ESAIA 4:2 - Jinghpaw Common Language Bible 2009

² Dai Madu gaw hpun lawn hte hpun shagu hte hpe lamu ga hta tu kaba wa shangun ai hte tsawm htap shangun na ra ai. Asak naw hkrung nga ai Israela amyu masha ni gaw dai lamu ga na shapraw ya ai nsi naisi a majaw kabu awng sharawng ai hte gumrawng wa na mara ai.

Jinghpaw Hanson Version Bible

² Dai shani e Yehowa a Makrung gaw tsawm pra ai hte arawng sadang pu na ra ai rai nna, mungdan a namsi gaw, lawt lu ai Israela masha ni a matu, kaja htum ai hte htaphtuk na ra ai.

ESAIA 4:2 ပူးပေါင်းရင်းမြစ်များ

SHAKAWN KUNGDAWN 67:6

Lamu ga gaw shi a nsi naisi shapraw ya sai; Karai Kasang, anhte a Karai Kasang gaw anhte hpe shaman ya sai.

SHAKAWN KUNGDAWN 72:16

Lamu ga ni hta nsi naisi ni ja kat nga u ga; Lebanon mung na nsi naisi si ai zawn, kawng ni yawng hta hkai nmai ni rai nga mu ga; Prang yang na tsingdu ni zawn, mare ni hta amyu masha ni hte hpring nga mu ga.

PRU MAT 28:2

Na a nhpu Arun hta arawng sadang hte hpung shingkang hpraw ningja htap nga na matu hkinjawng hpun palawng galaw ya na rai ndai.

ESAIA 11:4

shi gaw matsan mayan ni hpe rap ra ai hku tara jeyang nna matsan mayan hkrum ai ni a ahkaw ahkang hpe makawp maga ya na ra ai. Shi a hkang da ai ga hte maren amyu masha ni ari jaw ai hkrum nna, n hkru ai masha ni si mat na mara ai.

ESAIA 26:1

Amyu masha ni Yuda mung hta ndai mahkawn mangoi ga hpe mahkawn shakawn ai nhtoi du wa nga ai: Anhte a mare gaw ngang kang nga a hka! Karai Kasang shi nan de a bunghku ni hpe makawp maga da nga ai!

ESAIA 27:6

Dai nhtoi ni du jang, Yaku a aru arat ni ngu ai Israela amyu masha ni gaw hpun zawn aru jung wa nna asi si na matu apu pu majawm wa na mara ai. Ginding aga gaw shanhte shapraw ai nsi naisi hte jahpring na mara ai.

ESAIA 30:23

Nanhte gaw nanhte a nsi naisi ni hpe hkai ai aten shagu, Madu gaw dai ni hpe tu shangun na matu marang jahtu ya nna nanhte hpe ja kat ai mangai jaw ya na ra ai, nanhte a yam nga hpung gaw udat shara law law madu lu na mara ai.

ESAIA 45:8

Ngai gaw marang htu ai zawn sumsing lamu kaw na awng padang jaw dat na nngai; ginding aga gaw dai hpe hkap la na matu hpaw malang na ra ai, aga gaw shanglawt ahkaw ahkang hte teng man rap ra ai tara pru wa na ra ai. Dai Madu ngai nan ndai amu hpe shabyin dat na nngai,” ngu nna tsun ai.

ESAIA 53:2

Dai gaw dai Madu a myit ra ai hku galaw nga sai shi a shangun ma rai nna shi gaw hkun hkraw ai lamu ga hta ru ru ai hkai bawng zawn tu nga ai. Shi hta sari sadang n nga, tsawm htap ai mung n nga, shi hpe yu matsing na zawn re ai nsam n nga nga ai. Shi hpe yu tsaw ra na zawn re ai myi man ningchya hpa mung n nga nga ai, anhte a myit hpe gang la lu ai yu ra shingni shi hta hpa mung n nga nga ai.

