ESAIA 4:6 - Jinghpaw Common Language Bible 2009

⁶ Shi a hpung shingkang gaw shani na jan a kahtet kang ai kata kaw nna shim nga ai shara hte nbung laru hte marang htu ai kaw na shingbyi shinggang na matu dai mare a ntsa e shingnip ya na ra ai aten du wa nga ai.

Jinghpaw Hanson Version Bible

⁶ Shani e jan kahtet yang, nbung laru hte marang htu yang, shingbyi shinggang na matu, sum langai mi kaap na ra ai.

ESAIA 4:6 ပူးပေါင်းရင်းမြစ်များ

SHAKAWN KUNGDAWN 27:5

Ru tsang hkrum ai aten ni hta, shi gaw nye a shingbyi shara tai ya na ra ai; shi gaw ngai hpe shi a Htingnu kata hta shim ai hte bau sin na ra ai hte, tsaw ai lunghkrung ntsa e, ngai hpe shim nga shangun na ra ai.

SHAKAWN KUNGDAWN 55:8

Ngai gaw nbung bungga hte laru kaba kaw nna lawt na, nye a matu shingbyi shara langai mi hpe tam na we ai.

SHAKAWN KUNGDAWN 91:1

Shim nga lu na matu, Madu hpang de du sa wa ai wa kadai rai ti mung; Chyahtum Chyalai n-gun rawng ai Wa a makawp maga ai npu hta shanu nga ai wa kadai rai ti mung,

GA SHAGAWP 18:10

Dai Madu gaw ngang ai langchyi zawn rai nga ai; ding hpring ai wa gaw dai shara de sa lu nna, shim nga lu ai.

ESAIA 14:32

Anhte gaw Hpilisti mung kaw nna anhte hpang de du sa wa ai kasa ni hpe kaning ngu htan na rai ga ta? Anhte gaw shanhte hpe dai Madu gaw Ziun hpe gaw da nu ai; nni nkri hkam sha nga ai shi a amyu masha ni gaw dai yang e shim lum lam mu tam la na mara ai, ngu tsun dan na ga ai.

ESAIA 25:4

Matsan mayan masha ni hte karum la masha n lu ai ni gaw nang kaw hprawng shang wa nna ru tsang hkrum ai aten ni hta shim lum nga ma ai. Nang gaw shanhte hpe nbung laru kaw na makoi shingbyi shara jaw ai hte hkru kahtet kang nga ai kaw na shingnip ka-up da ya nga ndai. Mazut ai gumlau hpyen ni gaw nshung ta na nbung laru langai zawn,

ESAIA 30:30

Dai Madu gaw shi a daru magam nsen hpe masha shagu hpe na la shangun nna, shi a masin kahtet ai n-gun hpe hkam sha shangun na ra ai. Dai shara hta wan hkru ai, marang kaba htu ai, sin marang hkrat ai, hte marang hka hpungtun ni hte hpring na ra ai.

ESAIA 32:1

Lani mi na nhtoi hta ding hpring ai myit hte up na hkawhkam langai hte teng man rap ra ai tara hte up hkang na ningbaw ni paw pru wa na mara ai.

ESAIA 32:2

Shanhte langai hte langai gaw nbung shingbyi shara hte nbung laru kaw na makoi shingbyi lu ai shara langai zawn tai na mara ai. Shanhte gaw zaibru jang e lwi nga ai hka shi ni zawn, akrin akraw re ai lamu ga hta nga ai kaba ai lunghkrung langai a shingnip zawn tai na mara ai.

ESAIA 8:14

Hkrit hkungga na zawn re ai nye a chyoi pra ai hpung shingkang a majaw, ngai gaw amyu masha ni hpe ahtu kataw shangun ai nlung zawn rai nga nngai; ngai gaw Yuda hte Israela a mungdan amyu masha ni hte Yerusalem mare masha ni hpe hkam ai mahkam zawn rai nga nngai.

EZEKELA 11:16

Ya chyawm gaw, na a bawng dung kahpu kanau ni hpe ngai tsun shaga ai mungga tsun dan u. Ngai gaw shanhte hpe sumtsan mung na masha amyu baw ni kaw shanu nga na matu, shangun kau dat ai wa rai nna, shanhte hpe kaga mungdan ni de shabra ayai kau ni ai. Rai ti mung, shanhte sa nga ai mungdan ni hta ngai gaw shanhte hte tawng marang mi rau nga nga na nngai.

HEBRE 11:7

Du na ra ai aten hta byin na ra ai garai n mu lu ai arai ni hte seng nna Karai Kasang sadi jaw ai hpe Noa na lu ai gaw shi a makam masham a majaw rai nga ai. Shi gaw Karai Kasang a ga hpe madat mara let sanghpaw li langai mi shachyaw nna shi hte shi a nta dinghku gaw hkye hkrang la ai hkrum manu ai. Shing re ai majaw, mungkan ga hpe shi jeyang nna Noa gaw makam masham hte seng ai ding hpring ai sali wunli hkam la nu ai.

HEBRE 6:18

Shing rai dai ga sadi hte dagam ai ga myu lahkawng yan gaw n mai galai mat ai baw re ai majaw Karai Kasang gaw masu ga tsun ai n rai. Dai re ai majaw shi hta shingbyi nna shim ai lam lu la ai ni ngu ai anhte gaw anhte hpe jaw ya ai myit mada shara hta ngang ngang kang kang magra noi nga na matu n-gun jaw ai lam grai wa lu la saga ai.

SHINGRAN 7:16

Shanhte gaw galoi mung kawsi hpang gara n hkrum na masai. Jan a shingna mung, hpa kang kahtet ai mung shanhte hpe hkru kau lu na n rai.