ESAIA 41:22 - Jinghpaw Common Language Bible 2009

²² Ndai de sa nna hpa byin wa na lam tau tsun yu mu, shaloi anhte gaw dai amu galoi byin wa na hpe chye lu na ga ai. Lai sai aten na mabyin lam ni hpe tara rung de tsun shaleng dan mu, shanhte kaning rai lachyum shapraw ai lam anhte hpe tsun dan mi.

Jinghpaw Hanson Version Bible

²² Shanhte myihtoi ga shapraw nna, hpa byin na ra ai hpe tsun dan maru ga; moi shawng de byin ai lam ni anhte myit aru yu nna, de a jahtum chye na lu hkra, tsun maru ga: shing n rai, byin na ra ai lam ni anhte hpe shana ya mi.

ESAIA 41:22 ပူးပေါင်းရင်းမြစ်များ

ESAIA 41:26

Nang jaw nga ndai ngu anhte chye lu hkra, ndai lam byin wa na re ngu nna nanhte kadai mahtang tau tsun da yu mtit ni? Dai hte seng ai ga hkum mi pyi nanhte hta na kadai mung n tsun nga ai; nang tsun ai lama mi hpe mung kadai n na yu ma ai!

ESAIA 42:9

Ngai tau tsun da ai amu ni gaw ya teng nga sai. Ya chyawm gaw dai lam ni garai n byin hpang ai rai tim, ngai nang hpe amu nnan lam ni tsun dan na nngai.”

ESAIA 44:7

Ngai galaw ai amu hpe kadai wa lu galaw nga a ta? Shawng npawt kaw nna hpang jahtum aten du hkra byin nga sai lam yawng hpe kadai wa tau tsun lu nga a ta?

ESAIA 45:21

Tara rung hta na a amu sa shawn u; mara shut ai ni gaw shanhte shada da jahkrup hkat mu ga. Moi chyaloi nhkoi kaw nna byin mat wa sai lam ni hpe kadai tau tsun lu a ni? Shi a amyu masha ni hpe hkye la ai Karai Kasang ngu ai dai Madu ngai wa rai nga ai, n rai ni? Karai shaje n nga nga ai.

ESAIA 45:22

“Mungkan ting hta nga ai amyu masha ni e, hkye hkrang la hkrum na matu, ya jang ngai kaw kayin wa marit! Ngai chyu sha Karai Kasang rai nga nngai, Karai shaje n nga nga ai.

ESAIA 46:10

Ngai gaw shawng npawt kaw nna byin pru sai amu hpe tau tsun ni ai; moi chyaloi nhkoi kaw nna byin wa na lam hpe ngai tau tsun ni ai. Nye a yaw shada lam ni galoi mung hkrat sum na n rai nga ai hpe mung, ngai galaw na ngu shatawng shada ai lam magup hte hpe ngai galaw ai hpe mung tsun ni ai.

ESAIA 48:14

“Nanhte yawng zup hpawng ai hte madat mu! Ngai lata da sai masha wa gaw Babelon hpe gasat na lam karai ni kadai mung tau tsun lu ma ai n rai; shi gaw ngai shi hpe galaw shangun mayu ai amu hpe galaw na ra ai.

ESAIA 48:3

Dai Madu gaw Israela hpe, “Moi na lam hpa byin wa na hpe ngai tau tsun ni ai; dai hpang ngai gaw dai hpe akajawng sha shabyin nngai.

YAWHAN 13:19

Dai lam byin pru wa ai shaloi, ‘Ngai gaw ngai wa rai nga nngai,’ hpe nanhte kam sham wa lu myit ga ngu nna dai lam hpa garai n byin yang, ya ngai nanhte hpe tau tsun magang da made ai.

YAWHAN 16:14

Dai wa gaw ngai tsun ai ga hpe la nna nanhte hpe bai htawn tsun dan na ra ai rai nna, nye a hpung shingkang shapraw ya na ra ai.