ESAIA 40:22 - Jinghpaw Common Language Bible 2009

²² Dai gaw mungkan ga ntsa tsang, lamu madin a ntsa e shi a tingnyang hta dung nga ai wa shabyin dat nga ai; de a npu e nga ai amyu masha ni hpe kaji la ai kagyin ni hpe zawn yu nga ai. Shi gaw sumsing lamu hpe sumpan grang zawn kahpyan da nga ai, shanu nga na matu sum langai zawn kahpyan da nga ai.

Jinghpaw Hanson Version Bible

²² Lamu madin ntsa e dung nna, de a npu e shanu nga ai ni hpe, dinggam-yaw zawn nawn ai wa gaw, Shi nan rai nga ai: shi gaw sumsing lamu hpe nba zawn grang nna, shanu na matu sum zawn kahpyen da wu ai.

ESAIA 40:22 ပူးပေါင်းရင်းမြစ်များ

NINGPAWT NINGHPANG 1:6

Dai hpang Karai Kasang gaw, “Hka hpungnung hpe karan nna hka hte hka lahkawng brang karan na matu lamu madin nga u ga,” ngu nna hkang dat wu yang dai mung byin nga sai. Dai rai nna Karai Kasang gaw lamu madin hpe galaw nna madin kata e nga ai hka hte madin ntsa e nga ai hka hpe karan da wu ai.

YOBA 22:14

Htat ai sumwi ni a majaw sumsing lamu a lahta tsang e shi hkawm ai hpe n mu lu ai ngu nna nang myit nawn nga ndai.

YOBA 26:7

Karai Kasang gaw dingdung maga de na lamu hpe kahpyan da nna, ginding aga hpe hpa mung n nga ai hpatwat e noi da wu ai.

YOBA 36:29

Sumwi ni kaning rai mawng bra wa ai hte; Karai Kasang shanu nga ai sumsing lamu hku kaning rai mu ngoi nga ai hpe kadai mung chye lu ai n rai.

YOBA 37:18

Nang gaw sumsing lamu hpe kahpyan da nna, dai hpe shatsawm da ai nhprang arai hpe ja gumdin shangun ai Karai Kasang hpe karum lu a ni?

YOBA 9:8

Karai Kasang gaw sumsing lamu ni hpe kahpyan da nna, panglai numraw shingma ntsa hta shi kabye nga yang, kadai mung karum ai n rai.

SHAKAWN KUNGDAWN 104:2

na a hkum hpe nhtoi hte hpun lawai da nga ndai. Nang gaw sumsing lamu ni hpe sum zawn kahpyan da nna;

SHAKAWN KUNGDAWN 18:11

Shi gaw shi a hkum hpe nsin hte ka-up da nna; htat ai sumwi ni hte hka kaba ni shi hpe gawan shinggrup da nga ai.

SHAKAWN KUNGDAWN 19:4

rai tim, shanhte a mungga gaw mungkan ga shara shagu de chyam bra mat wa nna mungkan ting dai mungga hpe na lu nga ai. Karai Kasang gaw jan a matu lamu ntsa e nta langai gap da ya nu ai;

SHAKAWN KUNGDAWN 2:4

Sumsing lamu hta nga ai shi a tingnyang kaw nna dai Madu gaw shanhte a gawng kya ai yaw shada lam ni hpe mani asawng ya nga ai.

SHAKAWN KUNGDAWN 29:10

Dai Madu gaw sung ai hka ni hpe up nga ai; shi gaw htani htana hkawhkam hku up nga ai.

GA SHAGAWP 8:27

Shi gaw sumsing lamu hpe hpajang da ai hte nammukdara hpe lai di nna, lamu wunkau jarit hpe gawan da ai shaloi, dai hta ngai lawm nga ni ai.

ESAIA 19:1

Ndai gaw Egutu mung hte seng ai mungga rai nga ai. Dai Madu gaw sumwi ntsa e jawn nna Egutu mung de tin tin sa wa nga ai. Egutu hpara sumla ni shi a man e gari ashun nna Egutu masha ni nden marai sum mat ma ai.

