ESAIA 40:9 - Jinghpaw Common Language Bible 2009

⁹ Yerusalem e, tsaw ai bum ntsa de lung nna kabu gara shiga htawn tsun u! Ziun e, ja ai nsen hte shaga nna, kabu gara shiga ndau shabra u! Dai hpe jahtau tsun u, hkum hkrit nga et. Shanhte a Karai Kasang du sa wa nga ai ngu, Yuda mare ni hpe tsun mu!

Jinghpaw Hanson Version Bible

⁹ Ziun bum de kabu gara shiga htawn tsun ai wa e, tsaw ai bum de lung u; Yerusalem mare de kabu gara shiga htawn tsun ai wa e, na a nsen hpe tsam mari sharawt u; dai hpe sharawt u, hkum hkrit et; “Nanhte a Karai Kasang hpe mada yu mu,” ngu nna Yuda mare ni hpe tsun u.

ESAIA 40:9 ပူးပေါင်းရင်းမြစ်များ

2 HKAWHKAM LABAU 13:4

Hpyen luksuk ni gaw Ehprim bum ga hta hkrum hkat ma ai. Hkawhkam Abiya mahtang Zemarim Bum de lung wa nhtawm Yeroboam hte Israela masha ni hpe ning ngu nna jahtau tsun wu ai. Shi gaw, “Nye a ga madat mu law!,” ngu nna tsun wu ai.

ESAIA 1:1

Ndai laika hta Yuda hkawhkam ni rai nga ai Uzia, Yohtam, Ahaza hte Hezekia ni hkaw dung nga ma yang, Yuda mungdan hte Yerusalem a lam hte seng nna, Amot a kasha Esaia kaw du ai Karai Kasang a mungga ni rai nga ai.

ESAIA 12:2

Karai Kasang gaw ngai hpe hkye hkrang la ai wa rai nga ai; Ngai shi hpe kam hpa nga na nngai, hkrit kajawng na n rai. Dai Madu gaw ngai hpe daru magam n-gun hte n-gun lagaw jaw ya nga ai; shi gaw nye a hkye la Madu rai nga ai.

ESAIA 25:9

Dai lam byin wa ai shaloi, masha hkum shagu gaw, “Shi gaw anhte a Karai Kasang rai nga a hka! Anhte shi hpe kam hpa saga ai, shi gaw anhte hpe hkye mawai la nu ai. Shi gaw dai Madu rai nga ai! Anhte shi hpe kam hpa saga ai, ya chyawm gaw shi anhte hpe hkye la mi ai majaw, anhte kabu gara ai hte awng sharawng nga ga ai,” ngu nna tsun na mara ai.

ESAIA 35:2

Nam mali gaw mahkawn mangoi ai hte kabu gara jahtau na ra ai; dai gaw Lebanon Bum ni zawn tsawm htap na ra ai. Hkarmela hte Sharon yi hkauna ni zawn ga sau rawng na ra ai. Masha shagu hte gaw dai Madu a hpung shingkang hpe mu lu na mara ai, shi a galu kaba ai hte daru magam n-gun hpe mu lu na mara ai.

ESAIA 41:27

Dai Madu ngai gaw Ziun a shiga hpe shawng tsun dan ai wa rai ni ai; Ngai gaw Yerusalem hpe ning ngu tsun na matu kasa dat ni ai: ‘Na amyu masha ni gaw du wa na mara ai! Shanhte gaw dum nta de du wa mara ai!’

ESAIA 44:26

Rai ti mung, nye a shangun ma wa myihtoi ga tsun ai mung, nye a yaw shada lam ni shadan dan na matu kasa langai shangun dat ai shaloi mung, ngai gaw ndai yaw shada lam ni hte myihtoi ga ni hpe teng sha byin shangun nngai. Amyu masha ni Yerusalem hta bai shanu nga na lam mung, shanhte gaw Yuda mung na mare ni hpe bai de da na lam ni hpe mung ngai tsun nngai. Ndai mare ni hten run mat sai kaw na rawt wa na mara ai.

ESAIA 51:12

Dai Madu gaw, “Ngai gaw nang hpe n-gun shaja ya ai wa rai nga nngai. Nang gaw hpa majaw tsingdu hta grau nna pyi n grin lu ai si chye ai masha wa hpe hkrit nga n ta?

ESAIA 51:7

“Teng man ai amu hpe chye nna nye a sharin achyin ga hpe na a myit masin ni hta kyem da ai wa e, nye a ga madat u. Amyu masha ni nang hpe ashu nna n kaw n law di yang, hkum hkrit et;

ESAIA 52:6

Aten du ai shaloi, ngai gaw nanhte hpe ga shaga ai Karai Kasang rai nga nngai hpe nanhte yin la na rai myit dai,” ngu nna tsun ai.

ESAIA 58:4

Nanhte a lusha gam ai gaw kabring kabrawng du daw sai hkaw shabyin nna, nanhte gaw ga law ga la hte gasat gala nga myit dai. Dai zawn re ai lusha gam ai lam gaw nanhte a akyu hpyi ga ni hpe madat shangun na matu rai nga ai ngu, nanhte myit nawn da myit ni?

