ESAIA 41:2 - Jinghpaw Common Language Bible 2009

² “Sinpraw mung kaw na awng padang lu ai wa hpe kadai sharawt tawn nna, shi du hkawm ai shara shagu hta shi hpe awng padang kadai jaw ya nga a ta? Hkawhkam ni hte masha amyu baw ni a ntsa e awng dang na ahkang shi hpe kadai jaw a ta? Shi a nhtu shanhte hpe ga nhpu hpe zawn kahtam kau nga ai. Shi a ndan pala ni gaw nbung bungsha hta yihku poi lawm ai zawn shanhte hpe shabra kau na ra ai.

Jinghpaw Hanson Version Bible

² Dinghpring ai lam hkan chye ai langai mi hpe, sinpraw mung de na kadai sharawt a ta? shi gaw amyu baw ni hpe dai wa a lata hta ap ya nna, hkawhkam ni a ntsa e up shangun wu ai; shanhte gaw shi a nhtu man e ga nhpu zawn rai nna, shi a ndan majaw, poi mat ai yi hku hte bung ma ai.

ESAIA 41:2 ပူးပေါင်းရင်းမြစ်များ

NINGPAWT NINGHPANG 11:31

Htera gaw shi a kasha Abram hte shi a kashu Haran a shadang sha Lawt hpe mung, shi a kanam Abram a madu jan Sarai hpe mung shaga woi nhtawm Hkanan mung de sa wa na nga, Babelon mung Ura mare kaw nna pru sa wa ai. Shanhte gaw Haran mare de du hkra sa nhtawm dai yang e nga nga ma ai.

NINGPAWT NINGHPANG 17:1

Abram a asak jahku shi jahku ning du ai shaloi, dai Madu gaw shi kaw dan pru nna, “Ngai gaw Chyahtum Chyalai N-gun Rawng Ai Karai Kasang rai nga nngai. Nye a ga hpe madat mara nna teng man ai amu hpe tut nawng a galaw nga u.

2 SAMUELA 22:43

Ga nhpu zawn tai mat hkra ngai shanhte hpe adup mani mawe ai; nmaw lam ntsa na hkumpup zawn shanhte hpe ngai kabye anya kau we ai.

2 HKAWHKAM 13:7

Suri hkawhkam gaw naw ngam nga ai masha ni hpe shamyit kau nhtawm shanhte hpe ga nhpu zawn kabye anut kau mu ai majaw gumra jawn ai masha manga shi, hpyen leng shi hte lagaw dap hpyenla mun mi shangam da ya ai hta kaga Yehoahaza hta laknak hpai ai hpyen dap hpa mung n lu nga wu ai.

2 HKAWHKAM LABAU 36:23

“Ndai gaw Persi Hkawseng Kuru a hkang da ai ga rai nga ai. Dai Madu Sumsing lamu a Karai Kasang gaw ngai hpe mungkan ga ting hpe up hkang shangun ni ai. Yuda mung Yerusalem mare hta shi a matu Nawku Htingnu langai gap na lit ngai hpe jaw da ni ai. Ya chyawm gaw Karai Kasang a amyu masha ni rai nga myit dai nanhte yawng gaw dai de sa wa manu; dai Madu nanhte a Karai Kasang gaw nanhte hte rau nga nga u ga law.”

EZRA 1:2

“Ndai gaw Persi Hkawseng Kuru a hkang da ai ga rai nga ai. Dai Madu sumsing lamu a Karai Kasang gaw mungkan ga ting ngai hpe up hkang shangun ni ai hte Yuda mung Yerusalem hta shi a matu Nawku Htingnu langai gap na lit ngai hpe jaw da ni ai.

ESAIA 40:24

Shanhte gaw gat hkai nna ru garai n jung ai aten na hkai bawng ni zawn rai ma ai. Dai Madu gaw nbung hpe dat dat ai shaloi, dai ni hkraw mat ai hte yihku zawn shapoi kau ai hkrum nga ma ai.

