ESAIA 41:17 - Jinghpaw Common Language Bible 2009

¹⁷ “Nye a amyu masha ni hka ntsin tam la na ra ai aten hta mung, shanhte a yuhkraw ni hpang gara nna hkraw wa ai shaloi mung, dai Madu ngai nan shanhte a akyu hpyi ga hpe htan ya na nngai; Israela a Karai Kasang ngai gaw shanhte hpe galoi mung kau da na nngai n rai.

Jinghpaw Hanson Version Bible

¹⁷ Nni nkri hkrum ai ni hte matsan mayan ni gaw, ntsin tam timung, n mu ma ai: shanhte a shinglet hpang kara ai hte hkraw mat yang, ngai Yehowa shanhte a ga madat mara nna, Israela Karai Kasang ngai gaw, shanhte hpe kau da na, n rai.

ESAIA 41:17 ပူးပေါင်းရင်းမြစ်များ

NINGPAWT NINGHPANG 28:15

Yu u, ngai nang hte rau rai nga nngai mung, nang hkawm sa ai shara shagu hkan nang hpe ngai makawp maga ai hpe mung, ndai mung de nang hpe bai woi wa na lam hpe mung, adum nga u. Ngai nang hpe ga sadi jaw da sai amu yawng mayawng hpe galaw shatup ngut ai aten du hkra, nang hpe ngai kau da na nngai n rai,” ngu nna tsun wu ai.

1 HKAWHKAM 17:8

Shaloi dai Madu gaw Elia hpe,

2 HKAWHKAM LABAU 6:17

Dai rai nna ya chyawm gaw, Madu Israela a Karai Kasang e, na a shangun ma nye wa Dawi hpe nang jaw tawn da nit dai ga sadi shagu hpe teng tup byin shangun nga u ga law.

SHAKAWN KUNGDAWN 22:15

Nye a yuhkraw gaw ga nhpu zawn hkraw mat nna; nye a shinglet nye a gumra hta kap mat nga ai. Nang gaw ngai hpe ga nhpu hta si na matu tawn kau da nit dai.

SHAKAWN KUNGDAWN 34:6

Matsan mayan hkrum ai masha ni shi hpe shaga yang, shi htan ya nga ai; shi gaw shanhte a ru yak tsin-yam yawng kaw na shanhte hpe hkye hkrang la nga ai.

SHAKAWN KUNGDAWN 37:25

Ya chyawm gaw, ngai asak kaba ugut gu wa nga nngai, ngai gaw aten na na asak hkrung nga ni ai; rai ti mung, mai kaja ai masha wa hpe Madu kau da nna, shi a kashu kasha ni lusha hpyi sha hkawm ai hpe ngai galoi mung garai n mu yu nga nngai.

SHAKAWN KUNGDAWN 42:2

Ahkrung nga ai Karai Kasang e, ngai nang hpe shagroi gara nga nngai; ngai gaw na a man e, galoi wa mi she, sa wa lu nna, nawku daw jau lu na rai nga a ta?

SHAKAWN KUNGDAWN 50:15

Ru tsang hkrum ai shaloi, ngai hpe shaga e, ngai nang hpe hkye hkrang la na nngai; shing rai, nang ngai hpe shakawn na rin dai,” nga ai.

SHAKAWN KUNGDAWN 74:21

Dip gamyet sha hkrum nga ai ni hpe kaya kahpa hkum jahkrum et; matsan mayan ni hte ra kadawn nga ai ni gaw nang hpe shakawn nga mu ga law.

SHAKAWN KUNGDAWN 94:14

Madu gaw shi a amyu masha ni hpe kau da na ra ai n rai; shi hte seng ai amyu masha ni hpe kabai kau da na ra ai n rai.

PRU MAT 17:3

Rai ti mung, amyu masha ni mahtang ntsin grai hpang gara nga ma ai rai nna, Mawshe hpe dingyang aput nga ma ai. Shanhte gaw, “Anhte hpe mung, anhte a kashu kasha ni hpe mung, anhte a yam nga hpung ni hpe mung ntsin hpang gara shangun nna sat kau na matu, anhte hpe Egutu mung kaw na hpa rai woi shapraw wa n ni?,” ngu nna tsun ma ai.

