ESAIA 41:18 - Jinghpaw Common Language Bible 2009

¹⁸ Ngai gaw krin ai kawng ni a lapran e hka nu ni hpe shalwi dat nna kadit ni hta hka hpawk ni hpe jahpaw ya na nngai. Ngai gaw zaibru jang hpe hka la-ing shatai nna, hkun hkraw ai lamu ga hpe hka hpawk lwi shangun na nngai.

Jinghpaw Hanson Version Bible

¹⁸ Ngai gaw krin ai kawng ni a ntsa e hka nu, kadit ni a ka-ang e hka hpawk, jahpaw na nngai; nam mali e hka lawng, hkraw hkun ai shara e hka deng, ngai shatai na we ai.

ESAIA 41:18 ပူးပေါင်းရင်းမြစ်များ

SHAKAWN KUNGDAWN 104:10

Nang gaw hkaraw ni hkan e, hka hpawk ni hpe jahpaw dat ya nna, bum ni a lapran hku hka nu ni hpe lwi shangun nga ndai.

SHAKAWN KUNGDAWN 105:41

Shi gaw lunghkrung hpe hpaw dat nna hka ni kapaw pru wa nhtawm; hkun hkraw ai shara hkan, hka nu langai mi zawn lwi nga ai.

SHAKAWN KUNGDAWN 107:35

Zaibru jang ni hpe hka nawng, hkun hkraw ai lamu ga hpe hka hpawk lwi ai shara shatai kau nu ai.

SHAKAWN KUNGDAWN 126:4

Madu e, marang jahtu dat ya ai shaloi, hkun hkraw nga ai hkaraw hkam wam ni hta hka ni du shang wa ai zawn, anhte hpe kalang mi bai ngamu ngamai shangun mi law.

SHAKAWN KUNGDAWN 46:4

Karai Kasang a mare ngu ai, Tsaw Htum Ai Wa a chyoi pra ai nta hpe kabu gara shangun ai hka nu langai mi nga nga ai.

ESAIA 12:3

Mu ai hka gaw hpang gara ai wa hpe kabu gara lam jaw ya nga ai zawn, shi shanhte hpe hkye la ai shaloi Karai Kasang a amyu masha ni kabu gara ma ai,” ngu mahkawn na nhtoi du wa nga sai.

ESAIA 30:25

Nanhte a gumlau hpyen ni a hpyen dap ni run hkrum nna shanhte a masha ni sat kau hkrum ai shani hta, bum shagu hte kawng shagu de na hka shi ni lwi pru wa na mara ai.

ESAIA 32:2

Shanhte langai hte langai gaw nbung shingbyi shara hte nbung laru kaw na makoi shingbyi lu ai shara langai zawn tai na mara ai. Shanhte gaw zaibru jang e lwi nga ai hka shi ni zawn, akrin akraw re ai lamu ga hta nga ai kaba ai lunghkrung langai a shingnip zawn tai na mara ai.

ESAIA 33:21

Dai Madu gaw anhte hpe shi a hpung shingkang madun na ra ai. Anhte gaw dam lada ai hka nu ni hte hka shi ni a makau hkan nga lu na ga ai, rai ti mung hpyen tai ai sanghpaw li ni chyawm gaw de ntsa hkan e yawng lu na ma ai n rai.

ESAIA 35:1

Nam mali gaw kabu gara na ra ai, nampan ni gaw katsi katsang re ai ga hta pu tsawm nga na ra ai.

ESAIA 44:3

“Ngai gaw hpang gara ai lamu ga hpe ntsin jaw na nngai; hkun hkraw ai lamu ga ntsa e hka shi ni hpe shalwi dat na nngai. Ngai gaw nanhte a kashu kasha ni a ntsa de nye a wenyi ru bun na nngai; na a aru arat ni a ntsa de nye a shaman chyeju ru jaw na nngai.

ESAIA 48:21

Dai Madu gaw shi a amyu masha ni hpe kahtet nna hkun hkraw ai zaibru jang hku woi wa yang, shanhte hpang gara hkrum ma ai n rai. Shi gaw shanhte a matu lunghkrung kaw na hka shapraw ya nu ai; shi gaw lunghkrung hpe kayat hpaw nna hka lwi shangun wu ai.

ESAIA 58:11

Ngai gaw nang hpe tut nawng woi lakawn nna mai kaja ai arai ni hte nang hpe myit shadik ya na nngai. Ngai gaw nang hpe n-gun shaja ya nna hkam kaja shangun na nngai. Nang gaw hka n taw n tsang rawng ai sun hte galoi mung n hkyet mat ai hka hpawk langai zawn tai na ndai.

ESAIA 65:13

Dai re ai majaw, ngai hpe nawku ai ni hte nye a ga madat mara ai ni gaw nhpaw n-ya lu lu lu sha na mara ai, rai ti mung nang gaw kawsi kyet ai hte hpang gara ai hkrum na ndai. Shanhte gaw kabu gara lu na mara ai, rai ti mung nang chyawm gaw sari jahpoi hkrum na rai ndai, ngu ngai nang hpe tsun nngai.

YOELA 3:18

Dai aten hta, bum ni gaw sabyi sun ni hte hpring na ra ai; yam nga ni hpe kawng shagu a ntsa hkan e mu lu na ra ai; dai yang e, Yuda hka shi hka gai yawng hkan hka lwi na ra ai. Dai Madu a Nawku Htingnu kaw na hka shi langai lwi wa na ra ai, dai gaw Akasia Kadit hpe madit ya na ra ai.

ZEHKARIA 14:8

Dai nhtoi du jang, asak hka gaw Yerusalem kaw nna lwi pru wa na ra ai; dai hka ka-ang hkup gaw Jum Nawng de, de a ka-ang hkup gaw Ka-ang Panglai de ang wa na ra ai. Hka dai gaw ginhtawng ta e mung, lanam ta e mung shaning tup lwi nga na ra ai.

SHINGRAN 22:1

Bai, lamu kasa gaw Karai Kasang hte Sagu Kasha a tingnyang kaw na pru nna, dai mare a nmaw lam ka-ang hku lwi hkrat wa ai pat zawn htoi san ai asak hkrung ai hka a hka nu hpe ngai e madun nngai.

SHINGRAN 7:17

Hpa majaw nga yang, tingnyang ka-ang e nga ai Sagu Kasha gaw, shanhte a sagu rem wa tai na ra ai, rai nna, asak hka hpawk du hkra shanhte hpe lam madun na ra ai. Karai Kasang mung, shanhte a myi ni hta na myi prwi yawng tsai hkra katsut kau ya na ra ai,” ngu nna ngai hpe tsun ai.

TARA AGYI 15:19

Dai hpang Karai Kasang gaw Lehi shara dai yang na lamu ga hta nhkun langai hpaw ya nhtawm dai kaw na hka pru nga ai. Samson mung dai ntsin lu nna nsa awai la lu ai hte n-gun ja hpang wa wu ai. Dai re ai majaw hka hpawk dai hpe Hakore ngu nna shamying da ma ai. Dai gaw Lehi mare hta naw nga nga ai.