ESAIA 40:31 - Jinghpaw Common Language Bible 2009

³¹ Rai ti mung karum la na matu dai Madu hpe kam hpa ai ni gaw shanhte a n-gun atsam ningnan mu tam la na mara ai. Shanhte gaw galang ni zawn singkaw nnan ni hte pyen lung na mara ai; shanhte gaw gat ti mung hki ba na n rai; shanhte gaw hkawm ti mung n-gun kya na ma ai n rai.

Jinghpaw Hanson Version Bible

³¹ Yehowa hpe ala nga ai ni chyawm gaw, n-gun lu la nna, kalang zawn singkaw nnan hte pyen lung na mara ai: shanhte gat timung, hki ba na n rai, hkawm timung, n-gun yawm na n rai.

ESAIA 40:31 ပူးပေါင်းရင်းမြစ်များ

YOBA 17:9

Hkungga lara wa na matu tsun hkrum ai ni gaw shanhte ding man nga ma ai hpe grau grau nna chye na wa ma ai.

SHAKAWN KUNGDAWN 103:5

Shi gaw nye a prat hpe mai kaja ai hte shakat ya ai majaw, ngai gaw galang zawn ram prat bai pra nna n-gun ja nga nngai.

SHAKAWN KUNGDAWN 123:2

Shangun ma wa gaw shi a madu a ntsa e mung, shangun ma numsha gaw shi a nta madu jan a ntsa e mung shamyet shanat nga ai zawn, anhte a Madu Karai Kasang a matsan dum ai chyeju hpe hkam la lu ai aten du hkra, anhte mung nang hpe a mada yu nga na ga ai.

SHAKAWN KUNGDAWN 138:3

Nang hpe ngai shaga yang, nang ngai hpe htan ya nit dai; na a n-gun hte ngai hpe n-gun shaja ya nit dai.

SHAKAWN KUNGDAWN 20:9

Madu e, hkawhkam wa hpe awng padang ninglaw jaw ya u; anhte shaga ai shaloi, anhte hpe htan ya mi law.

SHAKAWN KUNGDAWN 25:21

Nang hpe ngai kam hpa nga nngai majaw, nye a mai kaja ai hte myit malang ai gaw ngai hpe bau sin nga u ga.

SHAKAWN KUNGDAWN 25:3

Nang hpe kam hpa ai ni hta sum ai lam n hkrum nga ai; nang hpe gumlang ai ni a ntsa e chyawm gaw tin tin du nga ai.

SHAKAWN KUNGDAWN 25:5

Na a teng man ai lam hte maren, asak hkrung nga lu na matu ngai hpe sharin ya e, nang gaw nye a Karai Kasang rai nga nna ngai hpe hkye hkrang la ai wa rai nga ndai majaw, ngai nang hta tut nawng kam hpa nga nngai.

SHAKAWN KUNGDAWN 37:34

Madu hta myit mada nga nna shi a hkang da ai ga ni hpe madat mara u; shi nang hpe lamu ga jaw ya nna, nang hpe shagrau sha-a na ra ai. Tara n lang ai ni gawt shapraw kau hkrum ai hpe nang mu lu na ra ai.

SHAKAWN KUNGDAWN 40:1

Madu karum la na matu ngai myit galu ai hte ala nga nngai; shaloi, ngai hpe shi madat ya nna, nye a hpyi jahtau ai nsen hpe na ya ni ai.

SHAKAWN KUNGDAWN 84:7

Shanhte hkawm sa mat wa magang n-gun atsam grau nna jat la lu nga ma ai; Ziun Bum ntsa e, karai ni a Karai hpe shanhte wa mu lu na mara ai.

SHAKAWN KUNGDAWN 84:8

Chyahtum Chyalai n-gun rawng ai Madu Karai Kasang e, nye a akyu hpyi ga hpe na ya e; Yaku a Karai Kasang e, madat ya e!

SHAKAWN KUNGDAWN 92:1

Madu hpe chyeju dum shakawn nna Tsaw Htum ai Karai Kasang a hpung shingkang arawng sadang hpe mahkawn mangoi let,

SHAKAWN KUNGDAWN 92:13

Dai ni gaw Madu a nta hta hkai da nna, anhte a Karai Kasang a Htingnu hta lali tsawm nga ai hpun ni hte bung nga ma ai.