PRU MAT 17:6

Ngai gaw Sina Bum ntsa na lunghkrung langai a ntsa, na a man e tsap nga na nngai. Dai hpang lunghkrung hpe kayat dat u; shaloi amyu masha ni lu na ntsin dai kaw na lwi pru wa na ra ai,” ngu nna tsun wu ai. Mawshe gaw Israela ningbaw ni a man e shing di galaw wu ai.

ESAIA 30:19

Yerusalem hta shanu nga ai amyu masha ni, nanhte gaw galoi mung hkrap sana n rai. Dai Madu gaw matsan chye dum ai wa rai nga ai, nanhte shi kaw karum la na matu jahtau ai shaloi, shi nanhte hpe htan ya na ra ai.

ESAIA 42:16

“Myi kyaw ai nye a amyu masha ni hpe shanhte galoi mung garai n hkawm yu ai lam hku ngai woi lakawn wa na nngai. Ngai gaw shanhte a nsin hpe nhtoi shatai kau nna marawk marak re ai mung hpe shanhte a man e shatsawm shara da na nngai. Ndai ni gaw nye a ga sadi ni rai nga ai, ngai gaw dai ni hpe n hprai ai sha shatup na nngai.

ESAIA 43:20

Zaibru jang hta hka nu ni hpe shalwi dat nna lata la hkrum ai nye a amyu masha ni hpe hka jaw ai shaloi, matse labye dusat ni pyi ngai hpe shagrau sha-a nna gwi ma-a ni hte gawla-uk u ni ngai hpe shakawn kungdawn na mara ai.

ESAIA 44:3

“Ngai gaw hpang gara ai lamu ga hpe ntsin jaw na nngai; hkun hkraw ai lamu ga ntsa e hka shi ni hpe shalwi dat na nngai. Ngai gaw nanhte a kashu kasha ni a ntsa de nye a wenyi ru bun na nngai; na a aru arat ni a ntsa de nye a shaman chyeju ru jaw na nngai.

ESAIA 48:21

Dai Madu gaw shi a amyu masha ni hpe kahtet nna hkun hkraw ai zaibru jang hku woi wa yang, shanhte hpang gara hkrum ma ai n rai. Shi gaw shanhte a matu lunghkrung kaw na hka shapraw ya nu ai; shi gaw lunghkrung hpe kayat hpaw nna hka lwi shangun wu ai.

ESAIA 49:10

shanhte gaw galoi mung kawsi hpang gara hkrum na mara ai n rai. Ajan hte zaibru jang a kahtet kang ai gaw shanhte hpe hkra na ra ai n rai, hpa majaw nga yang, shanhte hpe tsaw ra ai wa gaw shanhte hpe lam woi na ra ai. Shi gaw shanhte hpe hka hpawk ni nga ai de woi sa na ra ai.

ESAIA 55:1

Dai Madu gaw, “Hpang gara ai ni e, sa marit- ndai yang e hka nga nga ai! Gumhpraw n lu ai ni e, sa marit- nsi naisi mari nna sha mu! Sa marit, sabyi ntsin hte nga chyu mari lu mu- dai gaw manu jahpu hpa mung n hkrat ra nga ai!

ESAIA 58:11

Ngai gaw nang hpe tut nawng woi lakawn nna mai kaja ai arai ni hte nang hpe myit shadik ya na nngai. Ngai gaw nang hpe n-gun shaja ya nna hkam kaja shangun na nngai. Nang gaw hka n taw n tsang rawng ai sun hte galoi mung n hkyet mat ai hka hpawk langai zawn tai na ndai.

ESAIA 61:1

Tsaw Htum ai dai Madu gaw ngai hpe shi a Wenyi hte jahpring ya ni ai. Matsan mayan ni hpang de kabu gara shiga gun sa na matu mung, Myit daw mat sai ni hpe shamai shatsai ya na matu mung, Bawng dung ai ni hpe raw dat na matu mung, Htawng hta shareng da hkrum ai ni hpe shalawt dat na matu mung, Shi ngai hpe lata la nna shangun dat nu ai.

ESAIA 62:12

Nang gaw, “Karai Kasang a Chyoi Pra Ai Amyu Masha, Dai Madu Hkye Hkrang La Sai Amyu Masha,” ngu nna shaga hkrum na ra ai. Yerusalem gaw, “Karai Kasang Tsaw Ra Ai Mare, Karai Kasang N Kau Da Ai Mare,” ngu nna shaga hkrum na ra ai.

