ESAIA 40:5 - Jinghpaw Common Language Bible 2009

⁵ Dai hpang dai Madu a hpung shingkang gaw dan dawng wa nna, amyu masha ni yawng dai hpe mu na mara ai. Dai Madu gaw shi nan ndai amu hpe ga sadi jaw nu ai,” ngu nna ja ja jahtau tsun nga ai.

Jinghpaw Hanson Version Bible

⁵ Yehowa a hpung shingkang mung dan pru nna ahkrang ashan yawng dai hpe rau mu lu na mara ai,” nga nna Yehowa a n-gup tsun nga ai.

ESAIA 40:5 ပူးပေါင်းရင်းမြစ်များ

1 HKAWHKAM 14:11

Na a dinghku masha kadai mung mare kata e si ai rai yang gwi ni e sha kau ai hkrum na mara ai. Pa layang hkan si mat ai ni kadai mung langda e sha kau ai hkrum na rai nga ai. Dai ga hpe ngai Madu nan tsun ni ai,’” ngu nna tsun wu ai.

SHAKAWN KUNGDAWN 102:16

Madu gaw Ziun mare hpe bai gaw gap da ai shaloi, shi a galu kaba ai lam hpe madun dan na ra ai.

SHAKAWN KUNGDAWN 102:17

Shi gaw kabai kau da hkrum ai shi a amyu masha ni a nsen ni hpe na wa na ra ai; shanhte a akyu hpyi ga ni hpe madat ya na ra ai.

SHAKAWN KUNGDAWN 72:19

Shi a hpung shingkang hte seng ai mying nsang hpe htani htana shakawn mu! Shi a hpung shingkang gaw mungkan ting hta pri rai nga u ga law. Amen! Amen!

SHAKAWN KUNGDAWN 96:6

Hpung shingkang hte galu kaba ai hpung shingkang gaw shi hpe shinggrup da nna; daru magam n-gun hte tsawm htap ai lam gaw shi a Nawku Htingnu hta hpring nga ai.

SHAKAWN KUNGDAWN 97:6

Sumsing lamu ni gaw shi a ding man ai lam hpe htawn tsun nga nna; amyu baw ni yawng hte mung shi a hpung shingkang hpe mu nga ma ai.

PRU MAT 16:7

Jahpawt e mung nanhte gaw htoi kabrim ai dai Madu a hpung shingkang hpe mu lu na marin dai. Nanhte shi hpe aput ai ga, rai sa, dai aput ai ga hpe shi na nu ai; an chyawm gaw shi a ga matsun ni hpe chyu sha gun hpai ai yan rai nga ga ai,” ngu nna tsun ma ai.

ESAIA 1:20

Rai ti mung nanhte ngai hpe ninghkap myit dai rai yang, nanhte gaw si ai dingnye lu na rai myit dai. Ngai dai Madu nan tsun ni ai,” ngu nna tsun ai.

ESAIA 11:9

Karai Kasang a chyoi pra ai kawng ngu ai Ziun ntsa e machyi tsin-yam hte n hkru ai amu hpa mung nga na ra ai n rai. Panglai ni gaw hka hte hpring nga ai zawn dai Madu a machye machyang hpaji gaw mungkan ting hta pri rai na ra ai.

ESAIA 26:15

Madu e, nang gaw anhte a amyu baw hpe shalaw jahtam ya nit dai, de a lamu ga hpe man maga shagu de shadam dat ya nga ndai; dai gaw nang hpe arawng sadang jaw ya nga sai.

ESAIA 34:16

Dai Madu a hkrung kanu ni hte seng ai laika buk hta sawk tam yu mu; dai laika hta hpa baw a lam tsun da ai hpe hti yu mu. Dai dusat ni hta na langai mi mung mat mat na n rai, manang n lu ai shingtai langai mi mung nga na n rai. Dai Madu gaw dai zawn rai nga na matu hkang da nu ai; shi nan dai ni hpe shinggyin da na ra ai.

ESAIA 35:2

Nam mali gaw mahkawn mangoi ai hte kabu gara jahtau na ra ai; dai gaw Lebanon Bum ni zawn tsawm htap na ra ai. Hkarmela hte Sharon yi hkauna ni zawn ga sau rawng na ra ai. Masha shagu hte gaw dai Madu a hpung shingkang hpe mu lu na mara ai, shi a galu kaba ai hte daru magam n-gun hpe mu lu na mara ai.