ESAIA 60:15

“Nang gaw galoi mung kau da nna n dawng ai hkrum sana n rai, Shagram kau da ai mare, katsi katsang mare tai sana n rai. Ngai gaw nang hpe galu kaba ai hte tsawm htap shangun na nngai, Htani htana prat dingsa kabu gara ai shara shatai na nngai.

ESAIA 60:21

Na a amyu masha ni gaw ding man ai amu mahkra galaw na mara ai, Mungdan hpe htani htana madu la na mara ai. Nye galu kaba ai lam yawng mayawng hpe madun dan na matu, Ngai shanhte hpe hkai da nna, shanhte hpe lajang da ni ai.

ESAIA 61:11

Nli tum ni kaw na maku rawt wa ai hte tu kaba wa ai hte maren, dai Tsaw Htum ai dai Madu gaw shi a amyu masha ni hpe hkye hkrang la na ra ai, Masha amyu baw ni yawng shi hpe shakawn kungdawn na mara ai.

YEREMIA 23:5

Dai Madu gaw, “Dawi a aru arat kaw na teng man ai hkawhkam langai mi hpe ngai lata san da ai aten du wa na ra ai. Dai hkawhkam wa gaw hpaji rawng ai hte up hkang nna, mungdan ting hpe ding hpring ai hte teng man ai hku up hkang na ra ai.

YEREMIA 33:15

Dai aten hta ding hpring ai Dawi a aru arat hpe hkawhkam hku nna ngai lata san da na nngai. Dai hkawhkam wa gaw mungdan ting hta ding hpring ai hte teng man ai hku bungli daw dan na ra ai.

YEREMIA 44:14

Egutu mung hta sa shanu nga ai, ngam nga ai Yuda masha ni gaw langai mi mung lawt wa lu nna asak hkrung nga lu na mara ai n rai. Shanhte hta na langai wa mi mung kalang mi bai wa nga na matu shanhte marit nga ai Yuda mung de nhtang wa lu na mara ai n rai. Hprawng lawt lu ai ni hta jan nna, langai mi mung nhtang wa lu na mara ai n rai,” ngu nna tsun ai.

YEREMIA 44:28

Rai ti mung, nanhte hta na nkau mi gaw si hkrung si htan kaw na hprawng lawt wa nhtawm Egutu mung kaw nna Yuda mung de nhtang wa na marin dai. Shaloi asak naw hkrung nga lu ai ni gaw nye a ga mahtang, shing n rai, shanhte a ga mahtang teng ai n teng ai hpe chye wa na mara ai.

EZEKELA 34:29

Ngai gaw ga sau rawng ai yi hkauna ni hpe shanhte a lata hta ap ya nna dai mungdan hta hku hku hpang gara ai hpe jahtum kau na nngai. Masha amyu baw ni gaw shanhte hpe galoi mung asawng asang di na mara ai n rai.

EZEKELA 36:8

Rai ti mung, nye a Israela amyu masha ni e, hpun ni gaw Israela bum ni hta e nanhte a matu kalang mi bai tu wa nna asi si wa na ra ai. Nanhte mung kade n na yang, buga dum nta de wa lu na marin dai.

EZEKELA 7:16

Masha nkau mi gaw pa kadit ni kaw na pyen htaw lung wa ai hkrudu ni zawn, bum de hprawng lawt lu na mara ai. Shanhte yawng mung shanhte a shut hpyit ai yubak ni a jaw e kraw madai na mara ai.

YOELA 2:32

Rai ti mung, karum la na matu dai Madu hpe hpyi jahtau ai ni yawng hkye hkrang la hkrum na mara ai. Dai Madu tsun da sai hte maren, ‘Yerusalem mare na nkau mi lawt lu na mara ai; dai ni gaw ngai lata san da hkrum ai ni rai nna hkrung nga lu na mara ai,’”

YOELA 3:18

Dai aten hta, bum ni gaw sabyi sun ni hte hpring na ra ai; yam nga ni hpe kawng shagu a ntsa hkan e mu lu na ra ai; dai yang e, Yuda hka shi hka gai yawng hkan hka lwi na ra ai. Dai Madu a Nawku Htingnu kaw na hka shi langai lwi wa na ra ai, dai gaw Akasia Kadit hpe madit ya na ra ai.

