ESAIA 41:4 - Jinghpaw Common Language Bible 2009

⁴ Ndai zawn re ai hpe shabyin dat ai wa gaw kadai rai nga a ta? Masha ban hte ban a labau hpe kadai gawn dan a ta? Dai Madu ngai gaw shawng npawt e nga nga nngai, Dai Madu ngai gaw ahpang jahtum e mung nga nga na nngai.

Jinghpaw Hanson Version Bible

⁴ Dai amu ni hpe hpan hpajang nna galaw da let, masha ban mi hte ban mi npawt kaw nna shaga tawn da ai wa gaw, kadai rai ta? Shawng na wa hte mung, hpang na ni hte mung rau nga ai, ngai Yehowa nan, dai wa rai nga nngai.

ESAIA 41:4 ပူးပေါင်းရင်းမြစ်များ

SHAKAWN KUNGDAWN 102:27

Rai ti mung, nang chyawm gaw dinggrin anga nga ndai, na a asak gaw galoi mung htum mat chye ai n rai.

SHAKAWN KUNGDAWN 102:28

Anhte a kashu kasha ni shim lum ai hte shanu nga lu na mara ai; shanhte a aru arat ni gaw na a makawp maga ai npu hta shim nga lu na mara ai.

ESAIA 40:12

Nammukdara hpe lata latup mi hte kadai shadawn lu a ta? Sumsing lamu hpe shi a lata hte kadai shadawn lu a ta? Ginding aga a ga sau hpe gawm hta bang nna kadai lang lu a ta? Bum ni hte kawng ni hpe joi jang hta bang nna kadai shen lu a ta?

ESAIA 40:26

Sumsing lamu de mada yu mu! Nanhte mu ai shagan ni hpe kadai hpan da a ni? Hpyen luksuk hpe zawn lam woi ai wa gaw dai yang e kade nga nga ai hpe shi chye ai hte dai ni langai hte langai hpe amying shaga lu nga ai! Shi a daru magam n-gun gaw grai galu kaba nga ai- dai ni hta na langai mi gaw galoi mung yet lu na n rai.

ESAIA 41:20

Amyu masha ni ndai amu hpe mu nna dai Madu ngai nan dai amu galaw ni ai hpe chye wa na mara ai. Shanhte gaw dai Israela a chyoi pra ai Karai Kasang gaw dai amu shabyin nu ai lam hpe chye na wa na mara ai.”

ESAIA 41:26

Nang jaw nga ndai ngu anhte chye lu hkra, ndai lam byin wa na re ngu nna nanhte kadai mahtang tau tsun da yu mtit ni? Dai hte seng ai ga hkum mi pyi nanhte hta na kadai mung n tsun nga ai; nang tsun ai lama mi hpe mung kadai n na yu ma ai!

ESAIA 41:3

Shi gaw shanhte hpe hkan shachyut ai hte shim lum ai hku rawt hkawm sa lu nga ai, shi gaw ga ntsa e grai chyang ai hte kabye lai mat wa nga ai.

ESAIA 42:24

Kadai wa Israela hpe hpya lu hpya sha ai ni a lata de ap ya nga a ni? Dai gaw anhte yubak galaw shut kau ai dai Madu shi nan rai nga a hka! Shi anhte hpe asak hkrung shangun na ra sharawng ai zawn anhte hkrung ga ai n rai, shi anhte hpe jaw sai sharin shaga ga ni hpe madat ga ai n rai.

ESAIA 43:10

“Israela amyu masha ni e, nanhte gaw nye a sakse ni rai nga myit dai; Nye a shangun ma tai na matu nang hpe ngai lata la nngai, Shaloi ngai chyu sha Karai Kasang rai nga nngai hpe nang chye wa nna ngai hpe kam sham ai hte chye na wa na rai ndai. Ngai hta lai, kaga karai shaje n nga nga ai; dai gaw moi prat e mung, du na ra ai prat hta mung galoi mung nga na n rai.

