ESAIA 41:8 - Jinghpaw Common Language Bible 2009

⁸ Rai ti mung, nang nye a shangun ma Israela e, nanhte gaw ngai lata la sai amyu masha ni rai nga myit dai; nanhte gaw nye a jinghku Abraham a aru arat ni rai nga myit dai.

Jinghpaw Hanson Version Bible

⁸ Rai timung, lamu ga jahtum de na ngai lata la ai hte, de a njut maga de na ngai shaga la ai, nye a jinghku wa Abraham a aru arat ngu ai, nye a mayam Israela e, ngai lata la ai Yaku e,

ESAIA 41:8 ပူးပေါင်းရင်းမြစ်များ

2 HKAWHKAM LABAU 20:7

Nang gaw anhte a Karai Kasang rai nga ndai; na a amyu masha Israela ni ndai mung de shang bang wa ma yang, ndai mung e nga nga ai masha ni hpe nang shaden kau nhtawm na a jinghku Abraham a amyu matu mara ni hpe htani htana shanhte a mung tai nga na matu nang jaw da nit dai.

SHAKAWN KUNGDAWN 135:4

Shi gaw Yaku hpe shi a matu, Israela amyu masha ni hpe shi madu na matu, lata la nu ai.

SHAKAWN KUNGDAWN 136:21

Shi gaw shanhte a lamu ga hpe shi a amyu masha ni a lata hta ap ya nu ai; shi a tsaw ra myit htani htan agrin nga ai.

SHAKAWN KUNGDAWN 136:22

Shi gaw dai ni hpe shi a shangun ma rai nga ai Israela hpe jaw nu ai; shi a tsaw ra myit htani htana agrin nga ai.

SHAKAWN KUNGDAWN 33:12

Dai Madu hpe shanhte a Karai Kasang shatai ai amyu baw gaw a nga ai; shi e lata la hkrum ai amyu masha ni gaw a lu nga ai!

ESAIA 14:1

Dai Madu gaw shi a amyu masha Israela hpe kalang mi bai matsan dum la nna shanhte hpe shi a amyu zawn lata la na ra ai. Shi gaw shanhte hpe shanhte a mung ga de bai nga shangun na ra ai. Maigan masha ni mung du sa nna shanhte hte rau dai mung e nga na mara ai.

ESAIA 29:22

Dai rai nna, Abraham hkrum sha ai tsin-yam tsindam kaw na hkye mawai la ai dai Madu Israela a Karai Kasang gaw, “Nye a amyu masha ni e, nanhte gaw kaya kahpa galoi mung hkrum sha sana myit dai n rai, nanhte a myi man ni galoi mung kaya kahpa hte sum sana myit dai n rai.

ESAIA 42:1

Dai Madu gaw, “Ndai gaw ngai n-gun shaja ya ai nye a shangun ma- ngai lata la ai wa, ngai sharawng awng ai wa rai nga ai. Ngai gaw shi hpe nye a Wenyi hte jahpring ya ni ai, shi gaw masha amyu baw shagu hpang de teng man rap ra ai tara la sa ya na ra ai.

ESAIA 42:19

Nye a shangun ma wa hta jan nna grau myi kyaw ai wa nga nga a ni? Ngai shangun dat ai dat kasa wa hta grau na lahpang ai wa nga nga a ni?

ESAIA 43:1

Israela e, nang hpe hpan da sai dai Madu gaw, “Hkum hkrit et-ngai nang hpe hkye la na nngai. Na a mying hte ngai nang hpe shaga ni ai-nang gaw nye a rai nga ndai.

ESAIA 43:10

“Israela amyu masha ni e, nanhte gaw nye a sakse ni rai nga myit dai; Nye a shangun ma tai na matu nang hpe ngai lata la nngai, Shaloi ngai chyu sha Karai Kasang rai nga nngai hpe nang chye wa nna ngai hpe kam sham ai hte chye na wa na rai ndai. Ngai hta lai, kaga karai shaje n nga nga ai; dai gaw moi prat e mung, du na ra ai prat hta mung galoi mung nga na n rai.

ESAIA 43:5

Hkum hkrit nga et-ngai nang hte rau nga nga nngai! “Tsan ai sinpraw maga hte tsan gang nga ai sinna maga de na, na a amyu masha ni hpe dum nta de ngai woi wa na nngai.

ESAIA 44:21

Dai Madu gaw, “Israela e, ndai lam hpe dum u; nang gaw nye a shangun ma rai nga ai hpe dum u. Ngai gaw nang hpe nye a shangun ma tai na matu hpan da nngai, ngai gaw nang hpe galoi mung malap kau na n rai.

ESAIA 45:4

Ngai lata la sai amyu masha ngu ai nye a shangun ma Israela hpe karum na matu, ngai nang hpe san da nngai. Nang ngai hpe n chye ti mung, ngai nang hpe galu kaba ai arawng sadang jaw ni ai.

