ESAIA 40:27 - Jinghpaw Common Language Bible 2009

²⁷ Israela e, dai Madu gaw na a tsin-yam tsindam hpe n chye nga ai nga nna, nang hpa majaw aput angun nga n ni? Nang gaw n teng n man ai tara a nni nkri hpe hkam sha yang shi nang hpe n yu ai ngu hpa majaw tsun nga n ta?

Jinghpaw Hanson Version Bible

²⁷ Yaku amyu e, Yehowa nye a lam n dum nga ai, nga nna hpa majaw tsun n ta? Israela dap e, Nye a Karai Kasang ngai hpe matai dawp na n rai, hpa rai nga n ta?

ESAIA 40:27 ပူးပေါင်းရင်းမြစ်များ

YOBA 23:14

Shi gaw nye a matu maw mawn ai amu hpe shatup na ra ai; dai maw mawn ai amu gaw shi galaw dan nu ai law law hta na langai sha naw rai nga ai majaw,

YOBA 34:5

Yoba gaw mara n kap nga ai nga nna shi tsun ai majaw, teng man rap ra ai tara shi hpe jaw na matu Karai Kasang n hkraw nga ai.

ESAIA 25:1

Madu e, nang gaw nye a Karai Kasang rai nga ndai; Ngai nang hpe shagrau na nngai, na a mying nsang hpe kungdawn na nngai. Nang gaw mauhpa amu ni hpe galaw nit dai; moi kaw nna nang galaw ai yaw shada lam ni hpe nang kangka ai hte galaw da nit dai.

ESAIA 44:21

Dai Madu gaw, “Israela e, ndai lam hpe dum u; nang gaw nye a shangun ma rai nga ai hpe dum u. Ngai gaw nang hpe nye a shangun ma tai na matu hpan da nngai, ngai gaw nang hpe galoi mung malap kau na n rai.

ESAIA 49:14

Rai ti mung Yerusalem amyu masha ni gaw, “Dai Madu gaw anhte hpe kau da mani ai! Shi anhte hpe malap kau nu ai,” nga nna tsun ma ai.

ESAIA 49:4

Ngai gaw, “Ngai amu galaw ni ai, rai ti mung dai gaw kade sha myit mada shara n nga nga a hka! Ngai gaw n-gun htum hkra shakut ni ai, rai ti mung hpa mung n shangut lu nngai,” ngu nna tsun nngai. Ti mung nye a lam hpe makawp maga na matu, dai Madu hpe ngai kam lu nngai; shi gaw ngai galaw ai amu a matu ngai hpe shabrai jaw na ra ai.

ESAIA 54:8

Ngai gaw hkring mi sha masin pawt let myi man kayin kau da nngai, rai ti mung ngai nang hpe nye a tsaw ra myit htani htana madun nga na nngai.” Shing rai nang hpe hkye la ai dai Madu gaw shing nga tsun ai.

1 SAMUELA 27:1

Dawi gaw, “Lani mi na nhtoi langai ngai hta Shawlu ngai hpe sat kau na ra ai. Dai re ai majaw Hpilisti mung de hprawng shang mat wa ai gaw nye a matu kaja htum ai lam rai na sai. Shaloi Shawlu gaw Israela mung e ngai hpe tam shakut hkawm ai hpe jahkring kau ai hte ngai mung shim nga lu na rai nngai,” ngu nna shi kraw e sumru wu ai.