ESAIA 40:28 - Jinghpaw Common Language Bible 2009

²⁸ Nang n chye n ni? Nang n na yu n ni? Dai Madu gaw tut nawng agrin nga ai Karai Kasang rai nga ai; shi gaw mungkan ga yawng hpe hpan da nga ai. Shi gaw galoi mung gawng run ai n rai, hki ba ai n rai. Kadai mung shi a myit mang ai lam ni hpe n chye lu nga ai.

Jinghpaw Hanson Version Bible

²⁸ Nang n chye nni? nang n na yu nni? Nga yawng nga pra Hpan da Madu, n htum n wai Karai Kasang Yehowa gaw, n-gun yawm ai n rai; hki ba mung hkrum ai n rai; shi myit mang ai lam kadai sawk yu lu ai, n rai.

ESAIA 40:28 ပူးပေါင်းရင်းမြစ်များ

NINGPAWT NINGHPANG 21:33

Dai hpang Abraham chyawm gaw Berasheba shara e magyeng hpun langai mi hpe hkai nna, htani htana agrin nga ai dai Madu Karai Kasang hpe nawku wu ai.

YOBA 38:18

Mungkan ga kade kaba nga ai hpe nang myit yu n ni? Nang chye ai rai yang, ngai hpe tsun dan e.

SHAKAWN KUNGDAWN 138:8

Nang ga sadi tawn da nit dai hte maren, lam shagu hpe jahpring shatsup ya na rin dai; Madu e, na a tsaw ra myit htani htana agrin nga ai. Nang hpang da sai amu ni hpe shangut u law.

SHAKAWN KUNGDAWN 139:6

Nye a lam hpe chye ya ai na a machye machyang hpaji gaw nau sung la nga ai; dai gaw, nye a machye machyang hte n dang dep lu nga ai.

SHAKAWN KUNGDAWN 145:3

Madu gaw galu kaba nga ai majaw, nachying shakawn ging ai wa rai nga ai; shi a galu kaba ai lam hpe n dang chye lu nga ai.

SHAKAWN KUNGDAWN 147:5

Anhte a Madu gaw galu kaba nga nna chyahtum chyalai n-gun hte hpring nga ai wa rai nga ai; shi a nyan hpaji hpe shadawn lu nga ai n rai.

SHAKAWN KUNGDAWN 90:2

Bum ni hpe garai n hpan da ai hte mungkan ga garai n lat ai aten kaw nna, nang gaw chyi nma pri npra Karai Kasang rai nga ndai; htum ngu n nga ai htani htana Karai Kasang mung nang rai nga ndai.

ESAIA 37:26

“Ndai lam mahkra hpe moi chyaloi nhkoi kaw nna ngai shatawng shada nga nngai hpe nang galoi mung n na yu n ni? Ya mung dai amu ni hpe ngai matut galaw nga nngai. Ngai gaw nang hpe bunghku kum ai mare ni hpe nlung sumpum shatai kau na daru magam n-gun jaw ni ai.

ESAIA 40:21

Nang n chye n ni? Moi chyaloi nhkoi kaw nna nang hpe n tsun dan yu a ni? Mungkan ga gara hku lat hpang wa ai hpe nang n na yu n ni?

ESAIA 42:4

Shi gaw myit mada shara, nden marai shamat kau na ra ai n rai; shi gaw ginding aga ntsa e teng man rap ra ai tara shagrin da na ra ai. Sumtsan mung na ni gaw shi a sharin shaga ga hpe sharawng awng ai myit hte ala nga ma ai,” ngu nna tsun ai.

ESAIA 45:22

“Mungkan ting hta nga ai amyu masha ni e, hkye hkrang la hkrum na matu, ya jang ngai kaw kayin wa marit! Ngai chyu sha Karai Kasang rai nga nngai, Karai shaje n nga nga ai.

