ESAIA 40:11 - Jinghpaw Common Language Bible 2009

¹¹ Shi gaw sagu rem ai wa zawn shi a sagu hpung hpe lanu lahku na ra ai; shi gaw sagu kasha ni hpe shinggyin la nna dai ni hpe shi a lata lahpum hta pawn da na ra ai; shi gaw dai ni a kanu ni hpe angwi sha woi sa na ra ai.

Jinghpaw Hanson Version Bible

¹¹ Shi gaw sagu rem wa zawn, shi a sagu hpung ni hpe rem na ra ai; sagu kasha ni hpe shinggyin la nhtawm, hpai pawn na ra ai; hkalung woi ai sagu kanu ni hpe mung, angwi sha woi wa na ra ai.

ESAIA 40:11 ပူးပေါင်းရင်းမြစ်များ

NINGPAWT NINGHPANG 33:13

Yaku mahtang, “Ma ni mung n kung ma ai; bai sagu ni hte yam nga hpung hta chyu chyu ai hkalung ni hkan nang ma ai hpe ngai myit shalawm ra ai mung nang chye nga ndai. Dai sha n-ga, lani mi hta sha dai ni hpe nau hte gawt shatsang jang mung uhpung ting si mat na mara ai.

NINGPAWT NINGHPANG 49:24

Rai ti mung Chyahtum Chyalai N-gun rawng ai Yaku a Karai Kasang a daru magam n-gun hte, Sagu rem wa ngu ai Israela hpe makawp maga ai wa a majaw mung, Shi a ndan dingyang kaja nna, Shi a lahpum ni mung n-gun hte hpring nga ai.

SHAKAWN KUNGDAWN 100:3

Dai Madu gaw Karai Kasang rai nga ai hpe yin la mu. Shi anhte hpe hpan da mi ai rai nna, anhte mung shi hte seng ai ni rai nga ga ai; anhte gaw shi a amyu masha ni rai nna, shi a sagu hpung ni rai nga ga ai.

SHAKAWN KUNGDAWN 27:10

Nye nu yan wa ngai hpe kabai kau da ai rai tim, Madu gaw ngai hpe lanu lahku la na ra ai.

SHAKAWN KUNGDAWN 28:9

Madu e, na a amyu masha ni hpe hkye hkrang la u, na a amyu masha ni hpe shaman ya u. Shanhte hpe yu ai sagu rem wa tai nga nna, shanhte hpe htani htana lanu lahku nga u law.

SHAKAWN KUNGDAWN 37:3

Dai Madu hta kam hpa nga let mai kaja ai amu hpe galaw nga u; dai lamu ga hta shanu nga nna shim nga u.

SHAKAWN KUNGDAWN 80:1

Israela amyu masha ni a Sagu Rem Wa e, anhte hpe madat ya mi; sagu hpung ni a ningbaw wa e, anhte hpe na ya mi. Singkaw tu ai hkrung kanu ni a ntsa na, na a tingnyang hta dung nga ai wa e,

ESAIA 42:3

Shi gaw magaw ai mai-aw hpe shadaw na n rai, kachyi mi sha tu ai wan kawk hpe gawut sat na n rai. Shi gaw agrin nga ai teng man rap ra ai tara hpe yawng mayawng a man e shapraw dan na ra ai.

ESAIA 63:11

Rai ti mung, shanhte gaw lai sai aten, dai Madu a shangun ma Mawshe a nhtoi ni hpe dum ma ai rai nna shanhte gaw, “Panglai kaw na shi a amyu masha ni a ningbaw ni hpe hkye hkrang la sai dai Madu gaw ya kanang rai nga a ta? Mawshe hpe shi a wenyi jaw ya ai dai Madu gaw kanang rai nga a ta?

YEREMIA 31:10

Dai Madu gaw, “Masha amyu ni e, nye a ga madat mara mu; nye a mungga hpe sumtsan zunlawng ni de hkaw tsun mu. Ngai gaw nye a amyu masha ni hpe shabra kau nngai, rai ti mung, ngai shanhte hpe bai shinggyin da na nngai, sagu rem ai wa gaw sagu hpung hpe bau rem nga ai zawn, ngai mung shanhte hpe bau rem nga na nngai.

YEREMIA 31:8

Ngai gaw shanhte hpe dingdung maga de nna woi wa nhtawm, lamu ga htum ai shara kaw nna shanhte hpe shinggyin da na nngai. Myi n mu ai ni hte lagaw hten ai ni, hkum gawng li ai num ni hte shinggyim machyi hkrum ai num ni gaw shanhte hte rau sa wa na mara ai. Shanhte gaw amyu kaba bai tai wa na mara ai.

EZEKELA 34:15

Ngai nan nye sagu ni a sagu rem wa tai nna shanhte a matu ban sa shara hpe mung ngai tam ya na nngai. Tsaw Htum ai dai Madu ngai nan tsun ni ai.