ESAIA 43:13

Ngai gaw Karai Kasang rai nga nngai, tut nawng arai nga na nngai. Kadai mung nye a daru magam n-gun kata kaw na lawt lu ai n rai; kadai mung ngai galaw ai amu hpe galai lu nga ai n rai,” ngu nna tsun ai.

ESAIA 46:10

Ngai gaw shawng npawt kaw nna byin pru sai amu hpe tau tsun ni ai; moi chyaloi nhkoi kaw nna byin wa na lam hpe ngai tau tsun ni ai. Nye a yaw shada lam ni galoi mung hkrat sum na n rai nga ai hpe mung, ngai galaw na ngu shatawng shada ai lam magup hte hpe ngai galaw ai hpe mung tsun ni ai.

ESAIA 48:12

Dai Madu gaw, “Ngai shaga la sai Israela amyu masha ni e, nye a ga madat mu! Ngai gaw Karai Kasang rai nga nngai, shawng na wa mung, hpang jahtum na wa mung rai nga nngai, ngai chyu sha Karai Kasang rai nga nngai!

MAHTE 1:23

Shi gaw, “Yu u, dai hkawn sek gaw na-um nasin rai wa nna, shadang sha shangai na ra ai, shi a mying, Emanuela ngu shamying ya na maru ai,” nga ai. De a lachyum gaw, “Karai Kasang anhte hte rau rai nga ai!,” nga ai re.

MAHTE 28:20

ngai nanhte hpe hkang da mada yawng hte hpe hkan shadik lu mu ga, shanhte hpe sharin shaga ya mu: dai hta kaga, lamu ga aprat htum hkra ngai nanhte hte rau dinggrin anga nga na nngai law,” ngu nna shanhte hpe matsun dat mu ai.

KASA 15:18

Ndai gaw moi chyaloi nhkoi kaw nna Karai Kasang e chye shangun ai lam rai nga ai, nga nna Madu tsun nga ai.’

KASA 17:26

Madu gaw shawng nnan masha langai mi hpe hpan da nna dai wa hta nna masha amyu danghta hpe mayat maya hkrat wa shangun nhtawm, mungkan shara shagu hta nga pra shangun ma ai. Shanhte asak hkrung nga pra ai du hkra ladaw ni hte buga jarit ni hpe mung tau hkrau masat da ya mu ai.

TARA JAHPRANG 32:39

“‘Ngai hte ngai chyu sha Karai Kasang rai nga nngai; karai shaje kadai mung karai jet n rai nga ai. Ngai sat nna ngai jahkrung nngai, ngai jahpye nna ngai shamai nngai; ngai galaw ai lam hpe kadai e mung ninghkap lu ai n rai.

SHINGRAN 1:11

Dai nsen gaw, “Nang mu ai hte maren laika hta ka la nhtawm, dai laika hpe Ehpesu, Samurna; Pergamu, Htuatira, Sardi, Hpiladehpi hte Ladoki mare ni hta nga ai hpung sanit hpang de shagun dat u,” nga ai.

SHINGRAN 1:17

Dai wa hpe ngai mu jang, shi a lagaw nhpang e si ai wa zawn ngai kadawng taw mat nngai. Shi gaw shi a hkra lata nye a ntsa e mara ya nna, “Hkum hkrit et! Ngai gaw ningshawng wa mung, jahtum wa mung rai nga nngai.

SHINGRAN 1:8

Ngai gaw ningshawng wa mung rai nga nngai, jahtum wa mung rai nga nngai, nga nna ndai prat e mung, moi prat e mung, du na ra ai htawm hpang prat e mung anga nga ai Chyahtum Chyalai n-gun atsam rawng ai Madu Karai Kasang gaw tsun nga ai.

SHINGRAN 2:8

“Samurna hpung a lamu kasa hpe ning ngu ka dat u: “Ndai gaw, ningshawng wa hte jahtum wa, si sai rai ti mung asak bai hkrung wa ai wa kaw na mungga rai nga ai.

SHINGRAN 22:13

Ngai gaw Alhpa hte Omega, npawt nhpang mung, hpang jahtum mung rai nga nngai.”