ESAIA 41:10 - Jinghpaw Common Language Bible 2009

¹⁰ Hkum hkrit et-Ngai nang hte rau rai nga nngai! Ngai gaw na a Karai Kasang rai nga nngai-nang hpe hpa mung n jahkrit shama u ga! Ngai gaw nang hpe n-gun shaja ya ai hte karum la na nngai; Ngai gaw nang hpe makawp maga ai hte hkye la na nngai.

Jinghpaw Hanson Version Bible

¹⁰ hkum hkrit et, ngai nang hte rau rai nga nngai; hkum tsang et, ngai na a Karai Kasang rai nga nngai; ngai nang hpe n-gun shaja nna karum na de ai; gaja wa, nye dinghpring ai hkra lata hte, ngai nang hpe shadaw na de ai.

ESAIA 41:10 ပူးပေါင်းရင်းမြစ်များ

NINGPAWT NINGHPANG 15:1

Dai hpang Abram gaw shingran langai mu ai hte dai Madu gaw shi hpe, “Abram e, hkum hkrit et, hkrit hpa shara kaw na nang hpe ngai makawp la nna nang hpe kumhpa kaba jaw na we ai,” ngu nna tsun ai ga hpe na wu ai.

NINGPAWT NINGHPANG 26:24

Dai shana jang, dai Madu gaw shi kaw dan pru nna, “Ngai gaw na a kawa Abraham a Karai Kasang rai nga nngai; hkum hkrit et, ngai nang hte rau rai nga nngai. Nye a shangun ma Abraham hpe jaw ai ga sadi hte maren, ngai nang hpe shaman ya nhtawm amyu matu law law mung nang hpe jaw na we ai,” ngu nna tsun wu ai.

NINGPAWT NINGHPANG 31:5

Shi gaw shan hpe, “Nan a nwa gaw ngai hpe shawoi na zawn hku lahkun n rai nga ai hpe ngai mu mada ni ai; rai ti mung, nye wa a Karai Kasang chyawm gaw ngai hte rau nga nga li ai.

NINGPAWT NINGHPANG 49:24

Rai ti mung Chyahtum Chyalai N-gun rawng ai Yaku a Karai Kasang a daru magam n-gun hte, Sagu rem wa ngu ai Israela hpe makawp maga ai wa a majaw mung, Shi a ndan dingyang kaja nna, Shi a lahpum ni mung n-gun hte hpring nga ai.

2 SAMUELA 22:19

Ngai ru yak hkrum sha ai shaloi, shanhte ngai hpe gasat ma ai; rai ti mung dai Madu ngai hpe hkye hkrang la nga ai.

1 HKAWHKAM LABAU 12:18

Karai Kasang a wenyi gaw shanhte hta na langai mi rai nga ai Amasai hpe hkang shading nna “Marai sumshi” up hkang ai wa tai wa nga ai. Shi gaw, “Yese a kasha Dawi e, anhte gaw Na a maga de na ni rai nga ga ai! Nang hpe karum ai ni na a majaw awng dang ai lam lu la mu ga. Karai Kasang gaw na a maga de nga nga ai,” ngu nna tsun shapraw wu ai. Dawi gaw shanhte hpe hkalum la nhtawm shi a hpyen luksuk hta shanhte hpe du shatai da nga ai.

2 HKAWHKAM LABAU 20:17

Nanhte gaw ndai majan hpe n gasat ra na myit dai; shara sha la nna ala nga mu; dai Madu gaw nanhte hpe awng padang jaw ai hpe mu lu na marin dai. Yuda mung hte Yerusalem mare e nga ai amyu masha ni e, hkum hkrit, hkum kanung nga myit, majan pa de pru sa wa mu; dai Madu gaw nanhte hte rau rai na ra ai,” ngu nna tsun wu ai.

2 HKAWHKAM LABAU 32:8

Shi gaw masha a daru magam n-gun lu wu ai; rai ti mung anhte chyawm gaw anhte hpe karum la nna anhte a majan ni hpe gasat ya na dai Madu anhte a Karai Kasang hpe lu ga ai,” ngu nna tsun wu ai. Shaloi amyu masha ni gaw shanhte a hkawhkam wa tsun ai ga ni a majaw myit n-gun lu la shajang nga ma ai.

SHAKAWN KUNGDAWN 144:11

Gumshem ai nye a gumlau hpyen ni a lata kaw nna ngai hpe hkye hkrang la e; tsasam masha ni a n-gun atsam kata kaw nna mung ngai hpe hkye hkrang la e; shanhte gaw teng man ai ga hpe galoi mung n tsun nga ma ai hte dagam ga hte ga shaka la tim pyi shanhte masu ai ga ni hpe naw tsun nga ma ai.