ESAIA 57:15

“Ngai gaw htani htana agrin nga ai matsaw ntsa na chyoi pra ai Karai Kasang rai nga nngai. Ngai gaw tsaw nna chyoi pra ai shara hta nga nngai, rai ti mung ngai gaw shagrit shanem ai hte myit malai lu ai ni hte rau mung nga nngai, shaloi ngai gaw shanhte a kam hpa shara hte myit mada shara hpe bai jaw ya lu nngai.

ESAIA 59:1

Dai Madu gaw nang hpe hkye la na matu nau wa n-gun kya ai hte karum la na matu na a shaga ai nsen na la na nau wa na lahpang nga ai ngu, hkum myit nawn myit!

ESAIA 66:9

Ngai gaw nye a amyu masha ni hpe shangai mahka e shanhte n shangai wa manu ga,” ngu tsun na zawn hkum myit nawn nga myit. Dai Madu tsun nu ai.

YEREMIA 10:10

Rai ti mung, Madu e, nang gaw teng man ai Karai Kasang rai nga ndai, nang gaw ahkrung nga ai Karai Kasang hte htani htana hkawhkam rai nga ndai. Nang pawt sindawng ai shaloi, mungkan ga gaw gari kawa rai nga ai; masha amyu baw ni na a masin kahtet ai hpe n hkam lu ma ai.

YEREMIA 32:17

“Tsaw Htum ai Madu e, nang gaw na a daru magam n-gun hte lahpum hpe shada nna ginding aga hte sumsing lamu hpe hpan da nit dai; na a matu hpa mung grai yak la nga ai n rai.

YEREMIA 4:22

Dai Madu gaw, “Nye a amyu masha ni gaw myit n su ma ai; shanhte ngai hpe n chye ma ai. Shanhte gaw angawk ai ma kaji ni zawn rai ma ai; shanhte hta chye na hkawn hkrang ai nyan hpa mung n rawng ma ai. Shanhte gaw n hkru ai amu galaw ai hta myit let ma ai, rai ti mung mai kaja ai amu galaw ai hta hkrat sum ma ai,” ngu nna tsun ai.

MARKU 16:14

Yawng a hpang jahtum e Yesu gaw sape shi langai hte hpe shanhte shat sha nga ma yang shadan dan mu ai. Shi si ai kaw na bai hkrung rawt wa sai lam mu lu ai ni a ga hpe nan n kam ma ai hte myit ja nga ma ai majaw shanhte hpe daru kau wu ai.

MARKU 9:19

Dai rai nna Yesu gaw, “Makam masham n rawng ai amyu e! Gade na hkra ngai nanhte hte rau nga nga lu na rai ta? Gade na hkra ngai nanhte hpe hkam sharang nga lu na rai ta? Dai ma hpe ngai hpang de woi sa wa marit,” ngu nna tsun mu ai.

LUKA 24:25

Dai shaloi Yesu gaw, “Myihtoi ni htawn tsun ai ga mahkra hpe kam sham na matu myit bawnu lanyan dik ai masha angawk ni e!

YAWHAN 14:9

Yesu gaw, “Hpilip e, ngai nanhte hte nde nlaw na hkra nga nga sati mung, nang ngai hpe n chye n ni? Ngai hpe mu yu ai wa gaw, Wa hpe mu yu nu ai; dai re ai mi, ‘Wa hpe anhte e madun dan mi,’ nga nna hpa rai tsun n ta?

YAWHAN 5:17

Shaloi Yesu gaw, “Nye Wa gaw ya du hkra pyi amu galaw nga ai rai nna, ngai mung galaw lu na rai nga ai,” ngu nna shanhte hpe htan mu ai.

KASA 13:47

Kaning rai nme law, ‘Mungkan ting hpe hkye hkrang la ai lam lu la mu ga, ngai nang hpe maigan amyu ni a matu nhtoi shatai sade ai,’ nga ai gaw dai Madu anhte hpe hkang da ai ga rai nga ai,” ngu mu ai.

