ESAIA 41:9 - Jinghpaw Common Language Bible 2009

⁹ Ngai gaw nang hpe ginding aga a jahtum kaw na woi la nngai; Ngai gaw nang hpe tsan htum ai jut shara ni kaw na shaga la nna nang hpe, ‘Nang gaw nye a shangun ma rai ndai,’ ngu nna tsun sai. Ngai nang hpe ningdang kau ai n rai, nang hpe lata la ni ai.

Jinghpaw Hanson Version Bible

⁹ Nang gaw nye a shangun ma rai nga ndai; ngai nang hpe lata la ni ai; nang hpe gang kau na n rai:

ESAIA 41:9 ပူးပေါင်းရင်းမြစ်များ

SHAKAWN KUNGDAWN 135:4

Shi gaw Yaku hpe shi a matu, Israela amyu masha ni hpe shi madu na matu, lata la nu ai.

SHAKAWN KUNGDAWN 94:14

Madu gaw shi a amyu masha ni hpe kau da na ra ai n rai; shi hte seng ai amyu masha ni hpe kabai kau da na ra ai n rai.

ESAIA 11:11

Dai nhtoi du ai shaloi, dai Madu gaw shi a daru magam n-gun hpe kalang mi bai lang nna, Asuri, Egutu, Pahtro, Ehtiopi, Elam, Babelon hte Hamat mung, panglai hkin-gau mayan hte panglai zunlawng ni hkan naw ngam nga ai shi a amyu masha ni hpe buga de woi wa na ra ai.

ESAIA 14:1

Dai Madu gaw shi a amyu masha Israela hpe kalang mi bai matsan dum la nna shanhte hpe shi a amyu zawn lata la na ra ai. Shi gaw shanhte hpe shanhte a mung ga de bai nga shangun na ra ai. Maigan masha ni mung du sa nna shanhte hte rau dai mung e nga na mara ai.

ESAIA 41:2

“Sinpraw mung kaw na awng padang lu ai wa hpe kadai sharawt tawn nna, shi du hkawm ai shara shagu hta shi hpe awng padang kadai jaw ya nga a ta? Hkawhkam ni hte masha amyu baw ni a ntsa e awng dang na ahkang shi hpe kadai jaw a ta? Shi a nhtu shanhte hpe ga nhpu hpe zawn kahtam kau nga ai. Shi a ndan pala ni gaw nbung bungsha hta yihku poi lawm ai zawn shanhte hpe shabra kau na ra ai.

ESAIA 41:8

Rai ti mung, nang nye a shangun ma Israela e, nanhte gaw ngai lata la sai amyu masha ni rai nga myit dai; nanhte gaw nye a jinghku Abraham a aru arat ni rai nga myit dai.

ESAIA 42:1

Dai Madu gaw, “Ndai gaw ngai n-gun shaja ya ai nye a shangun ma- ngai lata la ai wa, ngai sharawng awng ai wa rai nga ai. Ngai gaw shi hpe nye a Wenyi hte jahpring ya ni ai, shi gaw masha amyu baw shagu hpang de teng man rap ra ai tara la sa ya na ra ai.

ESAIA 44:1

Dai Madu gaw, “Nye a shangun ma, Israela, ngai lata la sai nye a amyu masha, Yaku a aru arat ni e, ya chyawm gaw, nye a ga madat mu.

ESAIA 45:4

Ngai lata la sai amyu masha ngu ai nye a shangun ma Israela hpe karum na matu, ngai nang hpe san da nngai. Nang ngai hpe n chye ti mung, ngai nang hpe galu kaba ai arawng sadang jaw ni ai.

MALAHKI 1:2

Dai Madu gaw shi a amyu masha ni hpe, “Ngai nanhte hpe tut nawng tsaw ra nga ni ai,” ngu nna tsun wu ai. Rai ti mung, shanhte gaw, “Anhte hpe na a tsaw ra myit gara hku madun yu nit ni?,” ngu nna bai htang tsun ma ai. Dai Madu gaw, “Esaw yan Yaku gaw kahpu kanau yan rai ma ai, rai ti mung ngai gaw Yaku hte shi a matu mara ni hpe mahtang tsaw ra ni ai.

LUKA 13:29

Sinpraw, sinna, dingdung, dingda de na masha ni sa nna, Karai Kasang a Mungdan lusha poi hta dung nga lu na mara ai.

TARA JAHPRANG 14:2

Ga ntsa hta nga nga ai masha amyu ni yawng hta na shi a amyu masha ni tai nga na matu shi nanhte hpe lata la nu ai majaw dai Madu nanhte a Karai Kasang gaw nanhte hpe madu da nga ai.

YAKU 2:5

Nye a tsaw ra ai hpu nau ni e, madat mu! makam masham hta lu su ai ni tai lu na hte shi hpe tsaw ra ai ni hpe jaw na nga nna ndat da sai sumsing lamu a sali wunli hkam la na matu Madu gaw ndai mungkan hta matsan mayan re ai ni hpe lata la mu ai.

SHINGRAN 5:9

Shanhte gaw, “Nang gaw dai laika shabawn hpe la na hte, dazik ni hpe gaw kau na ging dan nga ndai. Hpa majaw nga yang, nang sat kau hkrum nit dai rai nna, na a nawng jau si hkam ai hte, amyu bawsang shagu hta na mung, ga amyu shagu hta na mung, Karai Kasang a matu masha ni hpe nang mari la nit dai rai nga ai, nga nna mahkawn ningnan mahkawn ma ai.

1 SAMUELA 12:22

Dai Madu gaw kangka ai ga sadi shaka da nu ai hte maren, nanhte hpe shi a amyu masha majing shatai na, shi daw dan da nu ai majaw, shi nanhte hpe kau da na n rai.