SHAKAWN KUNGDAWN 144:8

Shanhte gaw teng man ai ga hpe, galoi mung n tsun nga ma ai; teng man ai ga tsun na matu, dagam ga hte ga shaka tawn sai rai ti mung, shanhte naw masu nga ma ai.

SHAKAWN KUNGDAWN 145:14

Shi gaw ru tsang hkrum nga ai ni hpe karum ya nna; kataw ai ni hpe sharawt la nga ai.

SHAKAWN KUNGDAWN 147:12

Yerusalem e, dai Madu hpe shakawn u! Ziun e, na a Karai Kasang hpe kungdawn u!

SHAKAWN KUNGDAWN 18:36

Rim hkrum hkyen ai kaw na, nang ngai hpe bau sin la ni ai, ngai galoi mung n kadawng yu nngai.

SHAKAWN KUNGDAWN 27:1

Madu gaw nye a nhtoi hte hkye hkrang la ai wa rai nga ai; kadai hpe mung ngai n hkrit na nngai. Dai Madu gaw hkrithpa shara yawng kaw na ngai hpe makawp maga la nga ai rai nna; ngai galoi mung hkrit na nngai n rai.

SHAKAWN KUNGDAWN 29:11

Dai Madu gaw shi a amyu masha ni hpe n-gun atsam jaw ya ai rai nna ngwi pyaw sim sa ai chyeju hte shanhte hpe shaman ya nga ai.

SHAKAWN KUNGDAWN 33:12

Dai Madu hpe shanhte a Karai Kasang shatai ai amyu baw gaw a nga ai; shi e lata la hkrum ai amyu masha ni gaw a lu nga ai!

SHAKAWN KUNGDAWN 37:17

hpa majaw nga yang, Madu gaw tara n lang ai wa a n-gun hpe shadaw kau ya na ra ai; rai ti mung, mai kaja ai ni hpe chyawm gaw shi makawp maga la na ra ai.

SHAKAWN KUNGDAWN 37:24

Shanhte kataw ai lama rai yang, shanhte kataw nan nga na mara ai n rai; kaning rai nme law, Madu gaw shanhte hpe sharawt la na ra ai.

SHAKAWN KUNGDAWN 41:12

Teng man ai amu hpe ngai galaw nga nngai majaw nang ngai hpe karum la na rin dai; nang gaw ngai hpe na a man e, htani htana bau sin na rin dai.

SHAKAWN KUNGDAWN 46:11

Chyahtum Chyalai n-gun rawng ai dai Madu gaw anhte hte rau nga nga ai; Yaku a Karai Kasang gaw anhte a shingbyi shara rai nga ai law.

SHAKAWN KUNGDAWN 46:7

Dai Chyahtum Chyalai N-gun rawng ai Madu gaw anhte hte rau rai nga ai; Yaku a Karai Kasang gaw anhte a shingbyi shara rai nga ai.

SHAKAWN KUNGDAWN 63:8

Ngai nang kaw hkan jum noi nga nngai; na a lata ngai hpe shim hkra makawp maga ya nga ai.

SHAKAWN KUNGDAWN 65:5

Nang anhte hpe awng padang jaw ya ai hku, anhte hpe htan ya nga ndai, anhte hpe hkye hkrang la na matu, mauhpa magam amu ni hpe nang galaw nga ndai. Mungkan ga ting hte panglai ni din ai shara shagu na amyu masha ni gaw nang hpe kam hpa nga ma ai.

SHAKAWN KUNGDAWN 99:4

Chyahtum Chyalai n-gun rawng ai Hkawhkam wa e, nang gaw teng man ai lam hpe tsaw ra nga ndai; Israela mungdan hta, teng man ai tara hpe nang tawn da ya nit dai, ding man ai lam hte rap ra ai tara ni hpe mung nang jashawn da ya nit dai.

PRU MAT 14:13

Mawshe chyawm gaw, “Hkum hkrit myit! Amu sha nga mu. Dai ni na nhtoi hta, nanhte hpe hkye hkrang la ai amu dai Madu galaw na ra ai hpe nanhte mu lu na marin dai; dai Egutu masha ni hpe galoi mung bai mu lu na manit dai n rai.

PRU MAT 20:20

Mawshe gaw, “Hkum hkrit myit; Karai Kasang gaw nanhte hpe chyam yu na matu du sa nu ai rai nna, shi a ga hpe tut nawng madat shangun mayu nga ai, shaloi nanhte yubak n galaw hkrup na rai myit dai,” ngu nna htan wu ai.

ESAIA 12:2

Karai Kasang gaw ngai hpe hkye hkrang la ai wa rai nga ai; Ngai shi hpe kam hpa nga na nngai, hkrit kajawng na n rai. Dai Madu gaw ngai hpe daru magam n-gun hte n-gun lagaw jaw ya nga ai; shi gaw nye a hkye la Madu rai nga ai.