PRU MAT 19:4

“Ngai Madu nan Egutu masha ni hpe kaning di kau ai lam hte ngai gaw nanhte hpe galang gaw shi a hkalung ni hpe shi a singkaw ntsa hta hpai mat wa ai zawn kaning rai woi la ma sade ai gaw nanhte mu manit dai.

GA SHAGAWP 30:19

Lamu ntsa e pyen ai galang, lunghkrung ntsa e hkawm nga ai lapu, panglai ntsa e shi a lam hta hkawm ai sanghpaw li, tsaw ra hkat ai shinggyim num hte shinggyim la

Shawlumon A Mahkawn Ga 8:5

Shi tsaw ra ai wa hte lahpum hte lahpum jum let nam mali de na pru wa ai num gaw kadai rai ta? Nang shangai wa ai shara ngu ai ja magaw si hpun nhpang e ngai nang hpe jasu ni ai.

ESAIA 25:9

Dai lam byin wa ai shaloi, masha hkum shagu gaw, “Shi gaw anhte a Karai Kasang rai nga a hka! Anhte shi hpe kam hpa saga ai, shi gaw anhte hpe hkye mawai la nu ai. Shi gaw dai Madu rai nga ai! Anhte shi hpe kam hpa saga ai, ya chyawm gaw shi anhte hpe hkye la mi ai majaw, anhte kabu gara ai hte awng sharawng nga ga ai,” ngu nna tsun na mara ai.

ESAIA 30:15

Tsaw Htum ai dai Madu Israela a Chyoi Pra ai Wa gaw shi a amyu masha ni hpe, “Nhtang wa nna ngai hpe atsin sha kam hpa mu. Dai hpang nanhte gaw n-gun ja wa nna shim lum lam lu na rai myit dai,” ngu nna tsun ai. Rai ti mung nanhte gaw dai hku hkan galaw na ningdang nga myit dai.

ESAIA 30:18

Ti mung, dai Madu gaw nanhte hpe matsan dum la na matu ala nga ai. Shi gaw teng man ai amu tut nawng galaw ai majaw, nanhte hpe matsan dum la na matu jin jin rai nga ai. Dai Madu hpe kam hpa ai ni gaw a nga ai.

ESAIA 41:1

Karai Kasang gaw, “Sumtsan mungdan ni e, Atsin sha nga nna nye a ga madat mu! Tara rung hta na a amu shawn na matu shajin da u; nang gaw ga shaga lu na ahkaw ahkang lu na ra ai. Kadai wa teng man nga ai hpe daw dan ya na matu rau sa wa ga.

ESAIA 64:4

Shi hpe myit mada nga ai ni a matu dai zawn re ai magam amu galaw ai nang hte bung ai Karai Kasang hpe kadai galoi mung n mu yu, n na yu ga ai.

ESAIA 8:17

Dai Madu gaw shi hkum nan shi a amyu masha ni kaw nna myi man makoi mat nu ai, rai ti mung ngai shi hpe kam hpa ai hte shi hpe myit mada nga nngai.

YEREMIA 48:15

Moba mung hte de a mare ni gaw hten run mat sai; dai mung na ram dik ai shabrang ma ni htau sat kau hkrum masai. Ngai gaw Chyahtum Chyalai N-gun rawng ai dai Madu ngu ai hkawhkam wa rai nga nngai, Ngai tsun ni ai.

ZEHKARIA 10:12

Ngai gaw nye a amyu masha ni hpe n-gun ja shangun na nngai; shanhte gaw ngai hpe nawku ai hte nye a ga madat mara na mara ai,” ngu nna tsun wu ai. Dai Madu tsun nu ai.

LUKA 18:1

Dai hpang Yesu gaw, tut nawng akyu ahpyi nga mu ga hte myit n hten malu ga, sape ni hpe ga shadawn langai mi hte sharin shaga mu ai.

ROMA 8:25

Rai ti mung n mu lu ai mahtang hpe myit mada nga ga yang gaw, dai hpe anhte hkam sharang ai hte ala nga ga ai.