ESAIA 61:1

Tsaw Htum ai dai Madu gaw ngai hpe shi a Wenyi hte jahpring ya ni ai. Matsan mayan ni hpang de kabu gara shiga gun sa na matu mung, Myit daw mat sai ni hpe shamai shatsai ya na matu mung, Bawng dung ai ni hpe raw dat na matu mung, Htawng hta shareng da hkrum ai ni hpe shalawt dat na matu mung, Shi ngai hpe lata la nna shangun dat nu ai.

YEREMIA 22:20

Yerusalem mare masha ni e, Lebanon mung de sa nna marawn mu, Bashan mung de sa nna hkrap shabam mu; Na a hpyen jinghku mungdan ni yawng sum mat masai majaw, Moba bum ni kaw nna jahtau shaga mu.

YEREMIA 29:11

Nanhte a matu ngai hta rawng ai yaw shada lam ni hpe ngai chyu sha chye nngai, dai yaw shada lam gaw tsin-yam tsindam n rai, ngamu ngamai shangun na lam rai nga ai; nanhte myit mada nga ai du na ra ai aten hte seng ai yaw shada lam ni rai nga ai.

NAHUM 1:15

Yu mu, shiga gun ai wa langai mi gaw kabu gara shiga hte bum lang ntsa hku nna du sa wa ra ai! Shi gaw awng padang ninglaw ndau shabra na matu du sa wa nga ai. Yuda amyu masha ni e, nanhte a masat dingsat poi galaw mu; Karai Kasang hpe dagam ga shaka rap raw mu. Tara n lang ai ni gaw nanhte a mungdan hpe galoi mung shang gasat lu na mara ai n rai. Shanhte gaw tsep kawp jahten shaza kau hkrum nga masai!

LUKA 24:47

Shi a mying nsang hte, yubak mara dat ya kau na lam hte myit malai lu na lam shiga hpe Yerusalem kaw nna masha amyu baw shagu hpe hkaw tsun lu na, nga nna ka da nga ai.

KASA 2:14

Dai hpang Petru gaw kaga sape ni shi langai hte rau rawt tsap nna nsen shaja let dai masha ni hpe tsun mu ai gaw, “Yuda mung na ni hte Yerusalem mare e nga nga ai ni nlang hte e, ndai lam nanhte chye na myit ga, nye a ga hpe mung madat la mu!

KASA 4:13

Kongsi hta lawm ai salang ni gaw hpaji n chye ai yu maya masha yan rai nga ai Petru yan Yawhan gade daram nden ja ai myit rawng ai hpe mu ma ai majaw mau mahka mat ma ai. Rai ti mung shawng de Yesu a manaw manang ni tai lai wa sai hpe shanhte dum chye ma ai.

KASA 4:29

Madu e ya yang shanhte a jahkrit shama ahkrim ai lam ni hpe mu mada ya mi, Madu a shangun ma ni hpe nden ja ai myit hte tsun dan lu hkra karum ya mi law.

ROMA 10:18

Rai ti mung, masha ni gaw dai mungga hpe nna lu ai gaw teng a ni? ngu n na ngai san mayu nngai. “Kaja wa shanhte na lu ma ai, hpa majaw nga yang dai Chyum Laika hta mungga hkaw tsun ai ni a nsen gaw mungkan ga ting chyam bra wa nna, shanhte a ga ni lamu ga jut shagu de du mat wa sai,” nga nna tsun ai hte maren rai nga ai.

EHPESU 6:19

Ngai tsun na matu jin ai ten hta Karai Kasang ngai hpe mung sumtu jaw u ga, hte dai Kabu Gara Shiga a sung htum ai lachyum hpe n hkrit n kang nden marai hte tsun dan lu hkra nye a matu mung akyu hpyi nga mu.

1 TIMOHTI 3:16

Anhte a nawku htung makam masham a sung htum ai lam gaw gade kaba la nga ai hpe kadai mung ningdang shara n nga ai gaw lawu de na hte maren rai nga ai. Shinggyim masha a hkum hkrang hte dan pru wa ai hte ding hpring ai wa rai nga ai lam dai Chyoi pra ai Wenyi e shadan dan sai, lamu kasa ni mung shi hpe mu lu manu ai. Shi a lam masha amyu yawng hpe htawn tsun dan manu ai. Mungkan masha ni shi hpe kam sham masai, shing rai shi gaw sumsing lamu de shalun la ai hkrum nu ai.

1 PETRU 3:14

Rai ti mung lama rai nna teng man ai lam hpe hkan sa galaw nga ninglen nanhte nni nkri hkrum myit yang gaw, kabu lu nga na rai myit dai. Kadai wa hpe mung hkum hkrit nga myit; myit mung hkum ru myit.

TARA AGYI 9:7

Dai lam Yohtam na jang, Gerizim bum pungding e shi lung tsap nhtawm shanhte hpe, “Shehkem masha ni e, nye a ga madat mu; Karai Kasang gaw nanhte a ga madat ya malit ga law!