EZEKELA 34:16

“Ngai gaw mat mat sai ni hpe hkan tam na nngai, dam hkawm mat ai ni hpe mung woi nhtang wa na nngai; ningma machyi ai sagu ni hpe mung ahkyen kayawp ya na nngai, machyi ai ni hpe mung shamai ya na nngai; rai ti mung hpum sau ai ni hte n-gun ja ai ni hpe chyawm gaw ngai jahten kau na nngai, hpa majaw nga yang, ngai gaw teng man ai hte maren galaw ai sagu rem wa rai nga nngai.

EZEKELA 34:2

Shi gaw, “Si chye ai masha wa e, Israela a du ni hpe jahpoi u. Tsaw Htum ai dai Madu ngai nan shanhte hte seng nna tsun ai myihtoi ga ni hpe htoi u: Israela a sagu rem ni e, nanhte gaw dingnye hkrum nga myit dai! Nanhte gaw tinang hkum hpe sha bau nna, sagu ni hpe galoi mung bau rem nga myit dai n rai.

EZEKELA 34:23

Shanhte hpe rem ai sagu rem wa langai tai wa na matu, nye a shangun ma Dawi hte bung ai hkawhkam langai ngai shanhte hpe jaw na nngai, shing rai shi gaw shanhte hpe rem ai sagu rem wa tai nna lanu lahku na ra ai.

EZEKELA 34:31

“Nye a sagu ni e, ngai bau rem ai sagu hpung nanhte gaw nye a amyu masha ni rai nga myit dai; ngai gaw nanhte a Karai Kasang rai nga nngai,” ngu nna Tsaw Htum ai dai Madu tsun ai.

EZEKELA 37:24

Nye a shangun ma Dawi hte bung ai hkawhkam langai mi mung shanhte a hkawhkam tai na ra ai. Shanhte yawng gaw up hkang ai du langai a npu hta taw nga nna nye a tara ni hpe kangka ai hte hkan sa madat mara na mara ai.

MIHKA 5:4

Shi du sa ai shaloi, shi gaw dai Madu kaw nna n-gun atsam hte Madu Karai Kasang shi hkum nan a daru magam hpung shingkang hte shi a amyu masha ni hpe up hkang wa na ra ai. Shi a amyu masha ni mung shim lum ai hte nga lu na mara ai; hpa majaw nga yang, aga ting na masha ni yawng shi a galu kaba ai magam amu hpe yin la na mara ai,

MIHKA 7:14

Madu e, nang lata san da sai na a amyu masha ni a matu sagu rem wa tai nga u. Shanhte gaw nam mali kata hkan dumbri dumbra rai nga nga ma ti mung, dai shara hta ga sau kaja ai lamu ga gaw shanhte hpe gawan da nga ai. Bashan hte Gilead mung na udat shara hta lai sai aten shanhte nga ningngai lu ma ai zawn shanhte sa nna sha lu mu ga.

ZEHKARIA 11:7

Sagu ni hpe dut mari ai ni gaw ngai hpe saw shaga ma ai; dai rai nna ngai gaw sat na matu san da ai sagu ni hpe rem ai wa ngai tai nga nngai. Ngai gaw dawhkrawng lahkawng la nna langai mi hpe “Myi man pa lam” kaga langai mi hpe “Myit hkrum lam” ngu nna shamying nngai. Shaloi sagu hpung hpe ngai bau rem nngai.

ZEHKARIA 13:7

Chyahtum Chyalai N-gun rawng ai dai Madu gaw, “Nhtu e, hprang u; nye a matu amu galaw ai sagu rem wa hpe htim anut u! Shi hpe sat kau u, shaloi sagu ni bra ayai mat na mara ai.

HEBRE 13:20

Shi a asak hpe nawng ya kau nna si hkam ai hte htani htana ga shaka hpe dazik dawk da sai majaw sagu ni a Sagu Rem Wa Kaba ngu ai anhte a Madu Yesu hpe Karai Kasang gaw si ai kaw na bai jahkrung sharawt la nu ai.

1 PETRU 2:25

Nanhte gaw lam dam mat ai sagu ni zawn rai nga myit dai; ya chyawm gaw sagu rem wa hte nanhte a myit masin ni hpe up madu da ya ai wa a hpang e hkan nang na matu shi hpang de bai woi du wa manit dai.

1 PETRU 5:4

Dai Sagu Rem Agyi Kaba Wa dan pru ai shaloi nanhte gaw htoi kabrim ai nsam galoi mung n mat chye ai arawng sadang hte hpring ai janmau lu la na marin dai.

SHINGRAN 7:17

Hpa majaw nga yang, tingnyang ka-ang e nga ai Sagu Kasha gaw, shanhte a sagu rem wa tai na ra ai, rai nna, asak hka hpawk du hkra shanhte hpe lam madun na ra ai. Karai Kasang mung, shanhte a myi ni hta na myi prwi yawng tsai hkra katsut kau ya na ra ai,” ngu nna ngai hpe tsun ai.