ESAIA 65:13

Dai re ai majaw, ngai hpe nawku ai ni hte nye a ga madat mara ai ni gaw nhpaw n-ya lu lu lu sha na mara ai, rai ti mung nang gaw kawsi kyet ai hte hpang gara ai hkrum na ndai. Shanhte gaw kabu gara lu na mara ai, rai ti mung nang chyawm gaw sari jahpoi hkrum na rai ndai, ngu ngai nang hpe tsun nngai.

ESAIA 65:24

Shanhte ngai kaw akyu hpyi ai ga garai n htum yang pyi, ngai gaw shanhte a akyu hpyi ga ni hpe htan ya na nngai.

ESAIA 66:2

Ngai hkum nan nga yawng danghta n-gawn tawa ting hpe hpan da ni ai! Ngai gaw shagrit shanem ai hte myit malai lu nna ngai hpe hkrit kamyin ai hte nye a ga madat mara ai ni hpe awng sharawng nga nngai.

YEREMIA 31:25

Ngai gaw hki ba hkrum ai ni hpe n-gun nnan awai ya nhtawm kawsi hpang gara hkrum nna n-gun kya nga ai masha shagu hte hpe lusha hte jahkru shakat ya na nngai.

SHARUNG SHAYAWT 4:4

Shanhte gaw shanhte a chyu chyu ai ma ni hpe kawsi kyet ai hte hpang gara ai hku si jahtum kau shangun ma ai; ma kaji ni lusha hpyi nga ma ti mung, shanhte hpe jaw sha na masha langai mi mung n nga nga ai.

EZEKELA 47:8

Shi gaw ngai hpe, “Ndai hka gaw hkarang hku nna sinpraw de lwi wa nhtawm Yawdan Kadit hte Jum Nawng de lwi shang mat wa nga ai. Hka dai Jum Nawng de lwi shang wa ai shaloi, panglai jum hka hpe hka kaja hte galai ya nga ai.

MAHTE 5:3

“Wenyi hta matsan mayan rai nga ai hpe dum chye ai masha ni gaw a lu ma ai, hpa majaw nga yang, sumsing lamu a mungdan gaw shanhte a mungdan rai nga malu ai!

MAHTE 5:6

“Karai Kasang a myit ra ai hte maren hkan sa galaw na matu ra sharawng dik ai myit ngu ai ding hpring ai hpe kawsi hpang gara ai ni gaw a lu ma ai; hpa majaw nga yang, Karai Kasang gaw shanhte hpe myit dik hkru kat hkra jaw na maru ai!

LUKA 16:24

Shaloi shi gaw, ‘Wa Abraham e, ngai hpe matsan dum la e law! Ngai gaw ndai wan grung ai hta nji nmu machyi hkrum nga nngai majaw, Lazaru gaw shi a lata ndung hte ntsin loi mi hta kapruk sa nna, nye a shinglet madit katsi ya lit ga, ngai hpang de shangun dat ru law,’ ngu nna hpyi jahtau wu ai.

2 KORINHTU 12:9

Rai ti mung Karai Kasang gaw, “Nye a chyeju gaw na a matu ram ging nga ai, hpa majaw nga yang, nang gawng kya ai shaloi nye a n-gun atsam gaw ja dik rai nga ai,” nga nna ngai hpe mahtai jaw ni ai. Dai re ai majaw Hkristu a n-gun atsam gaw ngai hpe makawp maga nna shingbyi shangun nga ai lam myit hta hkam sha lu n ga, nye a gawng kya ai lam a majaw ngai kabu gumrawng n ma rai nga nngai.

SHINGRAN 21:6

Dai hta kaga shi gaw, Amu ngut sai! Ngai gaw Alhpa hte Omega, npawt nhpang mung, hpang jahtum mung, rai nga nngai, Hpang gara ai wa kadai hpe mung, dai asak hka hpawk kaw na ntsin hpe manu jahpu n jaw ai sha lu lu na ahkang ngai jaw na we ai.

SHINGRAN 22:17

Dai Wenyi hte Num Ningnan gaw, “Sa rit!,” nga ma ai. Dai hpe na la ai wa kadai mung, “Sa rit!,” nga lu na rai nga ai. Hpang gara ai wa kadai mung sa ru ga; Asak ntsin hpe ra ai wa kadai mung, manu jahpu n hkrat ai kumhpa hku hkap la u ga.