ESAIA 41:19 - Jinghpaw Common Language Bible 2009

¹⁹ Ngai gaw nam mali hta arit hpun shaji hpun, maihting hpun hte tsanlun hpun ni hpe shatut na nngai. Nam maling ni gaw akrin akraw re ai lamu ga hta tu wa nna marau maling, shinglim hpun maling hte chyamka hpun maling ni tai wa na ra ai.

Jinghpaw Hanson Version Bible

¹⁹ Bai ngai gaw nam mali hta e arit hpun, shitim hpun, murtu hpun, tsanlun hpun ni hpe mung, zaibru jang e marau hpun, shinglim hpun hte chyamka hpun kayau hkai na we ai:

ESAIA 41:19 ပူးပေါင်းရင်းမြစ်များ

ESAIA 27:6

Dai nhtoi ni du jang, Yaku a aru arat ni ngu ai Israela amyu masha ni gaw hpun zawn aru jung wa nna asi si na matu apu pu majawm wa na mara ai. Ginding aga gaw shanhte shapraw ai nsi naisi hte jahpring na mara ai.

ESAIA 32:15

Rai ti mung Karai Kasang gaw kalang mi bai anhte a ntsa e shi a wenyi ru bang ya na ra ai. Jahkam da ai lamu ga gaw ga sau kaja wa na ra ai, yi hkauna ni ja kat ai nsi naisi ni hpe shapraw ya na ra ai.

ESAIA 35:1

Nam mali gaw kabu gara na ra ai, nampan ni gaw katsi katsang re ai ga hta pu tsawm nga na ra ai.

ESAIA 43:19

Ngai galaw sa wa na amu nnan hpe sin yu mu. Dai gaw byin nga masai majaw dai amu hpe ya mu lu nga ndai! Ngai gaw nam mali hku nmaw lam waw na nngai, dai yang e nang hpe hka shi ni jaw na we ai.

ESAIA 51:3

“Ngai gaw Yerusalem hte de a hten run mat sai shara ni hkan shanu nga ai ni yawng hpe matsan dum myit madun dan na nngai. Shi a lamu ga gaw zaibru jang rai nga ti mung Eden hta ngai hkai da ai sun zawn, dai hpe sun langai shatai na nngai. Dai yang e kabu gara ai hte pyaw ngawn ai lam nga na ra ai, ngai hpe shakawn kungdawn ai mahkawn mangoi ga ni hte chyeju dum na mara ai.

ESAIA 55:13

Ya ju hpun ni tu nga ai shara hta marau hpun ni tu wa na mara ai; ju sumwum shara ni hta maihting hpun ni tu lung wa na mara ai. Ndai gaw dai Madu ngai nan galaw sai amu hpe shadum ai kumla tai nna, htani htana agrin nga na ra ai.”

ESAIA 60:13

“Marau hpun, shinglim hpun hte chyamka hpun ngu ai Lebanon a maling htinggram kaw na kaja htum ai hpun gaw Nang Yerusalem hpe bai gaw gap na matu mung, Nye a Nawku Htingnu shatsawm na matu mung, Nye a mare hpe hpung sharawng na matu mung, du na ra ai.

ESAIA 60:21

Na a amyu masha ni gaw ding man ai amu mahkra galaw na mara ai, Mungdan hpe htani htana madu la na mara ai. Nye galu kaba ai lam yawng mayawng hpe madun dan na matu, Ngai shanhte hpe hkai da nna, shanhte hpe lajang da ni ai.

ESAIA 61:11

Nli tum ni kaw na maku rawt wa ai hte tu kaba wa ai hte maren, dai Tsaw Htum ai dai Madu gaw shi a amyu masha ni hpe hkye hkrang la na ra ai, Masha amyu baw ni yawng shi hpe shakawn kungdawn na mara ai.

ESAIA 61:3

Ziun hta sharung shayawt nga ai ni hpe yawn madai na malai Kabu gara ai hte kabu pyaw ai lam, Yawn hkyen ai a malai mahkawn shakawn na lam jaw ya na matu shangun dat ni ai. Shanhte gaw dai Madu shi nan hkai da sai Hpun ni zawn tai na mara ai. Shanhte gaw ding man ai amu yawng mayawng hpe galaw na mara ai, Karai Kasang gaw shi galaw sai amu ni a majaw shakawn kungdawn ai hkrum na ra ai.

EZEKELA 47:12

Dai hka hkin-gau maga mi hte maga mi de sha mai ai hpun amyu myu tu na ra ai; de a alap ni gaw galoi mung n nyip ai sha asi mung n wai na ra ai. Nawku Htingnu na lwi pru ai hka a majaw, mu ai namsi shata shagu si na ra ai. Hpun ni mung sha na namsi si jaw nna de a alap ni gaw amyu masha ni hpe shamai shatsai ai lam hta lang lu na ra ai,” ngu nna tsun ai.

HOSEA 14:8

Israela amyu masha ni gaw hpara sumla ni hte hpa mung seng na mara ai n rai; shanhte a akyu hpyi ga ni hpe ngai htan ya let shanhte hpe lanu lahku na we ai. Tsit lali ai hpun zawn ngai shanhte a makawp shingbyi shara tai ya na nngai; Ngai gaw shanhte yawng a shaman chyeju npawt rai nga nngai,” ngu nna tsun ai.

ZEHKARIA 1:8

Ngai gaw masha langai mi gumra ahkyeng jawn nga ai hpe mu nngai. Shi gaw kadit langai mi na maihting hpun maling kata hkring nga nna, shi a hpang e hkyeng ai, ateng apang re ai hte hpraw ai gumra ni tsap nga ma ai.