ESAIA 37:16

“Singkaw tu ai hkrung kanu ni a ntsa e dung nga ai Chyahtum Chyalai N-gun rawng nga ai dai Madu Israela a Karai Kasang e, nang gaw mungkan ga na mungdan yawng mayawng hpe up ai Karai Kasang nang chyu sha rai nga ndai. Nang gaw ginding aga hte sumsing lamu hpe hpan da nga ndai.

ESAIA 40:15

Masha amyu baw ni gaw dai Madu a matu kaman lila rai nga ai, dai ni gaw hka kahte mi hta pyi grau ma ai n rai; sumtsan ga na zunlawng ni gaw ga nhpu zawn tsang nga ai.

ESAIA 40:17

Masha amyu baw ni gaw shi a matu kaman be be rai ma ai.

ESAIA 42:4

Shi gaw myit mada shara, nden marai shamat kau na ra ai n rai; shi gaw ginding aga ntsa e teng man rap ra ai tara shagrin da na ra ai. Sumtsan mung na ni gaw shi a sharin shaga ga hpe sharawng awng ai myit hte ala nga ma ai,” ngu nna tsun ai.

ESAIA 42:5

Karai Kasang gaw sumsing lamu ni hpe hpan da nna dai ni hpe kahpyan da nga ai; shi gaw ginding aga hte dai hta nga ai yawng mayawng hpe sumli da nu ai; shi gaw asak jaw ya nna dai hta nga ai amyu masha ni yawng hpe nsoi nsa bang ya nga ai. Ya chyawm gaw Madu Karai Kasang gaw shi a shangun ma hpe,

ESAIA 44:24

“Ngai gaw nang hpe hkye hkrang la ai dai Madu rai nga nngai; Ngai gaw nang hpe hpan da ai wa rai nngai. Ngai gaw arai yawng mayawng hpe Hpan Da Ai Wa, dai Madu rai nga nngai. Ngai chyu sha sumsing lamu ni hpe kahpyan da nngai; Ginding aga hpe ngai hpan ai shaloi, kadai mung ngai hpe n karum nga ai.

ESAIA 51:13

Nang gaw nang hpe hpan da ai, sumsing lamu ni hpe kahpyan da ai wa, ginding aga a npawt nhpang ni hpe jahkrat tawn ai wa dai Madu hpe malap kau nu ni? Nang hpe dip gamyet sha ai ni a n-yun bu ai a tut nawng hkrit ra ai shara hte, nang hpe shamyit kau na matu jin jin rai nga ai ni a shara hta nang hpa majaw nga ang nga n ta? Shanhte a n-yun bu ai gaw nang hpe galoi mung hkra lu na n rai.

ESAIA 66:1

Dai Madu gaw, “Sumsing lamu gaw nye a tingnyang, ginding aga gaw nye a lagaw kabye lahkum rai nga ai. Dai rai yang, nye a matu kaning re ai nta nang galaw lu nga n ta? Nye a matu shanu nga na shara kaning re ai mi rai nga a ta?

YEREMIA 10:12

Dai Madu gaw shi a daru magam n-gun hte ginding aga hpe hpan da nu ai; shi a hpaji byeng-ya hte mungkan ga hpe hpan da nna, sumsing lamu ni hpe kahpyan da nu ai.

ZEHKARIA 12:1

Ndai gaw sumsing lamu ni hpe kahpyan nna ginding aga hpe hpan da let, masha hpe sak jaw ya nga ai dai Madu kaw na Israela hte seng ai mungga rai nga ai.

BU HKAWM 13:33

dai mung na Anak a amyu matu ngu na hkum hkrang galu kaba ai ni hpe pyi anhte mu da ga ai. Anhte gaw shanhte a man e kaji la ai hkagrit hkadawn ni zawn rai nna shanhte hpe anhte sharawt mada na pyi n gwi ga ai,” ngu nna tsun dan ma ai.