ESAIA 40:14 - Jinghpaw Common Language Bible 2009

¹⁴ Karai Kasang gaw kaning re ai arai ni hpe kaning rai galaw ang na lam chye na na matu mung, hkawn hkrang na matu mung, sharin la na matu mung kadai hte bawng ban jahkrup ra nga a ta?

Jinghpaw Hanson Version Bible

¹⁴ Shi kadai hte bawng nna, shi hpe sharin ai wa kadai: tara ding ai lam, chye chyang ai lam, nyan byeng-ya rawng ai lam madun nna shi hpe sharin ya ai wa, kadai rai ta?

ESAIA 40:14 ပူးပေါင်းရင်းမြစ်များ

NINGPAWT NINGHPANG 1:2

ginding aga gaw hkrang kata akrin akraw rai nga ai. Yawng mayawng hpe ka-up da ai dai wu kadu ai nammukdara gaw sin mak ai nsin hta rawng nga ai hte Karai Kasang a Wenyi mung hka hpung ni a ntsa e shamu hkawm nga ai.

YOBA 21:22

Matsaw Lahta tsang na ni hpe pyi tara jeyang ai Karai Kasang hpe kadai wa sharin ya lu na rai ta?

YOBA 36:23

Karai Kasang hpa galaw ai hpe kadai mung n tsun lu ai; n hkru ai amu galaw nga ai nga nna shi hpe kadai mung mara tam lu ai n rai.

YOBA 38:4

Mungkan ga hpe ngai hpan da ai shaloi, dai yang e nang nga nga a ni? Nang grai chye ai rai yang, dai hte seng ai lam ngai hpe tsun dan e.

SHAKAWN KUNGDAWN 119:35

Na a hkang da ai tara ni hta, kabu gara ai lam hpe ngai mu nngai majaw, dai ga matsun ni hpe chye madat mara nga shangun rit.

ESAIA 41:28

Ngai gaw karai ni hpe mada yu ai shaloi, shanhte hta na lama mi tsun dan lu ai mi kadai n nga; ngai san ai ga san ni hpe langai mi mung n htan lu nga ai.

KOLOSE 2:3

Shi gaw Karai Kasang a makoi magap da ai hpaji byeng-ya nlang hte hte chye chyang ai lam ting hpe hpaw dan ai zaw si rai nga ai.

YAKU 1:17

Mai kaja ai hte hkum tsup re ai chyeju kumhpaw kumhpa nlang hte gaw, sumsing nhtoi hkum ni hpan da ai hte ningsin hpe gale galau di nna n kayin shangun ai sumsing lamu e nga ai Karai Kasang kaw na yu wa sai rai nga ai.