ESAIA 40:24 - Jinghpaw Common Language Bible 2009

²⁴ Shanhte gaw gat hkai nna ru garai n jung ai aten na hkai bawng ni zawn rai ma ai. Dai Madu gaw nbung hpe dat dat ai shaloi, dai ni hkraw mat ai hte yihku zawn shapoi kau ai hkrum nga ma ai.

Jinghpaw Hanson Version Bible

²⁴ Shanhte hpe hkai, shanhte hpe gat timung, ga hta ru garai n jung yang, shi shanhte a ntsa e kawut ai hte, shanhte hkraw mat na nna, bungsha gaw shanhte hpe mahkaw zawn shapoi kau na ra ai.

ESAIA 40:24 ပူးပေါင်းရင်းမြစ်များ

2 SAMUELA 22:16

Dai Madu gaw shi a gumlau hpyen ni hpe daru kau nna, masin pawt let shanhte hpe shabam dat wu yang; panglai hka a htumpa ni dawng pru wa nna, ginding aga a npawt nhpang ni dan pru nga ai.

2 HKAWHKAM 10:11

Dai hpang Yehu gaw Yezrela mare hta e naw ngam nga ai Ahab a makyin jinghku kahpu kanau ni yawng hpe mung, shi a du salang ni yawng hpe mung, ni htum ai manaw manang ni hte hkinjawng ni hpe mung shanhte hta na langai mi hpe mung n jahkrung da ai sha sat kau mu ai.

YOBA 21:18

nbung e shapoi kau ai yihku zawn mung, nbung laru e ahpawt shapoi mat wa hkrum ai ga nhpu zawn mung shanhte hpe ari jaw na ra ai n rai ni?

YOBA 4:9

Karai Kasang gaw shi pawt sindawng ai majaw, shanhte hpe nbung laru zawn jahten shaza nga ai.

YOBA 8:17

De a aru ni lungrawk grup grup hkram nga ai rai nna, lungrawk shagu hpe magra jum da nga ai.

SHAKAWN KUNGDAWN 58:9

Shanhte dai lam hpe garai n tan chye lu yang, tsingdu ni hpe zawn, shanhte dan kau ai hkrum nga ma ai; shanhte gaw asak hkrung nga yang pyi, shi a pawt singdawng ai hta, Karai Kasang gaw shanhte hpe shapoi kau na ra ai.

SHAKAWN KUNGDAWN 83:13

Karai Kasang e, shanhte hpe ga nhpu zawn agat kau nna; nbung e shapoi kau ai numhkaw zawn, shapoi kau u.

GA SHAGAWP 1:27

Hkrit kajawng ai ru tsang nbung gaw laru zawn, na a ntsa e, du wa ai shaloi, nang gaw nchyi nmu hte nni nkri hkrum sha nga ndai.

ESAIA 11:4

shi gaw matsan mayan ni hpe rap ra ai hku tara jeyang nna matsan mayan hkrum ai ni a ahkaw ahkang hpe makawp maga ya na ra ai. Shi a hkang da ai ga hte maren amyu masha ni ari jaw ai hkrum nna, n hkru ai masha ni si mat na mara ai.

ESAIA 17:11

Rai tim, nang hkai da ai dai ni gaw maku rawt wa nna jahpawt manap e apu pu wa tim, dai yang e mangai shu la na aten naw n nga nga ai. Dai yang e ru yak tsin-yam tsindam hte shamai n lu ai nchyi nmu chyu sha nga nga na ra ai.

ESAIA 17:13

Masha amyu baw ni gaw hka leng ni rawt hta wa ai zawn rawt lung wa ma ai, rai ti mung Karai Kasang gaw shanhte hpe daru ai shaloi shanhte gaw bum nhkrem hkan kap ai ga nhpu zawn, bung hpoi hta lawm nang ai yihku zawn htingnut mat wa nna gau kau hkrum nga ma ai.

ESAIA 30:33

Moi chyaloi nhkoi kaw nna Asuri hkawseng hpe nat na matu wan htung kaba shara mi hkyen da nga ai. Dai gaw sung ai hte dam lada rai nna hpun ni hte sumpum shatsaw da nga ai. Dai Madu gaw dai shara hta wan shachyi na matu wan shinglet gawut bang dat na ra ai.

ESAIA 37:7

Dai Madu gaw hkawseng wa hpe htingwan shiga na shangun nhtawm shi a mungdan de bai nhtang wa shangun na ra ai, dai Madu gaw shi hpe dai shara hta sat kau na wu ai.”

