ESAIA 41:11 - Jinghpaw Common Language Bible 2009

¹¹ “Nang hpe pawt sindawng ai ni gaw hkrat sum ai a kaya kahpa lam hpe chye wa na mara ai. Nang hpe gasat ai ni si mat na mara ai

Jinghpaw Hanson Version Bible

¹¹ Yu u, nang hpe pawt sindawng ai ni yawng, kaya kahpa hte myi man sum na mara ai; nang hpe hpyen ai ni, lam n la ai htum mat na mara ai.

ESAIA 41:11 ပူးပေါင်းရင်းမြစ်များ

PRU MAT 11:8

Mawshe gaw, “Na a du salang ni yawng ngai kaw du sa nna, nye a man e dingnyawm let, nye a amyu masha ni hpe woi wa nna pru wa manu, ngu nna ngai hpe shanhte lajin wa na mara ai. Dai hpang ngai pru mat wa na nngai,” ngu nna tsun ningdim da wu ai. Mawshe mung masin grai pawt ai hte hkawhkam wa a man kaw na pru mat wa wu ai.

PRU MAT 12:29

Dai Madu gaw shana yup tung e nan Egutu mung na shadang sha alat ni yawng ngu na, hkawhkam tingnyang dung na hkawhkam wa a shadang sha alat kaw nna ga htawng hta bawng dung hkrum ai wa a shadang sha alat kaw du hkra hpe mung, yam nga ni a kasha alat ni hpe mung, sat kau wu ai.

PRU MAT 23:22

Rai ti mung, shi a ga madat mara nna, ngai hkang da ai lam shagu hpe hkan galaw nga yang chyawm gaw na a gumlau hpyen ni yawng hpe ngai gasat kau ya na nngai.

ESAIA 17:13

Masha amyu baw ni gaw hka leng ni rawt hta wa ai zawn rawt lung wa ma ai, rai ti mung Karai Kasang gaw shanhte hpe daru ai shaloi shanhte gaw bum nhkrem hkan kap ai ga nhpu zawn, bung hpoi hta lawm nang ai yihku zawn htingnut mat wa nna gau kau hkrum nga ma ai.

ESAIA 29:5

Yerusalem e, nang hpe gasat ai maigan masha ni yawng ga nhpu zawn gawut shapoi kau ai hkrum na mara ai, hkrit kajawng na zawn re ai shanhte a hpyen luksuk ni gaw yihku zawn poi mat wa na mara ai. Akajawng sha hte n myit mada ai aten hta

ESAIA 29:7

dai hpang masha amyu baw ni a hpyen luksuk ni gaw Karai Kasang a tawn hkungri a mare hpe gasat nga na mara ai, shanhte a hpyen laknak arung arai yawng hte hpyen hking arai magup hte gaw yup mang zawn hkoi mat na mara ai, dai gaw shana e myit mang ai arai lama mi zawn tai na ra ai.

ESAIA 29:8

Yerusalem hpe htim gasat na matu hpawng nga ai masha amyu baw ni yawng gaw kawsi kyet ai masha wa yup mang e shat lu sha nga ti mung, hprang wa yang kawsi ai wa hte ntsin hpang gara ai wa yup mang e ntsin lu lu ti mung hkun hkraw ai mayu hte bai hprang wa ai wa zawn tai mat na ra ai.

ESAIA 34:12

Dai mung hpe up na hkawhkam nga na n rai, ningbaw ni yawng hkoi mat na mara ai.

ESAIA 40:17

Masha amyu baw ni gaw shi a matu kaman be be rai ma ai.

ESAIA 40:2

Yerusalem amyu masha ni hpe n-gun jaw mu. Shanhte aten galu mi hkrum sha lai wa sai nni nkri hte ya raw dat hkrum sai shanhte a yubak mara ni a lam shanhte hpe tsun dan mu. Ngai gaw shanhte hpe shanhte galaw ai yubak mara yawng a matu hpring tup hkra ari jaw ni ai,” ngu nna tsun ai.

ESAIA 41:24

Nang hte nanhte yawng galaw ai amu gaw kaman lila rai nga ai; nang hpe nawku ai ni mung matsat shabat rai nga a hka!