ESAIA 41:25

“Ngai gaw sinpraw maga de nga ai masha langai mi hpe lata la ni ai; ngai gaw shi hpe dingdung maga de nna gasat na matu woi la na nngai. Shi gaw mung du ni hpe hkumpup zawn, di bu sama wa kagam ga hpe kabye gumchya ai zawn kabye anut nga ai.

ESAIA 41:3

Shi gaw shanhte hpe hkan shachyut ai hte shim lum ai hku rawt hkawm sa lu nga ai, shi gaw ga ntsa e grai chyang ai hte kabye lai mat wa nga ai.

ESAIA 42:6

“Ginding aga ntsa e teng man rap ra ai tara amu galaw nga ai hpe mu lu na matu, dai Madu ngai nan nang hpe shaga la nna daru magam n-gun jaw ni ai. Ngai gaw amyu masha ni yawng hte nang hku nna sha ga shaka tawn da na nngai; ngai gaw masha amyu baw ni hpang de nang hku nna sha nhtoi shapraw dan na we ai.

ESAIA 45:1

Dai Madu gaw Kuru hpe hkawhkam tai na matu lata la nu ai. Shi gaw masha amyu baw ni hpe up na matu shi hpe lit jaw nu ai; Hkawhkam ni a daru magam n-gun raw sharun ya na matu shi hpe shangun dat nga ai; dai Madu gaw shi a matu mare ni a chyinghka ni hpe hpaw malang da ya na ra ai. Dai Madu gaw Kuru hpe,

ESAIA 45:13

Ngai nan gaw nye a yaw shada ai hpe jahpring shatsup na matu hte lam magup hpe shading sharai ya na matu mung Kuru a myit hpe shamu shamawt ya se ai. Ngai gaw shi hkawm sa na lam shagu hpe malan ya na nngai. Shi gaw nye a mare, Yerusalem hpe bai gaw gap ai hte bawng dung ai nye a amyu masha ni hpe shalawt dat na ra ai. Kadai mung shi hpe saw la na n rai, ndai amu galaw na matu shi hpe mayun kumhpa jaw na ma ai n rai.” Chyahtum Chyalai N-gun rawng ai dai Madu tsun nu ai.

ESAIA 46:11

Ngai gaw sinpraw maga de na masha langai du sa na shaga nga nngai; shi gaw langji zawn ntsa de nna htim yu wa na ra ai, ngai shatawng shada ai amu ni hpe shangut na ra ai. Ngai tsun ni ai, dai gaw byin wa na ra ai.

ESAIA 48:15

Ngai gaw shi hpe tsun ai wa hte shaga ai wa rai nga nngai; ngai gaw shi hpe lakawn ai hte awng dang lam jaw nngai.

SHARUNG SHAYAWT 1:15

“Madu gaw nye a n-gun ja htum ai hpyenla ni yawng hpe mani nga ai; Shi gaw nye a shabrang ni hpe shamyit kau na matu hpyen luksuk shangun dat nga ai. Shi gaw nye a amyu masha ni hpe sabyi htumbyen kata na sabyi si ni hpe zawn kabye agrawp kau nu ai.

HEBRE 7:1

Ndai Melhkizedek gaw, Salem Mare a hkawhkam hte Tsaw Htum ai Karai Kasang a hkinjawng wa shi rai nga ai. Hkawhkam mali hpe gasat dang kau nna Abraham bai du wa yang, Melhkizedek gaw shi hpe hkap tau la nna shaman ya wu ai.

SHINGRAN 16:12

Dai hpang kru ngu na lamu kasa gaw, shi a pawt sindawng kahtet ai gawm hpe Uhprat hka nu kaba hta ru bun dat wu ai. Shaloi sinpraw mung na sa wa ai hkawhkam ni a matu lam hku u ga, dai hka nu gaw hkyet mat wa ai.

SHINGRAN 7:2

Bai, ahkrung nga ai Karai Kasang a dazik lang tawn da ai lamu kasa langai mi sinpraw maga de nna pru lung wa ai hpe ngai mu nngai. Shi gaw lamu ga hte panglai hpe jahten shaza kau na ahkang jaw da hkrum ai lamu kasa mali hpe,