ESAIA 40:4

Kadit shagu hpe jahpring mu; bum shagu hpe shara mu. Kawng ni gaw pa layang tai mat nna rawk marak re ai mungdan gaw pri tsawm mat na ra ai.

ESAIA 41:20

Amyu masha ni ndai amu hpe mu nna dai Madu ngai nan dai amu galaw ni ai hpe chye wa na mara ai. Shanhte gaw dai Israela a chyoi pra ai Karai Kasang gaw dai amu shabyin nu ai lam hpe chye na wa na mara ai.”

ESAIA 49:6

Dai Madu gaw ngai hpe, “Nye a shangun ma wa e, ngai gaw na a matu bungli grau kaba ai langai lu nngai. Naw ngam nga ai Israela amyu masha ni hpe galu kaba lam jaw ya na matu sha n rai nga ai; rai ti mung ngai gaw nang hpe masha amyu ni a matu nhtoi shatai na we ai, shaloi mungkan yawng gaw hkye hkrang la hkrum na ma ai,” ngu nna tsun ai.

ESAIA 52:10

Dai Madu gaw shi a chyoi pra ai daru magam n-gun lang wa na ra ai; shi gaw shi a amyu masha ni hpe hkye la na ra ai, mungkan ga ting dai amu hpe mu na mara ai.

ESAIA 58:14

ngai hpe daw jau nga ai kaw na pru wa ai kabu gara ai lam nang mu lu na rai ndai. Ngai gaw nang hpe mungkan ting hta shagrau sha-a hkrum shangun na nngai, na a nji nwa Yaku hpe ngai jaw sai mungdan hta nang kabu gara lu na rai ndai. Dai Madu ngai nan tsun ni ai,” ngu nna tsun ai.

ESAIA 6:3

Shanhte langai hte langai gaw ning ngu nna tsun jahtau ma ai: “Chyoi pra, chyoi pra, chyoi pra! Chyahtum Chyalai N-gun rawng ai dai Madu gaw chyoi pra nga ai! Shi a hpung shingkang gaw mungkan ga hta hpring nga ai.”

ESAIA 60:1

Yerusalem e, rawt u, ajan zawn htoi tu u; Dai Madu a hpung shingkang gaw na a ntsa e htoi tu nga ai!

ESAIA 66:16

Shi mara tam mu ai mungkan ga na masha yawng mayawng hpe wan hte mung nhtu hte mung ari jaw na ra ai-law law wa sat kau ai hkrum na mara ai.

ESAIA 66:18

Ngai gaw shanhte a myit mang ai lam ni hte shanhte a arawn alai sat lawat ni hpe chye nga nngai. Amyu baw ni mahkra a masha ni hpe zup hpawng shangun na matu ngai du sa wa nga nngai. Shanhte rau sa hpawng ai shaloi, nye a daru magam n-gun kaning re ai amu galaw lu ai hpe shanhte mu wa na mara ai,

ESAIA 66:23

Shata Praw shagu hte Bansa Nhtoi shagu hta galaw ai poi hta amyu baw shagu na masha ni gaw ngai hpe nawku na matu ndai Yerusalem de sa wa na mara ai,” nga nna dai Madu tsun ai.

YEREMIA 32:27

“Ngai gaw shinggyim masha yawng a Madu a Karai Kasang rai nga nngai. Nye a matu chyawm gaw hpa mung grai yak nga li ai n rai.

YEREMIA 9:12

Ngai gaw, “Madu e, lamu ga gaw hten mat ai hte zaibru jang zawn hkun hkraw mat ai hte hpa majaw kadai mung n lai hkawm nga a ta? Ndai lam hpe hkum tsup ai hku chye na hkawn hkrang na matu, hpaji rawng ai wa kadai rai nga a ta? Kadai wa hpe dai lam nang shaleng dan lu nna dai wa gaw kaga masha ni hpe tsun dan lu nga a ni?,” ngu nna san nngai.

