ESAIA 40:1 - Jinghpaw Common Language Bible 2009

¹ Anhte a Karai Kasang gaw, “Nye a amyu masha ni hpe shalan shabran mu, shanhte hpe shalan shabran mu!

Jinghpaw Hanson Version Bible

¹ Nye a amyu hpe shalan shabran mu, shalan shabran mu, nga nna nanhte a Karai Kasang tsun nga ai.

ESAIA 40:1 ပူးပေါင်းရင်းမြစ်များ

NEHEMIA 8:10

Ya chyawm gaw, dum nta de nhtang wa nna mu mai ai lusha sha manu. Alaw alam n lu ai ni hpe nanhte a malu masha hte sabyi ntsin ni karan jaw mu. Dai ni gaw anhte a Madu a matu chyoi pra ai shani rai nga ai, dai rai nna hkum yawn nga myit. Dai Madu nanhte hpe jaw ai kabu gara lam gaw nanhte hpe n-gun ja shangun na ra ai,” ngu nna tsun ma ai.

SHAKAWN KUNGDAWN 85:3

Shanhte hpe masin pawt ai lam nang jahkring kau nna; na a masin kahtet ai hpe mung shakawp kau nga ndai.

SHAKAWN KUNGDAWN 85:8

Madu Karai Kasang tsun nga ai ga hpe ngai madat nga nngai; anhte gaw angawk angak re ai lam ni de n kayin sa mat wa ai rai yang, shi a amyu masha ni rai nga ai anhte hpe ngwi pyaw sim sa ai lam jaw ya na shi ga sadi tawn da nga ai.

HPAJI NINGLI 3:4

Shi gaw yawn hkyen ai aten hte kabu gara ai aten hpe mung, hkrap ngu hkrap ngoi ai aten hte ka manawt ai aten hpe mung,

ESAIA 12:1

Amyu masha ni gaw, “Madu e, ngai nang hpe shakawn kungdawn nngai! Nang gaw ngai hpe pawt sindawng nit dai, rai ti mung ya chyawm gaw nang ngai hpe shalan shabran ai hte galoi mung pawt bu na n rai nga ndai.

ESAIA 3:10

Ding hpring ai wa gaw a lu na ra ai, arai shagu shanhte a matu mai kaja na ra ai. Shanhte gaw shanhte galaw ai amu a majaw kabu gara na mara ai.

ESAIA 41:27

Dai Madu ngai gaw Ziun a shiga hpe shawng tsun dan ai wa rai ni ai; Ngai gaw Yerusalem hpe ning ngu tsun na matu kasa dat ni ai: ‘Na amyu masha ni gaw du wa na mara ai! Shanhte gaw dum nta de du wa mara ai!’

ESAIA 50:10

Dai Madu hpe shagrau sha-a ai nanhte yawng gaw shi a shangun ma wa a n-gup aga ni hpe madat mara nga ai, nang hkawm sa ai lam gaw kaja wa nsin sin chye nga ai, rai ti mung dai Madu hpe kam hpa nna, na a Karai Kasang hta shamyet shanat nga u.

ESAIA 51:12

Dai Madu gaw, “Ngai gaw nang hpe n-gun shaja ya ai wa rai nga nngai. Nang gaw hpa majaw tsingdu hta grau nna pyi n grin lu ai si chye ai masha wa hpe hkrit nga n ta?

ESAIA 51:3

“Ngai gaw Yerusalem hte de a hten run mat sai shara ni hkan shanu nga ai ni yawng hpe matsan dum myit madun dan na nngai. Shi a lamu ga gaw zaibru jang rai nga ti mung Eden hta ngai hkai da ai sun zawn, dai hpe sun langai shatai na nngai. Dai yang e kabu gara ai hte pyaw ngawn ai lam nga na ra ai, ngai hpe shakawn kungdawn ai mahkawn mangoi ga ni hte chyeju dum na mara ai.

ESAIA 52:9

Hten run mat sai Yerusalem, nang e, kabu gara jahtau garu u! Dai Madu gaw shi a mare hpe hkye mawai la nna shi a amyu masha ni hpe shalan shabran na ra ai.

ESAIA 60:1

Yerusalem e, rawt u, ajan zawn htoi tu u; Dai Madu a hpung shingkang gaw na a ntsa e htoi tu nga ai!

ESAIA 61:2

Dai Madu gaw shi a amyu masha ni hpe Hkye hkrang la nna shanhte a gumlau hpyen ni hpe dang kau na aten du sai lam Tsun shana na matu, Shi ngai hpe shangun dat ni ai. Shi gaw sharung shayawt ai ni yawng hpe shalan shabran na matu

EZEKELA 16:42

Dai hpang, nye a masin kahtet ai gaw kawp mat wa nna atsin sha nga nga na nngai. Ngai gaw loi mi mung pawt sindawng ai hte manawn masham ai myit mung rawng na nngai n rai.

ZEHKARIA 1:13

Dai Madu gaw lamu kasa hpe ngwi pyaw ai ga ni hte htan nhtawm,

ZEHKARIA 1:17

Lamu kasa gaw ning ngu hkaw tsun na matu ngai hpe tsun da nga ai: Chyahtum Chyalai N-gun rawng ai dai Madu gaw shi a mare ni bai ngamu ngamai wa ai hte lang mi bai Yerusalem hpe karum la let, shi madu da ai mare zawn shatai na nga tsun ai.”

ZEHKARIA 9:9

Ziun amyu masha ni e, kabu gara nga mu, kabu gara nga mu! Yerusalem amyu masha ni e, kabu gara jahtau garu nga mu! Yu mu, nanhte a hkawhkam wa gaw nanhte hpang de sa wa nga ai! Shi gaw padang ninglaw hte awng dang ai lam lu la nga ai, rai ti mung shagrit shanem ai myit hte lawze ntsa e jawn nga ai- lawze kasha langai a ntsa e, lawze kanu a kasha a ntsa e jawn nga ai.

2 KORINHTU 1:4

Anhte ru yak jam jau amyu myu hkrum ai shaloi Karai Kasang anhte hpe karum la mani ai. Dai rai nna, anhte gaw Karai Kasang kaw na anhte hkam la lu sai shalan shabran ai chyeju hte nan ru yak jam jau amyu myu hkrum nga ai kaga masha ni hpe bai karum la lu ga ai.

1 HTESALONI 4:18

Dai re ai majaw, ndai ga ni hte shada da shangwi shapyaw n-gun jaw hkat nga mu.