe ari jaw na ra ai lam hpe shanhte n chye ma ai. Madu e, shanhte hpe kaya kahpa jahkrum nna nni nkri hkam sha shangun u; nang hkyen da ya sai ari ahpri shanhte hpe hkam sha shangun u. Na a amyu masha ni hpe nang kade daram tsaw ra nga ndai gaw, shanhte hpe madun dan u law.

ESAIA 31:4

Dai Madu gaw ngai hpe, “Sagu rem ni kade daram jahtau jahkrit tim, shanhte gaw ashan kawa sat da ai dusat kaw na hkanghkyi hpe jahkrit kau lu ma ai n rai; dai hte maren, Ziun Bum hpe makawp maga nga ai Chyahtum Chyalai N-gun rawng ai dai Madu ngai hpe shingdang lu ai hpa mung nga ai n rai.

ESAIA 37:32

Yerusalem hte Ziun Bum ntsa hta naw ngam nga ai amyu masha ni nga nga na mara ai, hpa majaw nga yang, Chyahtum Chyalai N-gun rawng ai dai Madu gaw ndai hku byin shangun na myit daw dan da nu ai.

ESAIA 63:15

Madu e, na a chyoi pra ai hte hpung shingkang hta shanu nga ai sumsing lamu kaw na anhte hpe gum yu mi. Anhte a matu na a galu kaba ai tsang ai myit gaw kanang rai nga a ta? Na a daru magam n-gun kanang rai nga a ta? Na a tsaw ra myit hte matsan dum ai myit kanang rai nga a ta? Anhte hpe hpa n nawn hkum rai et.

ESAIA 66:14

Ndai zawn byin ai hpe nang mu ai shaloi, nang kabu gara na ndai; dai gaw nang hpe n-gun shaja ya ai hte hkam kaja shangun na ra ai. Dai hpang nang gaw dai Madu ngai nan nye a ga madat ai ni hpe karum ai mung, nye a gumlau hpyen ni hpe ninghkap na matu nye a masin kahtet ai hpe madun dan ai mung nang chye na rin dai,” ngu nna tsun wu ai.

ESAIA 9:7

Shi a hkawseng daru magam n-gun gaw matut nna galu kaba wa na ra ai; shi a mungdan tut nawng ngwi pyaw sim sa na ra ai. Shi gaw Hkawhkam Dawi a hkringhtawng dagraw ai wa zawn up hkang nna, shi a daru magam n-gun gaw ding man ai hte teng man rap ra ai hta rudi nga ai rai nna, ya kaw nna jahtum ai aten du hkra agrin nga na ra ai. Chyahtum Chyalai N-gun rawng ai dai Madu gaw ndai amu yawng galaw na matu daw dan da nga sai.

YEREMIA 25:30

Yeremia e, nang gaw ngai tsun ai lam yawng mayawng hte hpe hkaw tsun na rai nga ndai. Nang gaw ndai amyu masha ni hpe, ‘Dai Madu gaw sumsing lamu kaw na shabam ai hte sumsing lamu a tsaw ai shara kaw nna mu shangoi dat na ra ai. Shi gaw shi a amyu masha ni hpe shabam nna, sabyi si kabye ai wa zawn marawn jahtau na ra ai. Ginding aga ntsa na masha shagu hte gaw shi a nsen hpe na na mara ai,

HOSEA 11:10

“Shanhte a gumlau hpyen ni hpe hkanghkyi zawn ngai marawn shabam dat ai shaloi, nye a amyu masha ni nye a hpang de hkan nang na mara ai. Shanhte gaw sinna maga de nna ngai hpang de tin tin du na mara ai.

YOELA 3:16

Dai Madu gaw Ziun Bum kaw nna shabam dat nhtawm, shi a nsen Yerusalem kaw na ngoi kadu nga ai; Ginding aga hte sumsing lamu gari ashun nga ai. Rai ti mung, shi gaw shi a amyu masha ni hpe makawp ninggang tai ya na ra ai.

AMO LAIKA (AMOS) 1:2

Amo gaw, “Dai Madu gaw Ziun Bum kaw na shabam nga ai; shi a nsen hpe Yerusalem kaw na sharawt dat nga ai. Udat shara ni hkun hkraw mat nna Hkarmela Bum ntsa na tsing nyui mat nga ai,” nga nna tsun wu ai.

NAHUM 1:2

Madu Karai Kasang gaw shingjawng kashun ai amu hpe hkam sharang ai n rai; shi gaw shi hte ninghtan shai ai ni hpe ari jaw nga ai. Shi a masin kahtet ai a majaw, shanhte hpe matai htang nga ai.

ZEHPANI 1:18

Shi a sindawng kahtet ai hpe madun ai shani hta, shanhte a ja gumhpraw mahkra hte pyi shanhte hpe hkye la lu na n rai. Shi a masin kahtet ai wan hte mungkan ga ting hpe jahten kau na ra ai. Mungkan ga ntsa e nga ai masha hkum shagu a matu, akajawng sha re ai jahtum nhtoi shabyin dat na ra ai.

ZEHPANI 3:8

Dai Madu gaw, “Sha ala nga mu,” ngu nna tsun wu ai. Masha amyu baw ni hpe mara jaw na matu ngai rawt sa wa ai nhtoi du hkra ngai hpe ala nga mu; Masha amyu baw ni hte hkawhkam mungdan ni nye a masin kahtet ai hpe shanhte hkam sha lu na matu shanhte hpe zup hpawng shangun na nga, ngai shatawng shada da nngai. Nye a sindawng kahtet ai masin a majaw ginding aga ting jahten kau hkrum na ra ai.