ESAIA 40:4 - Jinghpaw Common Language Bible 2009

⁴ Kadit shagu hpe jahpring mu; bum shagu hpe shara mu. Kawng ni gaw pa layang tai mat nna rawk marak re ai mungdan gaw pri tsawm mat na ra ai.

Jinghpaw Hanson Version Bible

⁴ hkaraw hkamwam shagu hpe, gaw shatsaw na ra ai; bum hte kawng shagu hpe shanem na ra ai; hkalik hkalawk re ai shara pri mat na ra ai; machyawk marawk re ai shara layang tai na ra ai:

ESAIA 40:4 ပူးပေါင်းရင်းမြစ်များ

GA SHAGAWP 2:15

kam hpa n lu ai masha ni a lata kaw nna, nang hpe mawai la na ra ai.

ESAIA 40:3

Nsen langai gaw, “Dai Madu a matu nam mali e lam lajang mu! Anhte a Karai Kasang a matu zaibru jang e lam jasan jaseng mu!

ESAIA 40:5

Dai hpang dai Madu a hpung shingkang gaw dan dawng wa nna, amyu masha ni yawng dai hpe mu na mara ai. Dai Madu gaw shi nan ndai amu hpe ga sadi jaw nu ai,” ngu nna ja ja jahtau tsun nga ai.

ESAIA 42:11

Nam mali hte de a mare ni Karai Kasang hpe shakawn kungdawn mu ga; Kedara masha ni shi hpe shakawn kungdawn mu ga! Sela mare hta nga ai ni gaw bum pungding ni kaw nna kabu gara ai hte jahtau nga mu ga!

ESAIA 45:2

“Ngai nan na a lam hpe hkyen lajang ya na nngai, bum ni hte kawng ni hpe shara na nngai. Ngai gaw magri mang chyinghka ni hpe agrawp kau nna, de a hpri htinggrang ni hpe kahtum kadaw di kau na nngai.

ESAIA 49:11

“Ngai gaw bum ni hpe lai di ai nmaw lam kaba galaw nna nye a amyu masha ni a matu hkawm sa na lam langai hkyen ya na nngai.

ESAIA 62:10

Yerusalem amyu masha ni e, Mare kata na pru mu, Nhtang wa nga ai na a amyu masha ni a matu nmaw lam galaw mu! Nmaw lam kaba lajang mu; nlung ni hpe jasan kau mu! Masha amyu baw ni chye lu mu ga, masat kumla sharawt tawn mu!

EZEKELA 17:24

Dai mung na hpun ni yawng gaw ngai nan dai Madu rai nga nngai hpe chye na mara ai. Ngai gaw hpun galu ni hpe kran kau nna hpun kaji ni hpe tu galu shangun na nngai. Ngai gaw tsit lali ai hpun ni hpe shanyip kau nna hkraw ai hpun ni hpe tsit lali shangun na nngai. Dai Madu ngai nan tsun ni ai. Ngai galaw na ngu tsun sai amu hpe ngai galaw na we ai.”

EZEKELA 21:26

Tsaw Htum ai dai Madu nan tsun ni ai. Nanhte a janmau hte bunghkaw ni raw tawn mu. Hpa mung shawng na hte bung na ra ai n rai. Matsan mayan masha ni hpe sharawt nna up hkang nga ai du magam ni hpe shayu kau mu!

ZEHKARIA 4:7

Bum ni zawn sumpum ai dingbai dingna ni gaw na a man kaw nna hkoi mat wa na ra ai. Nang gaw Nawku Htingnu hpe bai gaw gap ai shaloi magum nlung mara da na rai ndai; amyu masha ni mung, ‘Tsawm htap ai, tsawm htap ai!,’ nga nna jahtau tsun na mara ai.

LUKA 18:14

Ngai nanhte hpe tsun made ga, Hparishe n re ai sha kang hta ai wa gaw Karai Kasang a man e, jaw ai hku galaw nna nta de wa lu nu ai. Hpa majaw nga yang, tinang hkum hpe shagrau ai wa kadai mung shagrit kau ai hkrum nna, tinang hkum hpe shagrit ai chyawm gaw shagrau ai hkrum na ra ai,” ngu mu ai.

LUKA 3:5

Hkaraw hkamwam shagu kaput lu na rai nga ai, Bum hte kawng shagu hpe daw shara kau lu na rai nga ai; Magaw ai lam ni hpe shading lu na rai nga ai, machyawk marawk re ai lam ni hpe shara lu na rai nga ai.

1 SAMUELA 2:8

Shi gaw matsan mayan ni hpe ga nhpu kaw na mung, ra kadawn ai ni hpe shanhte a nni nkri kata kaw na mung sharawt la nga ai. Shi gaw dai ni hpe hkawhkam kasha ni a manang shatai nhtawm shagrau sha-a ai shara ni hta tawn da nga ai. Dai Madu gaw ginding aga a npawt nhpang ni hpe madu da nga ai; dai ni a ntsa e mungkan ga hpe shi gaw da nga ai.