ESAIA 40:19 - Jinghpaw Common Language Bible 2009

¹⁹ Shi gaw masha e tawk galaw nna, janghkam wa aja hte sup nhtawm gumhpraw hte mawn sumli da ai hpara sumla langai hte bung ai n rai.

Jinghpaw Hanson Version Bible

¹⁹ Sumla rai yang, chye galaw ai wa gaw dai hpe jaw nhtawm, janghkam wa aja sup nna, de a matu gumhpraw saidawng jaw nga ai.

ESAIA 40:19 ပူးပေါင်းရင်းမြစ်များ

SHAKAWN KUNGDAWN 135:15

Masha amyu baw ni a hpara sumla ni hpe ja gumhpraw ni hte galaw da nna; dai ni gaw masha a lata hte tawk shapraw da ai sumla ni rai nga ai.

SHAKAWN KUNGDAWN 135:18

Dai ni hpe tawk ai ni hte, shanhte hpe kam hpa nga ai ni yawng hte mung shanhte galaw ai sumla ni zawn rai mat na mara ai.

ESAIA 2:20

Dai nhtoi du ai shaloi, shanhte gaw shanhte galaw ai aja gumhpraw hpara sumla ni hpe kabai kau nna dai ni hpe sharu ni hte patsip ni hpang de tawn kau da ya na ra ai.

ESAIA 2:8

Shanhte a lamu ga gaw hpara sumla ni hte hpring nga ai, shanhte gaw shanhte a lata ni hte nan galaw ai hkrang rai ni hpe nawku ma ai.

ESAIA 30:22

Nanhte gaw gumhpraw hte sup ai hpara sumla ni hte ja hte sup ai hpara sumla ni hpe la nna matsat shabat arai zawn dai ni hpe kabai kau nna, “Nye a man kaw na pru mat wa mu!,” ngu nna jahtau tsun na rai myit dai.

YEREMIA 10:9

Shanhte a hpara sumla ni hpe Spain mung na gumhpraw, Uhpaza shara kaw na pru ai aja ni hte sup da nhtawm, dai ni yawng gaw sumla maka soi ai ni a lata amu ni rai nga ai; shanhte gaw kung kyang ai ni da sama da ai sumpan mut hte mang ai ni hpe bu hpun da ma ai.

Daniela 5:4

aja, gumhpraw, magri mang, hpri, hpun hte nlung ni hte galaw ai karai ni hpe shakawn kungdawn nga ma ai.

HOSEA 8:6

Lata sama hpaji rawng ai Israela masha langai mi hpara sumla galaw nga ai. Dai gaw kaja wa karai kasang langai n rai nga a hka! Samari mare hta nawku ai aja dumsu agrawp mani kau ai hkrum na rai hka!

TARA AGYI 17:4

Dai hpang shi gaw gumhpraw dai shi a kanu hpe bai ap ya wu ai. Kanu mung gumhpraw lahkawng tsa la nhtawm hpara sumla hpe hpun hte tawk nna gumhpraw hte jaw ai amu galaw ai janghkam wa hpe sa jaw wu ai. Dai gaw Mihka a nta e tawn da nga ai.