ESAIA 41:13 - Jinghpaw Common Language Bible 2009

¹³ Ngai gaw dai Madu na a Karai Kasang rai nga nngai; Ngai gaw nang hpe n-gun jaw nna nang hpe, ‘Hkum hkrit et; ngai nang hpe karum na nngai,’ ngu nna tsun nngai.

Jinghpaw Hanson Version Bible

¹³ Kaning rai nme law, Na a Karai Kasang ngai Yehowa gaw, “Hkum hkrit et; ngai nang hpe karum na de ai, nga nna, na a hkra lata jum let, tsun na nngai.

ESAIA 41:13 ပူးပေါင်းရင်းမြစ်များ

SHAKAWN KUNGDAWN 109:31

Hpa majaw nga yang, shi gaw matsan mayan wa hpe makawp maga ya nna; shi hpe si na tara daw dan ya ai ni a lata kaw nna hkye hkrang la ai majaw rai nga ai.

SHAKAWN KUNGDAWN 118:7

Dai Madu ngai hpe karum ai wa rai nga ai majaw; nye a gumlau hpyen ni sum mat ai hpe ngai mu lu na ring ngai.

SHAKAWN KUNGDAWN 63:8

Ngai nang kaw hkan jum noi nga nngai; na a lata ngai hpe shim hkra makawp maga ya nga ai.

SHAKAWN KUNGDAWN 73:23

Rai ti mung, ngai nang hte rau ani sha nga nga nngai hte; nang ngai hpe lata hte jum da nga ndai.

PRU MAT 14:13

Mawshe chyawm gaw, “Hkum hkrit myit! Amu sha nga mu. Dai ni na nhtoi hta, nanhte hpe hkye hkrang la ai amu dai Madu galaw na ra ai hpe nanhte mu lu na marin dai; dai Egutu masha ni hpe galoi mung bai mu lu na manit dai n rai.

PRU MAT 20:20

Mawshe gaw, “Hkum hkrit myit; Karai Kasang gaw nanhte hpe chyam yu na matu du sa nu ai rai nna, shi a ga hpe tut nawng madat shangun mayu nga ai, shaloi nanhte yubak n galaw hkrup na rai myit dai,” ngu nna htan wu ai.

ESAIA 41:10

Hkum hkrit et-Ngai nang hte rau rai nga nngai! Ngai gaw na a Karai Kasang rai nga nngai-nang hpe hpa mung n jahkrit shama u ga! Ngai gaw nang hpe n-gun shaja ya ai hte karum la na nngai; Ngai gaw nang hpe makawp maga ai hte hkye la na nngai.

ESAIA 42:6

“Ginding aga ntsa e teng man rap ra ai tara amu galaw nga ai hpe mu lu na matu, dai Madu ngai nan nang hpe shaga la nna daru magam n-gun jaw ni ai. Ngai gaw amyu masha ni yawng hte nang hku nna sha ga shaka tawn da na nngai; ngai gaw masha amyu baw ni hpang de nang hku nna sha nhtoi shapraw dan na we ai.

ESAIA 43:6

Shanhte hpe wa shangun na matu dingdung maga de ngai tsun na nngai; shanhte hpe n shingdang lu na matu dingda maga de tsun na nngai. Nye a amyu masha ni tsan ai mung ni kaw na nhtang wa mu ga, mungkan jut shara shagu kaw na nhtang wa mu ga.

ESAIA 45:1

Dai Madu gaw Kuru hpe hkawhkam tai na matu lata la nu ai. Shi gaw masha amyu baw ni hpe up na matu shi hpe lit jaw nu ai; Hkawhkam ni a daru magam n-gun raw sharun ya na matu shi hpe shangun dat nga ai; dai Madu gaw shi a matu mare ni a chyinghka ni hpe hpaw malang da ya na ra ai. Dai Madu gaw Kuru hpe,

ESAIA 51:18

Nang hpe lam woi na masha kadai n nga ai, lata hte nang hpe woi dun wa na, na a amyu masha langai mung n nga nga ai.

YEREMIA 30:10

Nye a amyu masha ni e, hkum hkrit nga myit; Israela amyu masha ni e, hkum hkrit gari nga myit. Ngai gaw nanhte hpe sumtsan mung hte nanhte bawng dung hkrum ai mungdan kaw nna hkye mawai la na nngai. Nanhte gaw dum nta de bai nhtang wa nna, ngwi pyaw sim sa ai hte nga lu na rai myit dai; nanhte gaw shim lum nga lu nna, kadai mung nanhte hpe jahkrit shama lu na mara ai n rai.

YEREMIA 46:27

“Nye a amyu masha ni e, hkum hkrit nga myit, Israela amyu masha ni e, hkum hkrit kajawng nga myit. Ngai gaw nanhte hpe sumtsan mung kaw nna mung, nanhte bawng dung nga ai mungdan kaw nna mung, hkye hkrang la na nngai. Nanhte gaw dum nta buga de bai nhtang wa nhtawm, ngwi pyaw sim sa ai hte nga lu na marin dai; nanhte gaw shim lum nga lu ai hte kadai mung nanhte hpe jahkrit lu na n rai.

HAGI 2:5

Nanhte Egutu mung na pru wa myit dai shaloi, ngai gaw nanhte hte galoi mung rau anga nga na nngai ngu ga sadi tawn da ni ai. Ngai gaw nanhte hte rau naw anga nga ai rai nna hkum hkrit nga myit.

2 TIMOHTI 4:17

Rai ti mung Madu gaw ngai hte rau nga nna ngai hpe n-gun lagaw shaja ya nga ai majaw ngai gaw maigan amyu masha ni yawng na lu hkra dai Kabu Gara Shiga hpe hkum hkum tsup tsup hkaw dan lu u ga, sat kau na daw dan hkrum ai kaw na mawai la ai hkrum ni ai.