ROMA 16:26

Rai ti mung ya aten hta dai makoi magap da ai teng man ai lam gaw, myihtoi laika ni hku nna dan dawng wa ra ai. Masha amyu nlang hte Karai Kasang hpe kam sham nna madat mara mu ga, htani htana Karai Kasang a hkang da ai hte maren dai teng man ai lam hpe hkaw tsun shadum dan nga sai.

1 KORINHTU 2:16

Dai Chyum Laika hta, “Kadai wa mi dai Madu a myit hpe chye lu a ni? Kadai wa mi shi hpe hpaji jaw sharin achyin ya lu a ni?,” nga nna ka da nga ai hte maren rai nga ai. Anhte chyawm gaw Hkristu a myit hpe lu ai ni rai nga ga ai.

1 KORINHTU 6:16

Shawa num hte shi a hkum hkrang gumhpawn kau ai wa gaw, dai shawa num hte hkum hkrang langai sha rai mat sai hpe nanhte n chye nga myit ni? Chyum Laika hta, “Shan lahkawng gaw hkum shan langai sha tai na mara ai,” nga nna tsun da nga ai.

1 KORINHTU 6:19

Nanhte a hkum hkrang gaw, nanhte hta rawng nga ai Karai Kasang jaw ya ai dai Chyoi pra ai Wenyi a htingnu rai nga ai hpe, nanhte n chye myit ni? Nanhte gaw nanhte a hkum hpe up madu lu myit dai n rai, Karai Kasang chyu sha madu rai nga ai.

1 KORINHTU 6:9

N hkru n kaja ai ni gaw Karai Kasang a mungdan a sali wunli n hkam la lu na re ai, nanhte n chye nga myit ni? Lam hkum dam myit; hpye ai amu galaw ai ni, gawkngu sumla nawku ai ni, num shaw ai ni, la shada tam ai ni,

TARA JAHPRANG 33:27

Karai Kasang gaw chyi nma, pri npra kaw na na a Dahpran shara rai nga ai; shi a htani htana na lata lahpum gaw nang hpe shadaw ya nga ai. Nanhte a shawng e shi lung wa nna, gumlau hpyen ni yawng hpe jahten shabyak kau mu nga, tsun let nanhte a hpyen ni hpe shi gawt shapraw kau wu ai.

HPILIPI 1:6

Dai re ai majaw nanhte hta ndai mai kaja ai magam bungli hpang da ya ai wa gaw Hkristu Yesu bai yu wa ai nhtoi garai n du yang dai amu hpe ngut hkra shatsup shatup na ra ai ngu nna ngai myit kam nga nngai.

1 TIMOHTI 1:17

Ya htani htana Hkawhkam rai nna, n hten n mat chye ai hpe myi hte n mu lu ai, langai sha rai nga ai Karai Kasang kaw arawng sadang hte hpung shingkang gaw htani htana prat dingsa e anga nga u ga law! Amen.

HEBRE 9:14

Hkristu a sai gaw dai hta grau nna shachyoi shapra ya lu ai n rai ni? Hkristu gaw dai htani htana Wenyi hte tinang a hkum hpe ra n rawng ai hkungga hku nna Karai Kasang kaw nawng ya kau sai. Hkrung nga ai Karai Kasang hpe anhte nawku daw jau lu hkra Hkristu a asai gaw anhte a myit masin hpe akyu n rawng ai nawku htung lai chyasi ni hta hkan nang ai kaw na shachyoi shapra la na ra ai.

1 SAMUELA 2:10

Dai Madu a gumlau hpyen ni gaw jahten kau ai hkrum na mara ai; shi gaw shanhte hpe ninghkap na matu sumsing lamu kaw na mu shangoi dat ya na ra ai. Dai Madu gaw mungkan ga ting hpe tara jeyang na ra ai; shi gaw shi a hkawhkam wa hpe daru magam n-gun jaw na ra ai, shi gaw shi lata la sai hkawhkam wa hpe awng padang lu shangun na ra ai.”