2 KORINHTU 4:1

Karai Kasang gaw shi a matsan dum ai myit a jaw e, anhte hpe ndai magam gun hpai na amu ap ya mani ai rai nna, anhte hta myit daw n-gun yawm ai lam n nga ai.

2 KORINHTU 4:16

Ndai lam ni a majaw anhte gaw galoi mung myit n hten, n-gun n yawm ga ai. Anhte a shinggan lam hku myi hte mu lu nga ai shinggyim hkrang gaw yat yat sha hten run mat wa nga ai, rai ti mung kata na wenyi hkrang gaw lani hte lani ningnan bai galai lajang ai hpe hkam la nga ga ai.

GALATI 6:9

Dai rai nna kaja ai amu galaw na anhte n hki n sang nga ga; hpa majaw nga yang, anhte myit n yaw, myit n daw ga yang gaw, aten ladaw du jang anhte dan la na raga ai.

TARA JAHPRANG 32:11

Galang gaw shi a ulung ni hpe pyen sharin na matu, singkaw kahpyan nhtawm de a ntsa e shalen nna shim ai hku awn la ai zawn, dai Madu mung Israela hpe hkrat mat ai kaw na makawp maga la nga ai.

TARA JAHPRANG 33:25

Shi a mare ni hpri chyinghka hte makawp maga da na rai wu ai; Shi gaw prat dingsa shim lum ai hte nga lu na rai wu ai.”

1 HTESALONI 1:10

sumsing lamu de na du sa na ra ai Karai Kasang a Kasha hpe ala nga myit dai hpe mung, dai masha ni yawng tsun kajai nga ma ai. Dai Kasha Yesu gaw, si mat ai kaw na Karai Kasang e hkrung sharawt la nna, du na ra ai Karai Kasang a pawt sindawng ai kaw na anhte hpe mawai la ai wa rai nga ai.

HEBRE 12:1

Ya anhte a matu ndai daram law ai sakse ni gaw anhte hpe wang shinggrup da nga mi ai. Dai re ai majaw, anhte gaw lam e dingbai dingna re ai lam shagu hpe mung, anhte ni hta grai ngang hkra kap noi nga ai yubak hpe mung, yeng seng kau nhtawm, anhte gat na matu myit mada daw dan da ai bandung shadaw du hkra shakut sharang rai gat shadu wa ga.

HEBRE 12:3

Yubak mara lu ai ni e laja lana di nna n ju n dawng ai lam hpe dai Madu gaw gade daram hkam nu ai hpe nanhte myit tau yu mu. Dai rai nna nanhte hta myit daw myit hten asum jaw ai lam n nga shangun u ga.

YAWSHU 14:11

Mawshe ngai hpe shangun ai shaloi n-gun lagaw ja nngai zawn dai ni mung ngai n-gun naw ja nga nngai. Hpyen majan amu shing n rai kaga lam maga ga a matu mung, ngai hta n-gun naw ja nga nngai.

SHINGRAN 12:14

Dai shaloi numsha gaw, baren numraw a hpyen kaw na lawt lu nna, nam mali na shi a shara de pyen wa lu na matu langda kaba a singkaw lahkawng shi hpe jaw dat wu ai. Shi gaw dai shara e masum ning e shata kru baren numraw a hpyen hpe n hkrit ra ai sha bau lanu lahku ai hkrum na rai nga ai.

SHINGRAN 2:3

Nang hkam sharang lu nga ndai hte nye a mying nsang a matu mara tsin-yam tsindam hkam ai hte nang asum mung n jaw ndai.

SHINGRAN 4:7

Langai ngu na dusat amyu gaw, hkanghkyi hte bung nga ai; lahkawng ngu na dusat amyu gaw, dumsu usu hte bung nga ai; masum ngu na dusat amyu gaw, shinggyim masha a myiman hte bung nga ai; mali ngu na dusat amyu gaw, pyen nga ai langda hte bung nga ai.

TARA AGYI 16:28

Samson gaw, “Tsaw Htum ai Madu e, chyeju hte ngai hpe dum e law; myi lahkawng maga malawk kau ya ai Hpilisti masha ni hpe lang lata matai htang lu n-ga, Karai Kasang e, chyeju hte ngai hpe lang mi sha gaw n-gun naw jaw ya e law,” ngu nna hpyi shaga wu ai.