ESAIA 48:12

Dai Madu gaw, “Ngai shaga la sai Israela amyu masha ni e, nye a ga madat mu! Ngai gaw Karai Kasang rai nga nngai, shawng na wa mung, hpang jahtum na wa mung rai nga nngai, ngai chyu sha Karai Kasang rai nga nngai!

ESAIA 49:3

Shi gaw ngai hpe, “Israela e, nang gaw nye a shangun ma rai nga ndai; na a majaw, masha ni ngai hpe shakawn kungdawn na mara ai,” ngu nna tsun wu ai.

ESAIA 51:2

Nang yu hkrat wa ai kaw na, na a kaji kawoi Abraham hte Sara yan hpe myit yu u. Ngai Abraham hpe shaga ai shaloi, shi hta kashu kasha garai n lu ai, rai ti mung ngai shi hpe shaman ya ai hte shi hpe kashu kasha jaw ni ai; ngai gaw shi a aru arat ni hpe shalaw jahtam ya ni ai.

ESAIA 63:16

Nang gaw anhte a kawa rai nga ndai. Anhte a kaji kawa ni rai nga ai Abraham hte Yaku yan gaw anhte hpe n chye mi ai, rai ti mung Madu nang gaw anhte a kawa rai nga ndai, anhte hpe tut nawng hkye mawai la ai wa mung rai nga ndai.

YEREMIA 33:24

“Ndai ngai lata san da sai dinghku amyu lahkawng rai nga ai Israela hte Yuda hpe ngai kau da ni ai nga nna masha ni kade tsun nga ma ai hpe nang myit dum yu nga n ni? Shanhte gaw nye a amyu masha ni hpe n kaw n law rai mada yu ma ai; shanhte hpe amyu langai mi zawn loi mi pyi n myit nawn da ma ai.

JAW JAU 25:42

Israela amyu masha ni gaw dai Madu a shangun ma ni rai nga ma ai majaw shi shanhte hpe Egutu mung kaw na woi shapraw wa wu ai. Dai rai nna shanhte hpe mayam zawn dut kau lu na n rai.

MALAHKI 1:2

Dai Madu gaw shi a amyu masha ni hpe, “Ngai nanhte hpe tut nawng tsaw ra nga ni ai,” ngu nna tsun wu ai. Rai ti mung, shanhte gaw, “Anhte hpe na a tsaw ra myit gara hku madun yu nit ni?,” ngu nna bai htang tsun ma ai. Dai Madu gaw, “Esaw yan Yaku gaw kahpu kanau yan rai ma ai, rai ti mung ngai gaw Yaku hte shi a matu mara ni hpe mahtang tsaw ra ni ai.

MAHTE 3:9

Abraham gaw anhte a kaji kawa rai nga mali ai nga nna tsun nga ai hte sha nanhte a yubak mara a ari kaw na lawt lu na zawn hkum nawn myit, nanhte hpe ngai tsun made ga, Karai Kasang gaw ndai nlung ni hpe la nna Abraham a matu kashu kasha ni hpe hpan shalat lu nga ai!

GALATI 3:19

Dai rai yang gaw, jep ai Tara a yaw shada ai lam gaw hpa rai ta? jep ai Tara hpe Karai Kasang jat bang tawn da ya ai lam gaw shut hpyit yubak mara ni a masa lam hpe shapraw dan na matu rai nna dai gaw, ga ndat da ai Abraham a aru arat wa garai n du ai aten laman du hkra sha grin nga na matu rai nga ai. Karai Kasang gaw dai jep ai Tara hpe lamu kasa ni hku nna lapran e htinglet ya ai wa langai mi a lata hte jaw ya sai.

TARA JAHPRANG 10:15

Rai ti mung nanhte a nji nwa ni a matu dai Madu a tsaw ra myit gaw grai n-gun ja nga ai majaw kaga masha amyu ni hta nanhte hpe lata la manit dai; nanhte gaw shi lata la sai amyu masha ni naw rai nga myit dai.

TARA JAHPRANG 14:2

Ga ntsa hta nga nga ai masha amyu ni yawng hta na shi a amyu masha ni tai nga na matu shi nanhte hpe lata la nu ai majaw dai Madu nanhte a Karai Kasang gaw nanhte hpe madu da nga ai.

YAKU 2:23

“Abraham gaw Karai Kasang hpe kam sham wu ai rai nna shi a makam masham a majaw shi hpe ding hpring ai wa ngu nna hkap la wu ai,” nga nna Chyum Laika hta tsun ai ga gaw dik tup wa sai. Dai rai nna Abraham gaw Karai Kasang a jinghku wa ngu ai hpe hkam la wu ai.