ESAIA 40:12 - Jinghpaw Common Language Bible 2009

¹² Nammukdara hpe lata latup mi hte kadai shadawn lu a ta? Sumsing lamu hpe shi a lata hte kadai shadawn lu a ta? Ginding aga a ga sau hpe gawm hta bang nna kadai lang lu a ta? Bum ni hte kawng ni hpe joi jang hta bang nna kadai shen lu a ta?

Jinghpaw Hanson Version Bible

¹² Nammukdara hka hpe lata lahkyawn hte shadawn ai wa, sumsing lamu hpe tinang lata hte lahkam yu ai wa, ga nhpu hpe dang bye hte hteng yu ai wa, bum ni hpe joi hte kawng ni hpe jang hte, shen yu ai wa, kadai wa rai ta?

ESAIA 40:12 ပူးပေါင်းရင်းမြစ်များ

YOBA 28:25

Karai Kasang gaw nbung hte de a n-gun bang ya nna, Panglai a hkrang kade kaba nga ai hpe shadawn sharam yu na myit jahkut da ai shaloi mung,

GA SHAGAWP 30:4

Sumsing lamu hte seng ai machye machyang hpaji hpe, kadai wa hkrak dang chye lu nga a ta? Shi a lata hta nbung hpe rim latup da yu sai gaw, kadai wa nga nga yu sata? Sumpan hkyep hte hka hpe makai hkayawp yu sai gaw, kadai wa nga nga yu sata? Ginding aga a jarit ni hpe, kadai wa shangang shagrin da yu sata? Shi gaw kadai wa rai nga a ni? Shi a kasha gaw kadai wa rai nga a ni? Nang chye ai rai yang, tsun u.

ESAIA 48:13

Nye a lata hte ginding aga a npawt nhpang ni hpe gaw da nna, sumsing lamu ni hpe kahpyan da nngai. Ginding aga hte sumsing lamu hpe ngai shaga dat ai shaloi, dai ni kalang lata du sa nna nga sharat madun dan ma ai.

YEREMIA 31:37

Lani mi na nhtoi hta, sumsing lamu hpe shadawn lu nna ginding aga a npawt nhpang ni hpe sawk yu lu ai rai yang chyu sha, Israela amyu masha ni shanhte yawng galaw sai amu a majaw shi kabai kau na ra ai. Dai Madu nan tsun nu ai.

AMO LAIKA (AMOS) 4:13

Karai Kasang gaw bum ni hpe galaw da ai wa rai nna nbung hpe hpan da nga ai. Shi gaw shi a myit mang lam masha ni hpe chye shangun nga ai; shi gaw nhtoi hpe nsin galai kau nga ai. Shi gaw ginding aga a tsaw ai shara ni hta hkawm nga ai. Ndai gaw shi a amying shingteng rai nga ai: Chyahtum Chyalai N-gun rawng ai Madu Karai Kasang rai nga ai!

SHINGRAN 20:11

Dai hpang, galu kaba ai tingnyang ahpraw mung, dai hta e dung nga ai wa hpe mung ngai mu nngai. Dai Madu a man na aga hte lamu gaw hkoi mat wa nna, dai yan hpe n mu yu mat sai.