YOELA 2:28

“Dai hpang, ngai gaw masha shagu a ntsa e nye a wenyi ru bun na nngai; na a shayi shadang sha ni nye a mungga hkaw tsun na mara ai; nanhte a dingla ni yup mang mu na mara ai; nanhte a shabrang ni shingran mu na mara ai.

MIHKA 4:4

Masha shagu gaw tinang a sabyi sun ni hte lakum hpun lapran hkan ngwi pyaw sim sa ai hte nga lu na mara ai, kadai mung shanhte hpe jahkrit na mara ai n rai. Chyahtum Chyalai N-gun rawng ai dai Madu gaw ndai lam hpe ga sadi tawn da nu ai.

HABAKU 2:14

Rai ti mung, Panglai ni gaw hka hte hpring nga ai zawn ginding aga gaw dai Madu a hpung shingkang a machye machyang hpaji hte hpring nga na ra ai.

ZEHKARIA 2:13

Masha shagu hte e, shi gaw shi a chyoi pra ai nga shara kaw na du sa nga ai majaw dai Madu a man e asim sha nga nga mu.

LUKA 2:32

Maigan amyu ni a man e na a myit ra ai lam shadan dan na nhtoi hte, na a amyu Israela a matu hpung shingkang jaw ya na lam rai nga ai,” nga nna tsun ai.

LUKA 3:6

Shaloi, masha amyu ni yawng gaw, Karai Kasang a hkye hkrang la ai lam mu lu na mara ai!’”

YAWHAN 1:14

Mungga gaw shinggyim hkum hkrang dagraw la nna, chyeju hte teng man ai hpring let anhte hta nga nga yu sai. Anhte gaw shi a hpung shingkang hpe mu lu sagaw ai. Dai hpung shingkang gaw Kawa Karai Kasang a Kasha shingtai ngu ai hpe shi hkam la lu ai lam rai nga ai.

YAWHAN 12:41

Esaia gaw Yesu a hpung shingkang hpe mu lu ai rai nna, shi a lam shing nga tsun ai rai nga ai.

YAWHAN 17:2

Hpa majaw nga yang, ngai nsha wa a lata de nang ap ya ai yawng mayawng hpe htani htana asak jaw n ga, nang gaw nsha wa hpe masha yawng mayawng a ntsa e up ai ahkang aya jaw ya nit dai.

KASA 2:17

‘Karai Kasang ning nga ai, hpang jahtum na nhtoi ni hta masha amyu baw yawng a ntsa hta, nye a Wenyi ngai ru jaw na nngai. Nanhte a shayi shadang sha ni, myihtoi htoi na mara ai. Nanhte a brang ram ni shingran mu nna nanhte a ding la ni yup mang mu na mara ai.

2 KORINHTU 3:18

Dai rai nna anhte yawng gaw man magap hpaw kau sai myi man ni hte dai Madu a hpung shingkang a shingna hpe bai nhtang htawng madun nga ga ai. Dai hpung shingkang nan wenyi ngu ai Madu kaw na du sa nna Madu hte grau grau bung jat wa ai hpung shingkang maga de anhte hpe galai shai wa shangun mi ai.

2 KORINHTU 4:6

Yesu Hkristu a myi man hta htoi tu ai hpung shingkang a lam nanhte chye chyang u ga, anhte a myit masin hta nhtoi jahtoi ya ai Karai Kasang gaw, “Nsin hta na nhtoi htoi na ra ai,” nga nna tsun ai Karai Kasang shi nan rai nga ai.

HEBRE 1:3

Shi gaw Karai Kasang a hpung shingkang ningja shapraw nna, Karai Kasang shi nan a gawng shingyan hkrang sumla hpe dagraw ai hte mungkan jan shata shagan nga yawng danghta hpe shi a hpung shingkang rawng ai mungga atsam hte bau sin da nga ai. Shi gaw shinggyim masha ni a yubak mara ni hpe raw dat jasan jaseng ai lam galaw ngut ai hpang, sumsing lamu e daru magam n-gun atsam rawng ai Karai Kasang a hkra maga de dung nga ai.

SHINGRAN 21:23

Dai mare hpe jahtoi ya na matu jan, shata mung n ra nga ai. Hpa majaw nga yang, Karai Kasang a hpung shingkang gaw dai mare hpe jahtoi ya nna, Sagu Kasha gaw de a pyengdin rai nga ai.