ESAIA 35:4

Myit daw nga ai masha shagu hte hpe, “N-gun shaja u, hkum hkrit et! Karai Kasang gaw nang hpe hkye mawai la na du sa nga ai, na a gumlau hpyen ni hpe ari jaw na matu du sa nga ai,” ngu nna tsun mu.

ESAIA 37:6

shi gaw ning ngu nna bai htan let htang dat wu ai: “Shi gaw nang hpe n hkye la lu ai ngu nna shanhte ma ga hku htawn tsun let Asuri masha ni nang hpe n jahkrit kajawng shangun u ga, dai Madu gaw nang hpe tsun nga ai.

ESAIA 43:5

Hkum hkrit nga et-ngai nang hte rau nga nga nngai! “Tsan ai sinpraw maga hte tsan gang nga ai sinna maga de na, na a amyu masha ni hpe dum nta de ngai woi wa na nngai.

ESAIA 44:2

Ngai gaw nang hpe hpan da ai dai Madu rai nga nngai; nang shangai wa ai aten kaw nna, ngai nang hpe karum ni ai. Hkum hkrit et; nang gaw nye a shangun ma rai nga ndai, ngai tsaw ra ai hte lata la hkrum ai nye a amyu masha ni rai nga myit dai.

ESAIA 49:8

Dai Madu gaw shi a amyu masha ni hpe, “Nang hpe hkye la na matu aten du ai shaloi, ngai nang hpe myi man madun nna, karum la na matu hpyi jahtau ai ga ni hpe htan ya na nngai. Amyu masha ni yawng hte nang ga shaka tawn da ai hku nna sha, ngai nang hpe bau sin ai hte makawp maga na nngai. Ya aten katsi katsang gram mat sai na a mungdan hta ngai nang hpe kalang mi bai shanu nga shangun na nngai.

ESAIA 50:9

Tsaw Htum ai dai Madu gaw shi nan ngai hpe makawp maga ya nga ai- Kadai wa ngai hpe mara lu ai ngu sakse hkam lu nga a ta? Ngai hpe mara tam ai ni yawng hkoi mat na mara ai; shanhte gaw manut e sha kau hkrum ai sumpan zawn tsam mat na mara ai.

ESAIA 52:7

Bum lang ni hpe lai di nna kabu gara shiga, ngwi pyaw sim sa lam a shiga la sa ya ai wa hpe mu lu ai gaw kade sha mauhpa rai nga a hka! Shi gaw awng padang hpe ndau shabra nna Ziun hpe, “Na a Karai Kasang gaw hkawhkam rai nga ai!,” ngu nna tsun ai.

ESAIA 60:19

“Ajan gaw na a matu shani na nhtoi tai sana n rai, Shata gaw na a matu shana na nhtoi tai sana n rai; Dai Madu ngai gaw na a matu htani htana nhtoi tai nga na nngai; Nye a hpung shingkang a nhtoi gaw na a ntsa e htoi tu nga na ra ai.

SHARUNG SHAYAWT 3:57

Nang gaw ngai hpe hpa hkrit tsang shara n nga ra ai nga nna htan ni ai hte tsun nit dai.

Daniela 10:12

Dai hpang shi gaw, “Daniela e, hkum hkrit et. Karai Kasang gaw chye na hkawn hkrang ai lam hkam la na hte nang hkum nan shagrit shanem na matu nang daw dan ai shawng shani kaw nna pyi na a akyu hpyi ga hpe na ya nit dai; Na a akyu hpyi ga hpe htan ya na, ngai du sa nngai.

Daniela 6:16

Dai re ai majaw hkawhkam wa mung Daniela hpe rim la na matu ahkang jaw dat wu ai; shi gaw hkanghkyi ni hte hpring nga ai nhkun de kabai bang ai hkrum nga nu ai. Shi gaw Daniela hpe, “Nang grai sadi dung let daw jau nga ai na a Karai Kasang gaw nang hpe hkye mawai la u ga law,” ngu nna tsun wu ai.

HOSEA 1:9

Dai Madu gaw Hosea hpe, “Shi hpe, ‘Nye a amyu n rai,’ ngu nna shamying u; hpa majaw nga yang, Israela amyu masha ni gaw nye a amyu masha ni n rai; ngai mung shanhte a Karai Kasang n rai nngai,” ngu nna tsun wu ai.

HAGI 1:13

Dai hpang, Hagi gaw dai Madu a mungga hpe amyu masha ni a man e ning ngu hkang dat wu ai: “Ngai gaw nanhte hte rau nga nga na nngai; dai gaw nye a ga sadi rai nga li ai.”

HAGI 2:5

Nanhte Egutu mung na pru wa myit dai shaloi, ngai gaw nanhte hte galoi mung rau anga nga na nngai ngu ga sadi tawn da ni ai. Ngai gaw nanhte hte rau naw anga nga ai rai nna hkum hkrit nga myit.