ESAIA 41:29

Ndai karai ni yawng kaman lila ni rai nga ma ai; shanhte gaw kaja wa hpa n lu galaw ma ai- ndai hpara sumla ni gaw n-gun kya ai hte daru magam n-gun n rawng nga ma ai.”

ESAIA 45:24

“Shanhte gaw ngai hku nna sha awng padang hte n-gun atsam mu la nga ai; rai ti mung ngai hpe n dawng ai ni yawng gaw kaya kahpa hkrum na mara ai, nga nna tsun na mara ai.

ESAIA 49:25

Dai Madu gaw, “Dai gaw ning rai byin wa na lam rai nga ai. Hpyenla wa a bawng masha ni gaw lawt wa lu na mara ai, gumshem ai wa a lanep gaw rim la hkrum na ra ai. Ngai hpe gasat ai wa kadai hpe mung ngai gasat na nngai, ngai gaw na a ma kaji ni hpe hkye mawai la na nngai.

ESAIA 49:26

Ngai gaw nang hpe dip gamyet sha ai ni hpe shada da sat hkat shangun na nngai; shanhte gaw lu nang nna masha sat ai hte n-yun bu na mara ai. Dai hpang amyu masha ni yawng gaw ngai nan dai Madu rai nga nngai hpe mung, nang hpe hkye la ai hte nang hpe shalawt dat ai wa rai nga nngai hpe chye wa na mara ai. Shanhte gaw ngai nan Israela a daru magam n-gun hte hpring ai Karai Kasang rai nga nngai hpe chye wa na mara ai.”

ESAIA 54:15

Nye a myit hkrum ai lam n lawm ai sha nang hpe htim nna, gasat ai wa kadai mung hkrat sum mat na ra ai.

ESAIA 54:17

Rai ti mung hpyen laknak hpa mung nang hpe machyi shangun lu na n rai; nang gaw nang hpe mara shagun ai ni yawng a matu mahtai lu na ra ai. Ngai gaw nye a shangun ma ni hpe makawp maga nna shanhte hpe awng padang jaw na nngai.” Dai Madu tsun nu ai.

YEREMIA 12:17

Rai ti mung, kaning re ai masha amyu baw mi rai rai, ga shaga n madat ai rai yang, ngai gaw dai amyu baw hpe tsep kawp baw kau ai hte shamyit kau na nngai. Dai Madu ngai nan tsun ni ai,” nga nna tsun ai.

YEREMIA 2:3

Israela e, nang hpe chyu sha ngai madu nngai; nang gaw nye a matu chyoi pra nga ndai. Ngai gaw nang hpe machyi shangun ai masha shagu a ntsa e nni nkri hte tsin-yam tsindam dat dat nngai. Dai Madu ngai nan tsun ni ai,” ngu nna tsun ai.

Daniela 4:35

Shi gaw mungkan masha ni hpe hpa mi n re ai zawn yu nga ai; sumsing lamu na lamu kasa ni hte mungkan ga na masha ni gaw shi up hkang ai n pu hta taw nga ai. Kadai mung shi a sharawng awng ai hpe ninghkap lu ai n rai; shi galaw ai amu hpe kadai mung ga san n shapraw lu nga ai.

ZEHKARIA 12:3

Rai ti mung, dai aten du jang, ngai gaw Yerusalem hpe li ai nlung langai zawn shatai na nngai. dai hpe hpai ka-aw shakut mayu ai masha amyu baw kadai mung machyi hkrum na rai nga ai. Ndai mungkan na masha amyu baw ni yawng n-gun galung nna shi hpe gasat na mara ai.

KASA 16:39

Dai re ai majaw, shanhte hkum nan shan kaw sa nhtawm sa nem shapraw la nna dai mare na pru wa na lam hpyi nem mu ai.

SHINGRAN 3:9

Yu u! Tinang dai Yuda masha rai ga ai nga ti mung Yuda n teng ai sha, Satan a hpung hta lawm ai dai masu ai ni hpe na a lagaw nhpang e ngai shanhte hpe sa naw dingnyawm shangun na mawe ai rai nna, ngai nang hpe tsaw ra nga ai gaw, shanhte chye lu na mara ai.