ESAIA 40:17 - Jinghpaw Common Language Bible 2009

¹⁷ Masha amyu baw ni gaw shi a matu kaman be be rai ma ai.

Jinghpaw Hanson Version Bible

¹⁷ Amyu baw ni yawng, shi a man e hpa n re ai zawn rai nga ai; shi gaw shanhte hpe lam n la ai kaman zawn, nawn nga ai.

ESAIA 40:17 ပူးပေါင်းရင်းမြစ်များ

YOBA 25:6

Dai rai yang, masha gaw hpa wa rai ta? Byet, shingtai ni rai nga a ni? Karai Kasang a man e masha gaw hpa manu dan nga a ni?

SHAKAWN KUNGDAWN 62:10

Kabring kabrawng du daw sai hkaw re ai amu hpe nang hkum kam hpa nga et; mya lu mya sha nna lu la ai arai hpa hpe rai tim, hkum myit mada nga et, nang sut su wa ti mung, dai ni hta myit hkum manoi nga et.

SHAKAWN KUNGDAWN 62:9

Shinggyim masha yawng hte gaw nsa sa lai nbung kasha zawn sha rai nga ma ai; galu kaba ai wa hte kaji kadun ai wa mung, maren sha manu n dan nga ai. Shanhte hpe joi hta shen yu ai shaloi, shanhte a namnak hpa mung n rawng nga ma ai; shanhte gaw nsa sa lai nbung hta pyi grau nna tsang nga ai.

ESAIA 2:22

Si chye ai shinggyim masha ni hta hkum kam hpa nga et. Shanhte hpa tai nga ma ta?

ESAIA 29:7

dai hpang masha amyu baw ni a hpyen luksuk ni gaw Karai Kasang a tawn hkungri a mare hpe gasat nga na mara ai, shanhte a hpyen laknak arung arai yawng hte hpyen hking arai magup hte gaw yup mang zawn hkoi mat na mara ai, dai gaw shana e myit mang ai arai lama mi zawn tai na ra ai.

Daniela 4:32

Nang gaw shinggyim masha uhpung kaw na shaden kau hkrum ai hte matse labye dusat ni hte rau nga let sanit ning tup dumsu zawn tsingdu tsingman sha na rai ndai. Shaloi Tsaw Htum ai Karai Kasang gaw masha mungdan ni a ntsa e up ai daru magam n-gun lu nna shi lata san da ai kadai hpe mung shi jaw lu nga ai hpe nang yin la na rai ndai,” ngu nna sumsing lamu kaw na nsen ngoi pru nga ai.

2 KORINHTU 12:11

Ngai gaw angawk ai wa zawn rai nga nngai. Nanhte mahtang ngai hpe dai zawn rai shangun manit dai. Nanhte ni mahtang ngai hpe tau madi shadaw ai lam madun ang ai ni rai nga myit dai. Hpa majaw nga yang, ngai gaw hpa n re ai wa rai nga yang pyi gaw, nanhte a laksan ahkyak shatai ai “Kasa ni” hta gara hku nna mung n grit nga nngai.