ZEHKARIA 10:12

Ngai gaw nye a amyu masha ni hpe n-gun ja shangun na nngai; shanhte gaw ngai hpe nawku ai hte nye a ga madat mara na mara ai,” ngu nna tsun wu ai. Dai Madu tsun nu ai.

ZEHKARIA 10:6

“Ngai gaw Yuda amyu masha ni hpe n-gun ja shangun na nngai; Ngai gaw Israela amyu masha ni hpe hkye mawai la na nngai. Ngai gaw shanhte hpe yu matsan dum ai hte shanhte yawng hpe dum nta de woi wa na nngai. Shanhte gaw ngai shanhte hpe galoi mung n ningdang kau yu ai ni zawn tai na mara ai. Ngai gaw dai Madu shanhte a Karai Kasang rai nga nngai; shanhte a akyu hpyi ga ni hpe ngai htan ya na nngai.

ZEHKARIA 13:9

Ngai gaw dai naw hkrung nga ai htam mi hpe wan hte jasan jaseng la ai gumhpraw zawn shanhte hpe jasan jaseng nna chyam yu na nngai; ngai gaw aja hpe chyam yu ai zawn shanhte hpe chyam yu na nngai. Dai shaloi shanhte ngai kaw hpyi wa nna, ngai mung shanhte hpe htan ya na nngai. Shanhte gaw nye a amyu masha ni rai nga ma ai lam ngai shanhte hpe tsun dan na nngai, ngai gaw shanhte a Karai Kasang rai nga nngai hpe shanhte yin la na mara ai,” ngu nna tsun ai.

LUKA 1:13

Rai ti mung, dai lamu kasa tsun ai gaw, “Zahkaria e, hkum hkrit et; Karai Kasang gaw na a akyu hpyi ai ga hpe madat ya nit dai rai nna, na madu jan Elisabet gaw shadang sha langai mi shangai na ra ai, nang shi hpe Yawhan ngu nna shamying ya na rai ndai.

LUKA 1:30

Shaloi dai lamu kasa gaw, “Mari e, hkum hkrit et, nang Karai Kasang a man e myi man pa nit dai.

ROMA 8:31

Dai rai yang gaw, ndai hte hpe yu nna anhte hpa naw tsun lu na ga ta? Karai Kasang gaw anhte a maga de nga nga a yang gaw, anhte hpe hpyen ai maga de kadai wa mi nga lu na ta?

2 KORINHTU 12:9

Rai ti mung Karai Kasang gaw, “Nye a chyeju gaw na a matu ram ging nga ai, hpa majaw nga yang, nang gawng kya ai shaloi nye a n-gun atsam gaw ja dik rai nga ai,” nga nna ngai hpe mahtai jaw ni ai. Dai re ai majaw Hkristu a n-gun atsam gaw ngai hpe makawp maga nna shingbyi shangun nga ai lam myit hta hkam sha lu n ga, nye a gawng kya ai lam a majaw ngai kabu gumrawng n ma rai nga nngai.

EHPESU 3:16

Nanhte a kata na hkum ngu ai myit masin n- gun lapyin ja wa u ga, Karai Kasang gaw shi a hpung shingkang hte n taw n tsang re ai sut gan kaw na Wenyi a marang e nanhte hpe n- gun atsam jaw ya u ga, ngu nna mung,

TARA JAHPRANG 20:1

“Gumlau hpyen ni hpe nanhte htim gasat sa wa ai shaloi, gumra hte hpyen leng ni hpe mung, nanhte hta grau law ai hpyen luksuk ni hpe nanhte mu myit dai shaloi, shanhte hpe hkum yu hkrit myit. Nanhte hpe Egutu mung kaw na shaw woi wa ai dai Madu nanhte a Karai Kasang gaw nanhte hte rau rai nga na ra ai.

HPILIPI 4:13

Ngai hpe n-gun shaja ya ai Hkristu a majaw yawng mayawng hpe ngai galaw lu nngai.

YAWSHU 1:9

Ngai nang hpe hkang da sade ai hte maren, myit jahkut daw dan nna kam hpa nga na hpe adum nga u! Hkum hkrit et; myit hkum daw hkum hten et. Dai Madu na a Karai Kasang ngai gaw nang hkawm sa ai shara shagu hta nang hte rau rai nga nngai,” ngu nna tsun wu ai.

TARA AGYI 6:16

Dai Madu mung, “Ngai nang hpe karum la na rai nga nngai majaw nang gaw dai amu hpe galaw lu na rai ndai. Nang gaw shanhte hpe marai mi hpe zawn loi loi hte dai Midian masha ni hpe agrawp kau lu na rai ndai,” ngu nna htan wu ai.