ESAIA 40:7

Dai Madu gaw dai ni a ntsa e nbung ahpawt dat ai shaloi, tsingdu ni nyui mat nna nampan ni run mat nga ai. Amyu masha ni gaw tsingdu hta grau nna n grin nga ai.

ESAIA 41:16

Nang gaw dai ni hpe nbung hta katsap kau na rin dai; nbung gaw dai ni hpe ahpawt mat wa na ra ai, dai ni gaw nbung laru hte shabra kau hkrum na mara ai. Dai hpang nang kabu gara lu na ndai hpa majaw nga yang, ngai gaw na a Karai Kasang rai nga nngai; nang gaw chyoi pra ai Israela a Karai Kasang ngai hpe shakawn kungdawn na ra ai.

ESAIA 41:2

“Sinpraw mung kaw na awng padang lu ai wa hpe kadai sharawt tawn nna, shi du hkawm ai shara shagu hta shi hpe awng padang kadai jaw ya nga a ta? Hkawhkam ni hte masha amyu baw ni a ntsa e awng dang na ahkang shi hpe kadai jaw a ta? Shi a nhtu shanhte hpe ga nhpu hpe zawn kahtam kau nga ai. Shi a ndan pala ni gaw nbung bungsha hta yihku poi lawm ai zawn shanhte hpe shabra kau na ra ai.

YEREMIA 22:30

“Ndai masha gaw shi a kashu kasha shamat kau na matu mung, galoi mung n awng dang ai masha tai na matu mung, ndai masha wa gaw dingnye hkrum nga ai. Shi hta Dawi a hkaw tingnyang matut na Yuda mung hpe up hkang na aru arat ni htum mat na mara ai. Dai Madu ngai nan tsun ni ai.”

YEREMIA 23:19

Shi a pawt sindawng ai gaw nbung laru rai nga nna dai sindawng kahtet ai bungsha gaw n hkru ai wa a baw ntsa e ahpawt na ra ai,

HOSEA 13:15

Israela gaw tsingdu tsingman ni zawn law htam mayat maya wa mu tim, ngai gaw zaibru jang kaw nna kahtet kang ai sinpraw nbung dat dat na nngai. Dai gaw shanhte a hka hpawk ni hte hka htung ni hpe jahkraw kau na ra ai. Dai gaw manu hpu ai arai shagu hpe la kau ya na ra ai.

HOSEA 13:3

Dai rai nna ndai masha ni gaw jahpawt manap na sai wan zawn mung, shani jau jau hkoi mat ai numri zawn mung, mat mat na ra ai. Shanhte gaw bungsha hte poi mat wa ai chyarang pa na mam nsan zawn mung, wan hkut shadaw na pru ai wan hkut zawn mung rai ma ai.

NAHUM 1:14

Ndai gaw Asuri masha ni hte seng nna dai Madu daw dan ai mungga rai nga ai: “Shanhte hta shanhte a amying shingteng matut ya na aru arat ni pyi n nga mat na mara ai. Ngai gaw shanhte a karai ni a htingnu hta nga ai hpara sumla ni hpe jahten shaza ya na nngai. Ngai gaw Asuri masha ni a matu lupwa lajang ya nga nngai-shanhte asak hkrung nga na n ging nga masai!”

HAGI 1:9

“Nanhte gaw law law lu dan la na re ngu, myit mada myit dai, rai ti mung kaji sha mi lu la ma ai. Nanhte gaw dai dan la lu ai hpe la mat wa myit dai shaloi, ngai gaw dai hpe kawut shapoi kau we ai. Nawku Htingnu hten run nga ai majaw nanhte gaw tinang dum nta hkan bungli law nga myit dai.

ZEHKARIA 7:14

Shanhte hpe nbung laru e shapoi mat wa ai zawn maigan mungdan ni de ye kau nngai. Ndai ningru ningja ai mungdan gaw katsi katsang shara tai mat nna, kadai mung dai mung e nga nga na ma ai n rai.

ZEHKARIA 9:14

Dai Madu gaw shi a amyu masha ni a ntsa e dan pru nna; shi gaw shi a pala ni hpe myihprap gala ai zawn gap dat na ra ai. Tsaw Htum ai dai Madu gaw pahtau dum dat na ra ai; shi gaw dingda maga de na nbung laru hta hkawm sa wa na ra ai.