ESAIA 39:8 - Jinghpaw Common Language Bible 2009

⁸ Hkawhkam Hezekia gaw shi a prat hta ngwi pyaw sim sa lam hte shim lum lam nga nga sana re hpe shi chye na wu ai majaw shi gaw, “Ngai hpe nang jaw ya ai dai Madu kaw na mungga gaw mai kaja nga ai,” ngu nna bai htan wu ai.

Jinghpaw Hanson Version Bible

⁸ Shaloi Hezekia gaw, Nang htawn tsun ai Yehowa a ga mai kaja nga ai: bai, Gaja wa nye a aprat e ngwipyaw ai hte sadi sahka rai na ra ai,” ngu nna Esaia hpe tsun wu ai.

ESAIA 39:8 ပူးပေါင်းရင်းမြစ်များ

2 SAMUELA 15:26

Rai ti mung shi ngai hpe n ra sharawng sai rai yang mung, hpa n ra ai, shi ra ai hku ngai hpe galaw nu ga,” ngu nna tsun wu ai.

2 HKAWHKAM LABAU 32:26

Rai ti mung hpang jahtum e chyawm gaw Hezekia hte Yerusalem mare masha ni shanhte hkum hpe shagrit shanem ma ai rai nna dai Madu mung Hezekia si mat ai hpang du hkra amyu masha ni hpe ari n jaw da wu ai.

2 HKAWHKAM LABAU 34:28

Yerusalem mare ntsa e ngai shapraw na ari gaw nang si mat wa ai hpang du hkra du na ra ai n rai. Ngai nang hpe ngwi ngwi pyaw pyaw hte si wa shangun mayu nngai.” Dai masha ni gaw dai mungga gun nna Hkawhkam Yoshia hpang de nhtang mat wa ma ai.

YOBA 1:21

Shi gaw, “Ngai gaw kaman hte shangai wa ai rai nna, kaman hte si wa na nngai. Dai Madu jaw nu ai, ya chyawm gaw shi bai la kau nu ai. Shi a mying ningsang shakawn kungdawn ai hkrum nga u ga law!,” ngu nna tsun wu ai.

SHAKAWN KUNGDAWN 39:9

Nang ngai hpe ndai zawn re ai nni nkri hpe jahkrum ai wa rai nga ndai majaw, ngai ga hkaw mi mung n tsun ai sha, zim rai nga na nngai.

SHARUNG SHAYAWT 3:22

Dai Madu a n htum n wai ai tsaw ra myit hte matsan dum ai gaw ya du hkra matut manoi rai nga ai,

SHARUNG SHAYAWT 3:39

Anhte a shut hpyit kau ai yubak a matu anhte ari hkrum nga ga yang, hpa majaw aput angun nga nna tsun ang nga ga ni?

JAW JAU 10:3

Dai hpang Mawshe gaw Arun hpe, “Da ndai gaw, ‘Ngai hpe daw jau ai ni yawng nye a chyoi pra ai ban hpe hkungga lu na rai nna, nye a amyu masha ni hpe nye a hpung shingkang madun dan na we ai,’ nga nna dai Madu tsun ai gaw ndai zawn re ai lam hpe shi tsun ai re,’” ngu nna tsun wu ai. Rai ti mung Arun mahtang atsin sha nga nga wu ai.

ZEHKARIA 8:16

Ndai gaw nanhte galaw ang myit dai amu ni rai nga ai: langai hte langai teng man ai ga tsun nga mu. Tara daw dan ai rung ni hta kaja wa teng man rap ra ai hte ngwi pyaw sim sa lam jaw ya lu ai hku matsan dum hkat nga mu.

ZEHKARIA 8:19

“Shata mali, shata manga, shata sanit hte shata shi hta lusha gam ai gaw kabu gara ai lusha poi tai wa nna, Yuda amyu masha ni a matu kabu pyaw hpa lam tai wa nga ai. Dai re ai majaw nanhte sim sa lam hpe tsaw ra lu na rai myit dai.”

1 PETRU 5:6

Dai re ai majaw Karai Kasang gaw shi a ram ging hkrak dum ai aten du jang nanhte hpe shagrau shatsaw dat myit ga, Karai Kasang a n-gun atsam rawng ai lata a npu e nanhte a hkum hpe shagrit shanem nna nga mu.

1 SAMUELA 3:18

Dai rai nna, Samuela gaw lama mi mung n ip da ai sha, shi hpe lam magup tsun dan wu ai. Eli chyawm gaw, “Shi gaw dai Madu rai nga ai; shi hta kaja htum ai hku shi galaw na ra ai,” ngu nna tsun ai.