ESAIA 41:25 - Jinghpaw Common Language Bible 2009

²⁵ “Ngai gaw sinpraw maga de nga ai masha langai mi hpe lata la ni ai; ngai gaw shi hpe dingdung maga de nna gasat na matu woi la na nngai. Shi gaw mung du ni hpe hkumpup zawn, di bu sama wa kagam ga hpe kabye gumchya ai zawn kabye anut nga ai.

Jinghpaw Hanson Version Bible

²⁵ Dingdung maga de na wa langai mi, nye a amying shaga ai wa sinpraw de na, ngai paw pru shangun nna, shi du ra ai: dai wa gaw munggyi ni hpe engade zawn rin nna, dibu sama a ga kagam zawn kabye kau na ra ai.

ESAIA 41:25 ပူးပေါင်းရင်းမြစ်များ

2 SAMUELA 22:43

Ga nhpu zawn tai mat hkra ngai shanhte hpe adup mani mawe ai; nmaw lam ntsa na hkumpup zawn shanhte hpe ngai kabye anya kau we ai.

ESAIA 10:6

Ngai gaw ngai hpe masin shapawt ai amyu masha, karai kata ai amyu baw hpe gasat na matu Asuri hpe shangun dat nngai. Ngai gaw shanhte hpe lanep hta, arai lagu na hte lam nmaw na ga nhpu hpe zawn amyu masha ni hpe kabye anut kau na matu dat dat nngai,” ngu nna tsun wu ai.

ESAIA 21:2

Ngai gaw mazut byin masa ni a shingran, gumle gumlau ai hte jahten shabyak ai shingran ni hpe mu se ai. Elam hpyen luksuk e, htim gasat mu! Medi hpyen luksuk e, mare ni hpe wang tawn mu! Karai Kasang gaw Babelon mung e shabyin nu ai nni nkri hpe jahtum kau na ra ai.

ESAIA 41:2

“Sinpraw mung kaw na awng padang lu ai wa hpe kadai sharawt tawn nna, shi du hkawm ai shara shagu hta shi hpe awng padang kadai jaw ya nga a ta? Hkawhkam ni hte masha amyu baw ni a ntsa e awng dang na ahkang shi hpe kadai jaw a ta? Shi a nhtu shanhte hpe ga nhpu hpe zawn kahtam kau nga ai. Shi a ndan pala ni gaw nbung bungsha hta yihku poi lawm ai zawn shanhte hpe shabra kau na ra ai.

ESAIA 44:28

Ngai gaw Kuru hkawhkam wa hpe, ‘Nang gaw nye a matu up hkang ai wa tai na rin dai; ngai nang hpe galaw shangun mayu ai amu hpe nang galaw na rai ndai: Yerusalem gaw bai de da na lam mung, Nawku Htingnu a npawt nhpang ni hpe jahkrat tawn na lam hpe mung, nang tara shapraw na rai ndai,’” ngu nna tsun ai.

ESAIA 45:1

Dai Madu gaw Kuru hpe hkawhkam tai na matu lata la nu ai. Shi gaw masha amyu baw ni hpe up na matu shi hpe lit jaw nu ai; Hkawhkam ni a daru magam n-gun raw sharun ya na matu shi hpe shangun dat nga ai; dai Madu gaw shi a matu mare ni a chyinghka ni hpe hpaw malang da ya na ra ai. Dai Madu gaw Kuru hpe,

ESAIA 45:13

Ngai nan gaw nye a yaw shada ai hpe jahpring shatsup na matu hte lam magup hpe shading sharai ya na matu mung Kuru a myit hpe shamu shamawt ya se ai. Ngai gaw shi hkawm sa na lam shagu hpe malan ya na nngai. Shi gaw nye a mare, Yerusalem hpe bai gaw gap ai hte bawng dung ai nye a amyu masha ni hpe shalawt dat na ra ai. Kadai mung shi hpe saw la na n rai, ndai amu galaw na matu shi hpe mayun kumhpa jaw na ma ai n rai.” Chyahtum Chyalai N-gun rawng ai dai Madu tsun nu ai.

YEREMIA 1:14

Shi gaw ngai hpe, “Dingdung maga de na jahten sharun ai gaw ndai mungdan hta shanu nga ai ni yawng a ntsa e prut pru wa na ra ai,

YEREMIA 50:3

“Dingdung maga de nna amyu baw mi gaw Babelon mare hpe gasat na matu du sa na mara ai; dai mare hpe katsi katsang shara shatai kau na mara ai. Masha hte yam nga ni hprawng pru wa nna, dai shara hta kadai mung de nga na mara ai n rai.”

MIHKA 7:10

Dai hpang, anhte a gumlau hpyen ni dai lam hpe mu wa nna kaya kahpa hkrum wa na mara ai. Dai gumlau hpyen ni gaw anhte hpe, “Na a Madu Karai Kasang kanang nga nga lit ta?,” nga nna san ashu ai ni gaw lam ka-ang na hkumpup zawn kabye hkrum ai hte sum kadawng mat ai hpe anhte mu lu na ga ai.

ZEHKARIA 10:5

Yuda amyu masha ni gaw shanhte a gumlau hpyen ni hpe nmaw lam ntsa na hkumpup kata de kabye bang kau dat ai hte hpyenla ni zawn awng padang hkam la lu na mara ai. Dai Madu gaw shanhte hte rau rai nga ai majaw, shanhte gasat nna gumlau hpyen gumra jawn ai ni hpe pyi dang kau na mara ai.

SHINGRAN 16:12

Dai hpang kru ngu na lamu kasa gaw, shi a pawt sindawng kahtet ai gawm hpe Uhprat hka nu kaba hta ru bun dat wu ai. Shaloi sinpraw mung na sa wa ai hkawhkam ni a matu lam hku u ga, dai hka nu gaw hkyet mat wa ai.