OBEDIA 1:17

“Rai ti mung Ziun Bum ntsa e, nkau mi hprawng lawt lu nna, dai shara gaw chyoi pra ai shara tai na ra ai. Yaku a amyu masha ni gaw shanhte a ahkaw ahkang hte maren, dai lamu ga hpe madu la lu na mara ai.

ZEHKARIA 3:8

Dai rai nna Hkinjawng Kaba rai nga ai Yawshu e, madat u, shi a hkinjawng manang ni e, nanhte gaw htawm hpang du na ra ai aten a matu mai kaja ai a kumla rai nga myit dai; ngai gaw nye a shangun ma rai nga ai Lakung ngu shaga hkrum ai wa hpe madun dan na nngai!

ZEHKARIA 6:12

Chyahtum Chyalai N-gun rawng ai dai Madu gaw shi hpe, ‘Lakung ngu shaga hkrum ai wa gaw shi nga ai shara hta galu kaba ringchying wa nna dai Madu a Nawku Htingnu hpe gaw gap na ra ai.

ZEHKARIA 9:17

Dai mungdan gaw kade sha mai kaja nna tsawm htap nga na rai a hka! Shabrang ni mung dai mung na nsi naisi hte sabyi ntsin a majaw n-gun ja nna kaba wa na mara ai.

MALAHKI 3:17

“Chyahtum Chyalai N-gun rawng ai dai Madu gaw, “Shanhte gaw nye a amyu masha ni tai na mara ai. Dai amu hpe ngai galaw ai shani hta, shanhte gaw ngai madu ai ni tai wa na mara ai. Kawa gaw shi hpe daw jau ai shadang sha hpe matsan dum ai zawn ngai mung shanhte hpe matsan dum na nngai.

MAHTE 24:22

Karai Kasang gaw dai nhtoi ni hpe shayawm kau nu ai; shi shing n di yang gaw, kadai mung hkrung nga lu na ra ai n rai. Rai ti mung shi a lata la ai masha ni a matu mara, Karai Kasang gaw dai nhtoi ni hpe shayawm kau na ru ai.

LUKA 21:36

Nanhte gaw dai byin wa na ra ai lam ni yawng hpe lai di nna lawt lu na n-gun atsam lu la myit ga hte Masha Kasha a man e tara daw dan hkam na matu tsap lu ging ai ni tai lu myit ga akyu hpyi nga let amaja nga mu,” ngu mu ai.

YAWHAN 1:14

Mungga gaw shinggyim hkum hkrang dagraw la nna, chyeju hte teng man ai hpring let anhte hta nga nga yu sai. Anhte gaw shi a hpung shingkang hpe mu lu sagaw ai. Dai hpung shingkang gaw Kawa Karai Kasang a Kasha shingtai ngu ai hpe shi hkam la lu ai lam rai nga ai.

2 KORINHTU 4:6

Yesu Hkristu a myi man hta htoi tu ai hpung shingkang a lam nanhte chye chyang u ga, anhte a myit masin hta nhtoi jahtoi ya ai Karai Kasang gaw, “Nsin hta na nhtoi htoi na ra ai,” nga nna tsun ai Karai Kasang shi nan rai nga ai.

2 PETRU 1:16

Anhte a Madu Yesu Hkristu a hpung shingkang atsam hte du sa ai lam nanhte hpe chye shangun na matu anhte gaw masha e gyin shalat la ai maumwi hta shamyet shanat ai lam n galaw saga ai. Anhte a myi hte nan shi a galu kaba hkik hkam ai lam hpe mu lu saga ai.