ESAIA 42:11 - Jinghpaw Common Language Bible 2009

¹¹ Nam mali hte de a mare ni Karai Kasang hpe shakawn kungdawn mu ga; Kedara masha ni shi hpe shakawn kungdawn mu ga! Sela mare hta nga ai ni gaw bum pungding ni kaw nna kabu gara ai hte jahtau nga mu ga!

Jinghpaw Hanson Version Bible

¹¹ Nam mali hte de a mare ni, Kedara masha ni shanu ai kahtawng ni, nsen sharawt mu ga; lung rawk e shanu ai ni mahkawn mangoi mu ga, bum pungding kaw nna garu mu ga.

ESAIA 42:11 ပူးပေါင်းရင်းမြစ်များ

NINGPAWT NINGHPANG 25:23

Dai Madu gaw shi hpe, “Na a hkum hta amyu lahkawng nga lit dai; Shada da htinghtawng shingjawng hkat ai amyu lahkawng hpe nang shangai dat na rin dai. Langai wa mi gaw kaga wa hta grau n-gun ja na ra ai; Kaba ai wa mahtang kaji ai wa hpe daw jau na ra ai,” ngu nna tsun wu ai.

SHAKAWN KUNGDAWN 120:5

Nanhte a lapran e ngai nga nga ai gaw Meshek mung hta e nga nga ai zawn mung; Kedara amyu masha ni a lapran e nga nga ai zawn mung, nni nkri rai nga ai.

ESAIA 12:5

Shi galaw nu ai galu kaba ai amu ni a majaw dai Madu hpe mahkawn mangoi mu. Mungkan ga ting shiga na la mu ga.

ESAIA 16:1

Moba masha ni gaw nam mali na Sela mare kaw na sagu kasha langai hpe kumhpa hku nna Yerusalem up ai wa hpang de sak jaw dat ma ai.

ESAIA 21:16

Dai hpang Madu gaw ngai hpe, “Kedara amyu bawsang ni a galu kaba ai gaw laning mi tup hta htum mat wa na ra ai.

ESAIA 32:16

Mungdan shara shagu hkan ding man ai hte teng man rap ra ai lam hpring wa na ra ai.

ESAIA 35:1

Nam mali gaw kabu gara na ra ai, nampan ni gaw katsi katsang re ai ga hta pu tsawm nga na ra ai.

ESAIA 35:6

Lagaw hten ai wa gaw gumlawt ai hte ka manawt na ra ai, ma-a ai wa gaw kabu gara jahtau na ra ai. Hka shi ni zaibru jang hku lwi wa na mara ai;

ESAIA 40:3

Nsen langai gaw, “Dai Madu a matu nam mali e lam lajang mu! Anhte a Karai Kasang a matu zaibru jang e lam jasan jaseng mu!

ESAIA 43:19

Ngai galaw sa wa na amu nnan hpe sin yu mu. Dai gaw byin nga masai majaw dai amu hpe ya mu lu nga ndai! Ngai gaw nam mali hku nmaw lam waw na nngai, dai yang e nang hpe hka shi ni jaw na we ai.

ESAIA 52:7

Bum lang ni hpe lai di nna kabu gara shiga, ngwi pyaw sim sa lam a shiga la sa ya ai wa hpe mu lu ai gaw kade sha mauhpa rai nga a hka! Shi gaw awng padang hpe ndau shabra nna Ziun hpe, “Na a Karai Kasang gaw hkawhkam rai nga ai!,” ngu nna tsun ai.

ESAIA 60:7

Kedara mung hte Nebaiot mung na sagu ni yawng Nang hpang de la sa nna shagu hkungga ni zawn Dai Madu awng sharawng na matu tawn hkungri ntsa hta nawng ya nga masai. Dai Madu gaw shi a Nawku Htingnu hpe shawng na hta grau nna hpung shingkang rawng shangun na ra ai.

YEREMIA 21:13

Yerusalem e, nang gaw pa layang e dung nga ai lunghkrung zawn kadit ni a ntsa e dung nga ndai. Rai ti mung, ngai nang hpe hkap gasat na nngai. Anhte hpe kadai htim gasat lu na n rai, na a bunghku ni hpe kadai agrawp kau ya lu na n rai, nga nna nang tsun ndai.

YEREMIA 48:28

“Moba mung hta shanu nga ai masha ni e, nanhte a nga shara mare ni hpe kau da nhtawm n-gam hkan e sa nga masu. Krung sinwa n-gam mahka hkan e tsip tsip ai hkrudu ni zawn tai nga mu.

YEREMIA 49:16

Na a gumrawng gumtawng ai myit gaw nang hpe hkalem kau nit dai. Nang myit nawn ai daram, kadai mung nang hpe n hkrit nga masai. Nang gaw lunghkrung ninggam ni hte tsaw ai bum pungding hkan e shanu machyu nga nna, galang zawn tsaw ai shara hta machyu nga ti mung, dai Madu gaw nang hpe shayu kau na ra ai. Dai Madu ngai nan tsun ni ai,” nga nna tsun wu ai.

YEREMIA 49:31

‘Sa marit! Myit sim myit sa hte shim nga ai ndai masha ni hte mare chyinghka ni mung, mare htinggrang ni mung, makawp maga lam hpa mung n nga ai shanhte a mare ni hpe anhte gasat ga,’ ngu nna tsun wu ai.

EZEKELA 27:21

Arabi masha ni hte Kedara mung du ni gaw na a gun rai ni lu la na matu, sagu kasha ni, sagu ni hte bainam ni dut nna hpaga ga ma ai.

OBEDIA 1:3

Na gumrawng gumtawng ai myit gaw nang hpe hkalem kau nga sai. Na a mare daju gaw ngang ai lunghkrung hta gap da ai hpyen dap rai nga ai; na a dum nta gaw bum ni hta tsaw nga ai, dai rai nna nang gaw na a kraw kata e, ‘Kadai wa ngai hpe gang kadang lu na i?,’ nga nna tsun nga ndai.

NAHUM 1:15

Yu mu, shiga gun ai wa langai mi gaw kabu gara shiga hte bum lang ntsa hku nna du sa wa ra ai! Shi gaw awng padang ninglaw ndau shabra na matu du sa wa nga ai. Yuda amyu masha ni e, nanhte a masat dingsat poi galaw mu; Karai Kasang hpe dagam ga shaka rap raw mu. Tara n lang ai ni gaw nanhte a mungdan hpe galoi mung shang gasat lu na mara ai n rai. Shanhte gaw tsep kawp jahten shaza kau hkrum nga masai!