ESAIA 41:5 - Jinghpaw Common Language Bible 2009

⁵ “Sumtsan mung na masha ni gaw ngai galaw sai amu ni hpe mu manu ai; shanhte gaw kajawng ai hte hkrit gari nga ma ai. Dai rai nna shanhte yawng zup hpawng nna sa wa ma ai.

Jinghpaw Hanson Version Bible

⁵ Zunlawng ni mu nna hkrit ma ai; lamu ga jahtum ni gari ma ai; shanhte sit sa nna du ra ma ai.

ESAIA 41:5 ပူးပေါင်းရင်းမြစ်များ

NINGPAWT NINGHPANG 10:5

Shanhte gaw zunlawng ni hte panglai hkin-gau mayan hku shanu nga ai amyu masha ni a kaji kawa ni rai ma ai. Dai ni gaw Yahpet a aru arat ni rai nna, tinang mungdan ni hta abaw asang kaga ga rai shanu nga nhtawm, shaga ai ga mung kaga ga rai nga ai.

SHAKAWN KUNGDAWN 65:8

Na a magam amu ni gaw mungkan ga a jahtum shara maga mi kaw nna maga mi de du hkra, kabu gara jahtau garu shangun nga ai. Nang galaw dan sai galu kaba ai lamik kumla ni a majaw, mungkan ga ting mau mahka nga ma ai.

SHAKAWN KUNGDAWN 65:9

Nang gaw lamu ga a matu marang jahtu ya ai hte mungkan ga hpe yu lanu lahku nga ai lam madun dan nga ndai; nang dai hpe sut su shangun ai hte ga sau ing shangun nga ndai. Hka shi ni hpe hka hte nang jahpring da nna; aga hta nai mam ni hte nang shatut ya nga ndai. Nang gaw dai hku nna lajang da nit dai:

SHAKAWN KUNGDAWN 66:3

“Nang galaw ai amu ni gaw kade wa mauhpa rai nga a hka! Na a daru magam n-gun grai galu kaba nga ai majaw, na a gumlau hpyen ni gaw na a man e, hkrit ai hte gum dagup nga ma ai.

SHAKAWN KUNGDAWN 67:7

Karai Kasang gaw anhte hpe shaman ya mi ai, shara shagu hkan nga nga ai masha amyu yawng shi hpe shagrau sha-a nga mu law.

PRU MAT 15:14

Amyu baw ni na manu ai rai nna, shanhte hkrit gari nga ma ai; Hpilisti masha ni mung hkrit kajawng nga ma ai.

ESAIA 41:1

Karai Kasang gaw, “Sumtsan mungdan ni e, Atsin sha nga nna nye a ga madat mu! Tara rung hta na a amu shawn na matu shajin da u; nang gaw ga shaga lu na ahkaw ahkang lu na ra ai. Kadai wa teng man nga ai hpe daw dan ya na matu rau sa wa ga.

ESAIA 41:6

Lata hpaji kung kyang ai ni gaw shada karum nna n-gun jaw hkat ma ai.

EZEKELA 26:18

Ya chyawm gaw, nang kadawng mat ai shani e, Zunlawng ni gari ashun nga ai hte, Shanhte a masha ni dai zawn re ai jahten shabyak lam a majaw mau kajawng nga ma ai.”

YAWSHU 2:10

Nanhte Egutu mung na pru wa myit ai shaloi nanhte a man na Panglai Hkyeng hpe dai Madu kaning rai jahkyet kau ai mung, Yawdan hka a sinpraw hkran na Amori Hkawhkam Sihon hte Oga yan hpe kaning rai sat kau manit dai lam hpe mung, anhte na saga ai.

YAWSHU 5:1

Israela amyu masha ni Yawdan hka rap kawt mat wa ai aten du hkra, dai Madu Yawdan hka jahkyet kau ai lam, Yawdan hka a sinna hkran de nga ai Amori hkawhkam ni yawng hte Ka-ang Panglai mayan hku nga ai Hkanani hkawhkam ni yawng mung na ma ai. Dai Israela amyu masha ni a majaw shanhte hkrit gari mat ai hte myit daw myit htum mat ma ai.